Gold Rate Today | நகை வாங்க இதுதான் சரியான நேரம்.. ரூ.45 ஆயிரத்திற்கும் கீழ் குறைந்தது தங்கம் விலை!

மே மாத தொடக்கத்தில் தங்கம் விலை உச்சத்தை தொட்டதால் நகை பிரியர்கள் அதிர்ச்சியடைந்தனர். அமெரிக்க வங்கிகள் திவாலானதும் தங்கத்தில் முதலீடுகள் அதிகரித்ததால் விலை உயர்வை சந்தித்ததாக கூறப்பட்டது.

தங்கம் விலை நேற்று சவரனுக்கு ரூ.160 குறைந்த நிலையில் இன்று மீண்டும் அதிரடியாக குறைந்துள்ளது.

அதன்படி, 22 காரட் ஆபரணத் தங்கத்தின் விலை கிராமுக்கு ரூ.5 குறைந்து ஒரு கிராம் 5,600 ரூபாய் ஆகவும், சவரனுக்கு ரூ.40 குறைந்து ஒரு சவரன் ரூ.44,800 ஆகவும் விற்பனையாகிறது.

18 காரட் ஆபரணத் தங்கத்தின் விலை கிராமுக்கு ரூ.4 குறைந்து ஒரு கிராம் 4,587 ரூபாய் ஆகவும், சவரனுக்கு ரூ.32 குறைந்து ஒரு சவரன் ரூ. 36,696 ஆகவும் விற்பனையாகிறது.

வெள்ளி விலை மட்டும் கிராமுக்கு 80 காசுகள் உயர்ந்து ஒரு கிராம் வெள்ளி ரூ.77.00 ஆகவும், ஒரு கிலோ வெள்ளி ரூ.77,000 ஆகவும் விற்பனை செய்யப்படுகிறது.