கூகுளில் அதிகம் தேடப்பட்ட கார்களின் பட்டியலிலும் மாருதி சுசூகி-க்கு முதலிடம்!

2019-ன் பின்பாதியில் இந்திய ஆட்டோமொபைல் துறை பெரும் வீழ்ச்சியைச் சந்தித்திருந்தாலும் தற்போது கார்களின் விற்பனை சூடுபிடித்துள்ளது. 2019-ம் ஆண்டில் கூகுளில் அதிகம் தேடப்பட்ட கார்களில் முதலிடத்தை மாருதி சுசூகியின் பலேனோ பெற்றுள்ளது.

மாருதி சுசூகி பலேனோ இந்தியாவில் BS-6 மாற்றத்துக்குத் தயாரான முதல் கார் ஆகும். ஸ்போர்ட்டி லுக் உடன் கவரும் இந்தக் கார் பெட்ரோல் மற்றும் டீசல் ஆகிய இரண்டு என்ஜின் ரகங்களில் கிடைக்கிறது.

இந்தியாவில் வெளியான முதல் கனெக்டட் கார் என்ற பெருமையைப் பெற்ற கார் ஹூண்டாய் வென்யூ. மொத்தம் 13 ரகங்களில் 5 டீசல் என்ஜின், 8 பெட்ரோல் என்ஜின் ரகங்கள் உள்ளன. 7 ஸ்பீடு ஆட்டோமேட்டிக் கியர்பாக்ஸ் சிறப்பம்சமாகும்.

சூப்பர் பவர் முழு சைஸ் எஸ்யூவி என்ற சிறப்புப் பெயரோடு அறிமுகமானது டொயோட்டா ஃபார்ச்சூனர். இதனது விலை 28.18 லட்சம் முதல் 34.2 லட்சம் ரூபாய் வரையில் உள்ளது.

2019-ல் தான் பிரிட்டனின் MG மோட்டார்ஸ் நிறுவனம் இந்தியாவில் கால் பதித்தது. முதல் வெளியீடான MG Hector மூலம் இந்திய எஸ்யூவி சந்தையையே தன் பக்கம் திருப்பியது இந்நிறுவனம்.

மஹிந்திரா XUV300 கார் இந்தியாவிலேயே தயாரான நாட்டின் அதிகப் பாதுகாப்பு அம்சங்கள் நிறைந்த கார் என்ற பெருமையைக் கொண்டது.

கியா செல்டாஸ் இந்திய ஆட்டோமொபைல் சந்தை நிலையையே புரட்டிப் போட்டது. விற்பனை தொடங்கும் முன்னரே ஆயிரக்கணக்கான முன்பதிவுகள் நடைபெற்ற கார். மொத்தம் 16 ரகங்களில் இந்தக் கார் விற்பனையில் உள்ளது.