உச்சத்தை தொடும் தங்கம் விலை.. நகை பிரியர்கள் ஷாக்!

அமெரிக்க வங்கிகள் திவால், அமெரிக்க டாலரின் மதிப்பு சரிவு போன்ற காரணங்களால், சர்வதேச சந்தையில் தங்கத்தின் விலை கடந்த சில நாட்களாக தொடர்ந்து அதிகரித்து வருகிறது. இதனால், இந்தியாவில் ஆபரணத் தங்கத்தின் விலை தொடர்ந்து உயர்ந்து வருகிறது.

நேற்று தங்கம் விலை கிராம் ஒன்றுக்கு ரூ.35 உயர்ந்த நிலையில், இன்று மீண்டும் அதிரடியாக உயர்ந்துள்ளது.

22 காரட் ஆபரணத் தங்கம் கிராம் ஒன்றுக்கு ரூ.20 உயர்ந்து 5,565 ரூபாய் ஆகவும், சவரன் ஒன்றுக்கு ரூ.160 வரை உயர்ந்து ரூ.44,520 ஆகவும் விற்பனையாகிறது.

18 காரட் ஆபரணத் தங்கம் கிராம் ஒன்றுக்கு ரூ.17 உயர்ந்து 4,559 ரூபாய் ஆகவும், சவரன் ஒன்றுக்கு ரூ.136 வரை உயர்ந்து ரூ.36,472 ஆகவும் விற்பனையாகிறது.

ஒரு கிராம் வெள்ளி விலையும் 20 காசுகள் உயர்ந்து ஒரு கிராம் வெள்ளி ரூ.76.20 எனவும், கிலோ ஒன்றிற்கு ரூ.76,200 எனவும் விற்பனையாகிறது.