நியூஸ்18 ஆட்டோ விருதுகள்! 2019-ம் ஆண்டின் மிகச்சிறந்த டாப் 5 எஸ்யூவி/ எம்பிவி கார்கள்

நியூஸ் 18 டெக் மற்றும் ஆட்டோ விருதுகளின் மூன்றாம் ஆண்டு நிகழ்வில் இந்தியாவின் முன்னனி 5 எஸ்யூவி/ எம்பிவி கார்கள் தேர்ந்தெடுக்கப்பட்டுள்ளன.

2019-ம் ஆண்டிலேயே ஒரே மாதத்தில் சுமார் 14 ஆயிரம் கார்கள் விற்பனையாகி டாப் 5 பட்டியலில் இந்தியாவின் சிறந்த எஸ்யூவி ஆக கியா செல்டாஸ் தேர்ந்தெடுக்கப்பட்டுள்ளது. கியா செல்டாஸ் விலை 9.69 லட்சம் ரூபாய் ஆகும்.

பெரும் போட்டிக்கு மத்தியில் இரண்டாம் இடத்தில் MG ஹெக்டார் உள்ளது. பிரிட்டிஷ் நிறுவனமான மோரிஸ் கராஜ் நிறுவனத்தில் முதல் இந்திய வெளியீடான ஹெக்டாருக்கு பெரும் வரவேற்பு உள்ளது. இதனது விலை 12.18 லட்சம் ரூபாய்.

மாருதி சுசூகியின் டாப் எம்பிவி ரக காரான XL6 மூன்றாம் இடம் பிடித்துள்ளது. மாருதி எர்டிகா காரை அடிப்படையாகக் கொண்டு உருவான இந்தக் கார் 6 சீட்டர் வெர்ஷன் அறிமுகமானது.

மற்றொரு எம்பிவி ரக காரான ரெனால்ட் ட்ரிபர் இந்தியாவின் முதல் மாட்யூலர் எம்பிவி ரக கார் ஆகும். இதனது விலை 4.95 லட்சம் ரூபாய்.

டாப் எஸ்யூவி கார்களுக்கு பெரும் போட்டியாக் அறிமுகமானது ஹூண்டாய் வென்யூ. இந்தியாவில் அதிகம் விற்பனையான டாப் எஸ்யூவி காரான வென்யூவின் விலை 6.50 லட்சம் ரூபாய்.