BS-VI விதியால் இந்தியாவில் விற்பனை நிறுத்தப்படும் டாப் 5 கார்கள்..!

இந்திய ஆட்டோமொபைல் துறையில் மிகப்பெரிய மைல்கல்லைப் பதித்த கார் டாடா சஃபாரி. 20 ஆண்டுகளுக்கும் மேலாகத் தொடர்ந்து விற்பனை சாதனை படைத்து வந்த இந்தக் காரின் விற்பனையை இந்தியாவில் நிறுத்துவதாக டாடா அறிவித்துள்ளது.

சிறந்த தரமான செடான் பயண அனுபவத்துக்கு ஏற்றதாக இருந்த டொயோட்டா கொரோலா அல்டிஸ் கார் விற்பனையும் BS-VI விதி அமலானதன் காரணமாக நிறுத்தப்படுகிறது.

BS-VI விதியின் படி அப்டேட் செய்ய செலவு அதிகம் ஆகும் என்பதால் இந்தியாவின் மிகவும் பிரபலமான ஸ்கோடாவின் ஆக்டேவியா காரின் விற்பனை நிறுத்தப்படுகிறது. ஆனால், இன்னும் இரண்டு ஆண்டுகளில் இதே தோற்றமுடைய புதிய கார் இந்தியாவில் அறிமுகம் செய்யப்படும் என்கிறது ஸ்கோடா.

அறிமுகம் ஆன போது செடான் கார்களுக்குப் பெரும் போட்டியாக வந்த கார் ஹோண்டா அக்கார்டு. தற்போதைய சூழலில் ஹோண்டா சிவிக் மீது கவனம் செலுத்தும் ஹோண்டா நிறுவனம் அக்கார்டு விற்பனையைக் கைவிடுகிறது.

எஸ்யூவி கார்களில் மிகவும் தரமானதாகக் கடந்த 2012-ம் ஆண்டு அறிமுகம் ஆன பஜீரோ ஸ்போர்ட் காரின் விற்பனையை இந்தியாவில் நிறுத்துவதாக மிட்சுபிஷி நிறுவனம் அறிவித்துள்ளது. இந்நிறுவனத்துக்கு கார் விற்பனையைப் பொறுத்த வரையில் இந்தியாவில் பெரும் வரவேற்பு காணப்படவில்லை.