வாடிக்கையாளர்கள் கவனத்திற்கு... அடுத்து வரும் 4 நாட்கள் வங்கிகள் இயங்காது.. ஏடிஎம் சேவையும் முடங்கும்

பொதுத்துறை வங்கிகள் தனியார் மயமாக்கப்படுவதை எதிர்த்து வங்கி ஊழியர்கள் வேலைநிறுத்தப் போராட்டம் அறிவித்துள்ளனர். இதனால் நாளை முதல் 4 நாட்கள் வங்கி சேவைகள் இருக்காது.

கடந்த மாதம் தாக்கல் செய்யப்பட்ட பட்ஜெட்டில் நிதி அமைச்சர் நிர்மலா சீதாராமன் மத்திய அரசின் பங்கு விலக்கல் திட்டத்தில் இரண்டு பொதுத்துறை வங்கிகள் தனியார்மயமாக்கப்படும் என்று அறிவித்தார்.

மத்திய அரசின் இந்த அறிவிப்பிற்கு வங்கி ஊழியர்கள் சங்கம் கூட்டமைப்பு எதிர்ப்பு தெரிவித்தோடு மார்ச் 15, 16 ஆகிய இரண்டு நாட்கள் தொடர்ந வேலை நிறுத்தம் போராட்ம் அறிவித்துள்ளனர்.

நாளை (மார்ச் 13) 2-வது சனிக்கிழமை என்பதால் வங்கி விடுமுறை  மற்றும் ஞாயிறு பொது விடுமுறை. இதனால் மார்ச் 13, 14 விடுமுறை மற்றும் மார்ச் 15, 16 வேலைநிறுத்த போராட்டம் என்பதால் தொடர்ந்து 4 நாட்கள் வங்கி சேவை தடைப்படும்.

வங்கி ஊழியர்கள் வேலைநிறுத்தப் போராட்டத்தில் சுமார் 10 லட்சம் வங்கி ஊழியர்கள், அதிகாரிகள் கலந்த கொள்வார்கள் என்று எதிர்பார்க்கப்படுகிறது.

வங்கி சேவைகள் தொடர்ந்து 4 நாட்கள் தடைப்படுவதால் காசோலை மற்றும் பண பரிவார்த்தனையை வாடிக்கையாளர்கள் மேற்கொள்ள முடியாது. மேலும் ஏடிஎம் சேவையும் முடங்கும் என்று கூறப்படுகிறது.