காங்கிரசில் இணைந்த பாஜகவின் ‘கலக நாயகன்’...!

பாலிவுட் நடிகரும் பாஜக எம்.பியுமான சத்ருஹன் சின்ஹா இன்று காங்கிரஸ் கட்சியில் இணைந்துள்ளார்.

வாஜ்பாய் தலைமையிலான அரசில் அமைச்சராக இருந்த சின்ஹா, மோடி ஆட்சியில் தொடர்ந்து அரசை விமர்சித்தே வந்தார்.

வரும் தேர்தலில் சின்ஹாவுக்கு பாஜக சீட் ஒதுக்கவில்லை. அவரது பாட்னா சாஹிப் தொகுதியில் மத்திய அமைச்சர் ரவி சங்கர் பிரசாத்தை பாஜக நிறுத்தியுள்ளது.

பாஜகவில் இருந்து எப்படியும் விலகுவார் என்று எதிர்பார்க்கப்பட்ட நிலையில், சமீபத்தில் ராகுல் காந்தியை சின்ஹா சந்தித்து பேசினார். இன்று அதிகாரப்பூர்வமாக அக்கட்சியில் இணைந்து பாட்னா தொகுதியில் காங்கிரஸ் சார்பில் சின்ஹா போட்டியிட உள்ளார்.