பிஎம் கிசான் திட்டம்.. விவசாயிகளுக்கான 14-வது தவணை தொகை எப்போது வரும்? வெளியான தகவல்..

பிரதம மந்திரி கிஷான் திட்டத்தின் கீழ் 10 கோடி விவசாயிகள் பலனடைந்துள்ளனர். இதுவரை 13 தவணைகளில் விவசாயிகளுக்கு வருடத்திற்கு ரூ.6,000 வங்கிக் கணக்குகளில் போடப்பட்டுள்ளது.

வருடத்திற்கு மூன்று முறை ரூ.2,000-மாக வருடத்திற்கு ரூ.6,000 வழங்கப்பட்டு வருகிறது. இத்திட்டத்தின் கீழ் சுமார் 8 கோடி விவசாயிகளுக்கு 13வது தவணை உதவித்தொகை வழங்குவதைக் கடந்த பிப்ரவரி மாதம் 27 ஆம் தேதி பிரதமர் தொடங்கிவைத்தார்.

இந்த நிலையில், 14வது தவணை வரும் மே அல்லது ஜூன் மாதத்தின் விவசாயிகளுக்கு வழங்கப்படலாம் என்று தகவல்கள் வெளியாகியுள்ளன.

இத்திட்டத்திற்கு தகுதி வாய்ந்த விவசாயிகளை மாநில அரசின் உதவியுடன் மத்திய அரசு கண்டறிந்து அவர்களின் வங்கிக் கணக்குகளிலேயே ரூ.6,000 செலுத்தப்பட்டு வருகிறது.

https://pmkisan.gov.in/ என்ற இணையத்தளத்தில் ஆதார் எண் மற்றும் வங்கி விவரங்கள் கொண்டு விவசாயிகள் இந்த உதவித்தொகைக்கு விண்ணப்பிக்க வேண்டும்.

உங்களின் உதவித்தொகை குறித்த விவரங்களைத் தெரிந்துகொள்ளக் கீழ் கொடுக்கப்பட்டுள்ள வழிமுறைகளைப் பின்பற்றவும். 1. முதலில் https://pmkisan.gov.in/ இணையதளத்திற்குச் செல்லவும். 2. ஹோம் பேஜ் பக்கத்தில் உள்ள Farmers Corner என்னும் மெனுவின் கீழ் Beneficiary Status’ என்பதை கிளிக் செய்யவும். 3. இப்போது உங்கள் ஆதார் நம்பர் அல்லது வங்கிக் கணக்கு எண் ஆகியவற்றைக் குறிப்பிடவும். 4. இப்போது Get Data என்பதை கிளிக் செய்யவும். 5. உங்களுக்கு எத்தனையாவது தவணை தொகை வர இருக்கிறது என்ற விவரம் இதில் காட்டப்படும்.