ஆதார் அட்டை யூஸ் பண்றீங்களா? கண்டிப்பாக தெரிஞ்சுக்க வேண்டிய விஷயங்கள் இதோ!

ஆதார் அட்டை முக்கியமான அடையாள அட்டையாகத் திகழ்கிறது. அரசின் நலத்திட்டங்களைப் பெறுவதற்கு ஆதார் அட்டை முதன்மையாக விளங்குகிறது. வங்கிக் கணக்கு தொடங்குவதற்கும், புதிய மொபைல் எண் பெறுவதற்கும், பான் கார்டு வாங்குவதற்கும் ஆதார் அட்டை அவசியமாக உள்ளது.

இந்த நிலையில், மேற்குறிப்பிட்ட அனைத்து சேவைகளையும் பெற ஆதார் அட்டையுடன் மொபைல் எண் இணைப்பது என்பது கட்டாயமாக உள்ளது. ஆதார் எண்ணில் மொபைல் எண்ணை இணைப்பது மிக எளிதான ஒன்றுதான். அருகிலுள்ள ஆதார் சேவா கேந்திரா மையங்களுக்குச் சென்று இணைக்க முடியும். ஆதாரில் எதிர்காலத்தில் மேற்கொள்ளும் அனைத்து திருத்தங்களுக்கும் மொபைல் எண் இணைக்கப்பட்டால் மட்டுமே செய்யமுடியும் என்ற நிலை உள்ளது.

மேலும் உங்கள் ஆதார் அட்டையில் சில திருத்தங்களை வாடிக்கையாளர்களே ஆன்லைனில் செய்துகொள்ள வழி வகை செய்யப்பட்டுள்ள நிலையில், சில திருத்தங்கள் ஆதார் மையத்திற்கு சென்று திருத்தம் செய்ய வேண்டிய நிலை உள்ளது. அப்படி ஆதார் மையத்திற்குச் செல்லும் நேரத்தில் ஒரு சில ஆவணங்களைச் சமர்ப்பிக்க வேண்டிய கட்டாயம் உள்ளது.

இந்த நிலையில் உங்கள் ஆதார் அட்டையில் மொபைல் எண்ணைப் புதுப்பிக்க, எந்த ஆவணங்களும் சமர்ப்பிக்கப்பட வேண்டியதில்லை என UIDAI அமைப்பு தெரிவித்துள்ளது. உங்களில் ஆதார் அட்டை மற்றும் சரியான மொபைல் எண் இருந்தால் மட்டும் போதுமானது. ஆதார் அட்டையுடன் மொபைல் எண்ணை இணைக்கலாம்.

அதே போல், மொபைல் எண் இணைப்பு அல்லது மொபைல் எண் மாற்றம் போன்றவற்றை ஆன்லைனில் செய்ய முடியாது. உங்களுக்கு அருகில் உள்ள ஆதார் சேவா கேந்திரா மையங்களுக்குச் சென்று மட்டும் தான் இந்த சேவையை செய்துக்கொள்ள முடியும்.

மொபைல் எண் -ஐ ஆதார் அட்டையுடன் இணைப்பதால் கிடைக்கும் நன்மைகள் : ஆதார் நன்மைகள் மற்றும் ஆன்லைன் சேவைகளைப் பெற, உங்கள் மொபைல் எண் -ஐ ஆதார் எண்ணுடன் இணைப்பது அவசியமான ஒன்றாகும்.

நீங்கள் ஆதார் அட்டையில் ஏதேனும் திருத்தங்களைச் செய்ய விரும்பினால், உங்கள் மொபைல் எண்ணை உங்கள் ஆதார் உடன் இணைத்திருக்க வேண்டும். உங்கள் இணைக்கப்பட்ட மொபைல் எண்ணுக்கு அனுப்பப்பட்ட OTP வழியாகச் சரிபார்ப்பு செய்யப்பட வேண்டிய இ-ஆதாரின் நகலை நீங்கள் பதிவிறக்கம் செய்யலாம்.

ஆதார் சேவா மையத்தில் புதிதாக ஆதார் அட்டைக்கு விண்ணப்பிக்கலாம், பெயர் புதுப்பிப்பு, முகவரி புதுப்பிப்பு, மொபைல் எண் புதுப்பிப்பு, மின்னஞ்சல் ஐடி புதுப்பிப்பு மற்றும் பிறந்த தேதி  (DOB) புதுப்பிப்பு உள்ளிட்டவற்றையும் நீங்கள் எளிதாக மேற்கொள்ளலாம்.