ஒரு சவரன் தங்கம் விலை ரூ.1,880 அதிகரிப்பு... ஒரே வாரத்தில் உச்சம் தொட்டதால் நகைப்பிரியர்கள் அதிர்ச்சி..!

சென்னையில் நேற்று ஒரே நாளில் தங்கத்தின் விலை சவரனுக்கு 520 ரூபாய் உயர்ந்து ஒரு சவரன் ஆபரணத் தங்கம் 43ஆயிரத்து 120ரூபாய்க்கு விற்பனை செய்யப்பட்டது.

கிராமிற்கு 65 ரூபாய் அதிகரித்து ஒரு கிராம் ஆபரணத் தங்கம் 5, 390 ரூபாய்க்கு விற்பனையானது.

இதேபோல் வெள்ளியின் விலையும் நேற்று கிராமிற்கு 2ரூபாய் 50காசுகள் உயர்ந்தது. அதன்படி ஒரு கிராம் வெள்ளி 72ரூபாய்க்கும், ஒரு கிலோ வெள்ளி 72ஆயிரம் ரூபாய்க்கும் விற்பனையாகிறது.

அமெரிக்காவில் சிலிக்கான் வேலி மற்றும் signature ஆகிய இரண்டு வங்கிகள் திவாலானதால் பங்குச் சந்தை வீழ்ச்சியடைந்துள்ளது.

இதையடுத்து உலக முதலீட்டாளர்கள் தங்கத்தின் மீது முதலீடு செய்வதால், அதன் விலை தொடர்ந்து உயர்ந்து காணப்படுகிறது.

சென்னையில் கடந்த 5 நாட்களில் ஆபரணத் தங்கத்தின் விலை ஆயிரத்து 880 ரூபாய் அதிகரித்துள்ளதால் நகை வாங்கத் திட்டமிட்டிருந்தோர் அதிர்ச்சியடைந்துள்ளனர்