Gold Rate: சற்று குறைந்தது தங்கத்தின் விலை... இன்று (ஏப்ரல் 15. 2022) சவரன் எவ்வளவு தெரியுமா?

தங்கம் விலையானது வாரத்தின் முதல் நாளான திங்கள் முதல் விலை ஏற்றத்துடனே இருந்து வந்த நிலையில், வாரத்தின் ஐந்தாவது நாளான இன்று விலை சற்று குறைந்துள்ளது.

சென்னையில் இன்று 22 கேரட் ஆபரணத் தங்கம் ஒரு கிராம் 5006 ரூபாய்க்கு விற்பனை செய்யப்படுகிறது. நேற்று மாலை இதன் விலை ரூ. 5012 ஆக இருந்தது. இன்று தங்கத்தின் விலை கிராமுக்கு ரூ. 6 குறைந்துள்ளது.

அதன்படி, நேற்று மாலை நிலவரப்படி ரூ. 40,096-க்கு விற்பனை செய்யப்பட்ட ஒரு சவரன் ஆபரணத் தங்கம் இன்று  ரூ. 48 குறைந்து ரூ.40,048-க்கு விற்பனையாகிறது.

ஒரு கிராம் ஆபரணத் தங்கத்தின் விலை கோயம்புத்தூர் மற்றும் திருச்சி உள்ளிட்ட மாவட்டங்களில் ரூ. 5006 விற்பனை செய்யப்படுகின்றது.

தங்கத்தின் விலையானது குறைந்துள்ள நிலையில், வெள்ளியின் விலையும் சற்று குறைந்து காணப்படுகின்றது. நேற்று மாலை நிலவரப்படி ஒரு கிராம் வெள்ளி ரூ. 74.60-க்கு விற்பனையான நிலையில் இன்று 0.20 காசுகள் குறைந்து ரூ. 74.40-க்கு விற்பனை செய்யப்படுகின்றது.

நேற்று மாலை நிலவரப்படி தங்கத்தின் விலை சவரனுக்கு ரூ. 56 அதிகரித்து விற்பனையான நிலையில் இன்று காலை நிலவரப்படி சவரனுக்கு ரூ. 48 விலை குறைந்துள்ளது.