விவசாயிகளுக்கு உதவ வருகிறது ChatGPT - மத்திய அரசின் அசத்தல் திட்டம்!

மத்திய அரசின் மின்னணுவியல் மற்றும் தகவல் தொழில்நுட்ப அமைச்சகம் (MeitY) முக்கிய அரசாங்க திட்டங்களை விவசாயிகளிடம் எளிமையாக சேர்ப்பதற்காக புதிய செயற்கை நுண்ணறிவு சாட்பாக்ஸான ChatGPT தரவுகளுடன் ஒருங்கிணைக்க வாட்ஸ்அப் சாட்பாக்ஸை உருவாக்க திட்டமிட்டுள்ளது.

மத்திய அரசின் விவசாயம் சார்ந்த திட்டங்களை பற்றி இணையதளத்தில் டைப் செய்து தேட முடியாத விவசாயிகள் கூட அந்த திட்டங்கள் பற்றி குரல் வழியாக தேடுவதற்காக மின்னணுவியல் மற்றும் தகவல் தொழில்நுட்ப அமைச்சகம் (MeitY) பாஷினி என்ற குழுவை அமைத்தது. பாஷினி தற்போது ChatGPTயின் தரவு மாதிரிகளைப் பயன்படுத்தி WhatsApp சாட்போட்டை சோதனை செய்து வருகிறது.

இதன் மூலம், விவசாயிகள் தங்கள் கேள்விகளை குரல் வடிவில் கேட்கலாம். பாஷினி குழுவினர் அவர்களுக்கு வாட்ஸ்அப் மூலம் பதில் அளிப்பார்கள். இதனோடு செயற்கை நுண்ணறிவு செயலியின் தரவுகளையும் இணைக்க தற்போது நடவடிக்கைகள் எடுக்கப்பட்டு வருகிறது.

கடந்த ஆண்டு நவம்பர் மாதம் ஓபன் AI நிறுவனம் ChatGPT செயலியை அறிமுகப்படுத்தியது. எவ்வளவு குழப்பமான, கடினமான கேள்விகளை கேட்டாலும் தெளிவாக பதில் சொல்லும் இந்த செயலியை மைக்ரோசாஃப்ட் நிறுவனத்தின் Bing மற்றும் Edge பிரவுசர்களில் தகவமைத்து கொண்டது.

இதையடுத்து மத்திய அரசும் ChatGPT தரவுகளை தங்கள் சாட் பாக்ஸில் தகவமைக்கும் பணிகளை மேற்கொண்டு வருகிறது. இதன் மூலம் விவசாயிகளுக்கான சந்தேகங்கள் கேள்விகளை எல்லாம் தெளிவாக நிவர்த்தி செய்ய முடியும் என்று நம்புகிறது.

தற்போது இந்த சாட்பாட் 12 மொழிகளை கிடைக்கிறது. ஆங்கிலம், இந்தி, தெலுங்கு, தமிழ், மராத்தி, பெங்காலி, கன்னடம், ஒடியா, அசாமிஸ் போன்றவை இதில் அடங்கும். விவசாயிகள் எந்த மொழிகளில் கேள்விகளைக் கேட்டாலும், சாட்போட் அதே மொழியில் பதிலளிக்கும்படி உருவாக்கப்பட்டு வருகிறது.

இது முதன்மையாக இந்திய விவசாயிகள் பல்வேறு அரசு  முயற்சிகள் மற்றும் சேவைகள் பற்றிய கேள்விகள் மற்றும் தகவல்களை சாட்பாட் மூலம் தேட பயன்படுத்துவதற்காக வடிவமைக்கப்பட்டுள்ளது.