தங்கம் விலை இன்று அதிரடி சரிவு.. சவரன் விலை 40 ஆயிரத்துக்கும் கீழ் சென்றது: வெள்ளியின் விலையும் குறைந்தது

தங்கத்தின் விலை நேற்று சற்று குறைந்த நிலையில், இன்று காலை மேலும் விலை குறைந்துள்ளது.  காலை நிலவரப்படி சவரனுக்கு ரூ. 544 விலை குறைந்துள்ளது.

தங்கத்தின் விலை இந்த ஆண்டு தொடக்கத்தில் இருந்தே அதிகரித்த வண்ணம் உள்ளது. அவ்வப்போது இறக்கங்களும் இருந்து வருகிறது. ஏப்ரல் 10ம் தேதியில் இருந்து தங்கத்தின் விலை உயர்ந்து வந்த நிலையில் நேற்று சற்று குறைந்தது.

நேற்று 22 காரட் தங்கம் ஒரு கிராம் 5025  ரூபாய்க்கும் ஒரு சவரன் 40,200 ரூபாய்க்கும் விற்பனை ஆனது. இந்நிலையில் இன்று காலை கிராமுக்கு 68 ரூபாய்  குறைந்து  ஒரு கிராம் ஆபரண தங்கம் 4,957 ரூபாய்க்கும், சவரனுக்கு 554 ரூபாய் குறைந்து ஒரு சவரன் ஆபரண தங்கம் 39,656 ரூபாய்க்கும் விற்பனையாகிறது.

6 நாட்களுக்கு பின்னர் ஆபரண தங்கத்தின் விலை மீண்டும் சவரனுக்கு 40 ஆயிரத்துக்கும் கீழ் குறைந்துள்ளது.  இதேபோல் 24 காரட் தங்கத்தின் விலை கிராமுக்கு 68  ரூபாய் குறைந்து  5356 ரூபாய்க்கும் சவரனுக்கு 544 ரூபாய்குறைந்து 42,848 ரூபாய்க்கும் விற்பனை ஆகிறது.

தங்கத்தை போன்று வெள்ளியின் விலையும் அதிரடியாக குறைந்துள்ளது.  நேற்று ஒரு கிராம் வெள்ளி 75.00 ரூபாய்க்கும் ஒரு கிலோ வெள்ளி 75,000 ரூபாய்க்கும் விற்பனையானது.  இன்று வெள்ளியின் விலை கிராமுக்கு 1.50 ரூபாய் குறைந்து 73.50 ரூபாய்க்கும் கிலோவுக்கு 1500  ரூபாய் சரிந்து 73,500 ரூபாய்க்கும் விற்பனை ஆகிறது.