Gold rate today | அதிரடியாக குறைந்த தங்கம் விலை... இன்றைய விலை என்ன தெரியுமா?

மே மாத தொடக்கத்தில் தங்கம் விலை உச்சத்தை தொட்டதால் நகை பிரியர்கள் அதிர்ச்சியடைந்தனர். அமெரிக்க வங்கிகள் திவாலானதும் தங்கத்தில் முதலீடுகள் அதிகரித்ததால் விலை உயர்வை சந்தித்ததாக கூறப்பட்டது.

கடந்த சில வாரங்களாக தங்கம் விலை ஏறுவதும் இறங்குவதுமாகவே இருந்து வருகிறது.

இந்த நிலையில் நேற்று முன்தினம் சவரனுக்கு ரூ.440 உயர்ந்து விற்பனையான நிலையில், இன்று அதிரடியாக குறைந்துள்ளது.

அதன்படி, 22 காரட் ஆபரணத் தங்கத்தின் விலை கிராமுக்கு ரூ.5 குறைந்து ஒரு கிராம் 5,675 ரூபாய் ஆகவும், சவரனுக்கு ரூ.40 உயர்ந்து ஒரு சவரன் ரூ.45,400 ஆகவும் விற்பனையாகிறது.

18 காரட் ஆபரணத் தங்கத்தின் விலை கிராமுக்கு ரூ.4 குறைந்து 4,649 ரூபாய் ஆகவும், சவரனுக்கு ரூ.32 குறைந்து ரூ. 37,192 ஆகவும் விற்பனையாகிறது.

வெள்ளி விலை கிராமுக்கு 40 காசுகள் குறைந்து ஒரு கிராம் வெள்ளி ரூ.78.60 ஆகவும், ஒரு கிலோ வெள்ளி ரூ.78600 ஆகவும் விற்பனை செய்யப்படுகிறது.