தொடர்ந்து உயரும் தங்கம் விலை.. நகைப் பிரியர்களுக்கு மீண்டும் மீண்டும் ஷாக்..!

கடந்த ஆண்டு டிசம்பர் மாதம் முதல் தொடர் பண்டிகை காரணமாக தங்கம் விலை படிப்படியாக உயர்ந்து வந்தது. ஜனவரி மாதம் இறுதியில் தங்கம் விலை சில நாட்கள் ஏறுவதும், சில நாட்கள் இறங்குவதுமாக இருந்து வந்தது. பிப்ரவரி 1ஆம் தேதி பட்ஜெட் தாக்கல் செய்யப்பட்ட நிலையில், தங்கம் மீதான வரி அதிகரிக்கப்பட்டதால் தங்கம் விலை ஏறுமுகமாக உள்ளது.

இந்த நிலையில் சென்னையில் 24 காரட் ஆபரண தங்கத்தின் விலை இன்று 8 ரூபாய் உயர்ந்து 5735 ரூபாய்க்கு விற்பனையாகிறது. சவரன் ஒன்றுக்கு 64 ரூபாய் உயர்ந்து 45,880 ரூபாய்க்கு விற்பனை செய்யப்பட்டுள்ளது.

22 காரட் ஆபரண தங்கத்தின் விலை ஒரு கிராமுக்கு 8 ரூபாய் உயர்ந்து 5373 ரூபாய்க்கு விற்பனையானது. ஆபரண தங்கத்தின் விலை சவரனுக்கு 64 ரூபாய் அதிகரித்து 42,984 ரூபாய்க்கு விற்பனையாகிறது.

வெள்ளி விலையில் எந்த மாற்றமும் இல்லை. வெள்ளி கிராம் 74 ரூபாய்க்கு விற்பனையாகிறது. ஒரு கிலோ வெள்ளி விலை 74,000 ரூபாய்க்கு விற்பனை செய்யப்படுகிறது.

தங்கம் விலை தொடர்ந்து அதிகரித்து வருவதால் திருமணம் உள்ளிட்ட விசேஷ நிகழ்வுகளுக்கும், சொந்த தேவைகளுக்காகவும் நகை வாங்க இருந்தோர் கலக்கமடைந்துள்ளனர்.