இன்னும் ஒரு வருடம்.. ஆதார் இணைப்புக்கு அவகாசம் நீட்டிப்பு.. மத்திய அரசு வெளியிட்ட புதிய அறிவிப்பு

ஆதார் - வாக்காளர் அடையாள அட்டை இணைப்புக்கு மார்ச் 31 ஆம் தேதி வரை காலஅவகாசம் கொடுக்கப்பட்டிருந்த நிலையில், அடுத்தாண்டு வரை நீட்டிக்கப்பட்டுள்ளது.

கடந்த 2021 டிசம்பரில் நாடாளுமன்றத்தில் நிறைவேறிய தேர்தல் விதிகள் திருத்த சட்டத்தின் படி, ஆதார் எண்ணுடன் வாக்காளர் தகவல்களை இணைக்க அனுமதி அளிக்கப்பட்டது.

அதனை தொடர்ந்து இந்திய தேர்தல் ஆணையம் வாக்காளர் அடையாள அட்டையுடன் ஆதார் எண்ணை இணைக்கும் பணியை கடந்த 2021 ஆகஸ்ட் 1-ம் தேதி துவங்கி வரும் 2023 ஆண்டு மார்ச் 3-ம் தேதிக்குள் முடிக்க உத்தரவிட்டிருந்தது. இதனை தொடர்ந்து அனைத்து மாவட்டங்களிலும் கல்லூரி மாணவர்கள், பொதுமக்களிடம் வாக்காளர் அடையாள அட்டையுடன் ஆதார் இணைப்பது தொடர்பாக விழிப்புணர்வு ஏற்படுத்தப்பட்டு வருகிறது.

இந்நிலையில் வரும் 31ம் தேதியுடன் கால அவகாசம் முடிய இருந்த நிலையில், நாட்டின் பெரும்பாலான பகுதிகளில் இந்த பணிகள் பாதியளவுக்கு கூட நிறைவேற வில்லை என கூறப்படுகிறது.

இதனால் அவகாசத்தை மேலும் ஓராண்டு நீட்டிப்பு செய்து சட்டம் மற்றும் நீதித்துறை அமைச்சகம் அறிவிப்பு வெளியிட்டுள்ளது. அதன்படி 2024 ஆம் ஆண்டு மார்ச் மாதம் 31ம் தேதிக்குள் அனைவரும் ஆதாருடன் வாக்காளர் அட்டையை இணைக்க வேண்டும் என தெரிவிக்கப்பட்டுள்ளது.

ஆதார் எண்ணை வாக்காளர் அடையாள அட்டையுடன் இணைக்க என்ற இணையதளத்தை பயன்படுத்தி பொதுமக்கள் இணைத்துக்கொள்ளலாம்.