Gold Rate | உயர்ந்தது தங்கம் விலை... இன்றைய விலை நிலவரம் என்ன?

தங்கத்தின் விலை கடந்த சில மாதங்களாக ஏற்ற இறக்கத்துடன் இருந்து வருகிறது. ஜூலை முதல் நாள், மத்திய அரசு தங்கத்திற்கான இறக்குமதி வரியை உயர்த்தியது. அதைத் தொடர்ந்து, தங்கம் விலையும் அதிரடியாக உயர்ந்தது. பின்னர் ஏற்ற இறக்கத்துடன் இருந்து வருகிறது.

தங்கம் விலை கடந்த ஒரு வாரமாக தொடர்ந்து குறைந்து வந்தது. கடந்த 16-ந்தேதி 1 சவரன் தங்கம் ரூ.39,760-க்கு விற்கப்பட்டது. அதன்பிறகு தொடர்ந்து குறைந்து வந்த தங்கம் நேற்று முன் தினம் 1 பவுன் ரூ.39,168-க்கு விற்றது. இந்த நிலையில் நேற்று தங்கம் சவரனுக்கு ரூ.280 அதிகரித்து 1 பவுன் தங்கம் ரூ.39,448-க்கு விற்கப்பட்டது.

இந்நிலையில் இன்று ஆபரணத் தங்கத்தின் விலையானது சென்னையில் இன்று கிராமுக்கு, 4 ரூபாய் அதிகரித்து, 4935 ரூபாயாகவும், சவரனுக்கு 32 ரூபாய் அதிகரித்து, 39,480 ரூபாயாகவும் விற்பனை செய்யப்பட்டு வருகின்றது.

இதே போலவே வெள்ளி நேற்று கிராமுக்கு 70 காசுகள் அதிகரித்து ரூ.68.20-க்கு விற்கப்பட்டது. அதனால்  1 கிலோ பார் வெள்ளி ரூ.68,200-க்கு விற்பனையானது.

இந்நிலையில் சென்னையில் இன்று ஆபரண வெள்ளியின் விலையானது கிராமுக்கு, 20 பைசா குறைந்து, 68 ரூபாயாக விற்பனை செய்யப்பட்டு வருகின்றது. இதே கிலோவுக்கு 200 ரூபாய் குறைந்து, 68,000 ரூபாயாக விற்பனை செய்யப்பட்டு வருகின்றது.