விலையை உயர்த்திய மாருதி சுசூகி... எந்தெந்த காருக்கு எவ்வளவு விலை உயர்வு..?

மாருதி சுசூகி நிறுவனம் உள்ளீட்டுப் பொருட்செலவின் காரணமாக குறிப்பிட்ட சில மாடல்களுக்கு மட்டும் விலையை உயர்த்தியுள்ளது.

ஜனவரி  27-ம் தேதி முதலே இந்த விலை உயர்வு அமல்படுத்தப்பட்டுள்ளது. மாருதி ஆல்டோ 9,000 ரூபாய் வரையிலும் மாருதி எஸ்-ப்ரெஸ்சோ அதிகப்பட்சமாக 8 ஆயிரம் ரூபாய் வரையிலும் வேகன் ஆர் 4 ஆயிரம் ரூபாய் வரையிலும் விலை உயர்த்தப்பட்டுள்ளது.

எம்பிவி ரக காரானா எர்டிகாவின் விலை அதிகப்பட்சமாக 10 ஆயிரம் ரூபாய் வரையிலும் பலேனோ 8 ஆயிரம் ரூபாய் வரையிலும் XL6 5 ஆயிரம் ரூபாய் வரையிலும் விலை உயர்ந்துள்ளது.

தற்போது மாருதி சுசூகி தொடக்க ரக கார் முதல் ப்ரீமியம் எம்பிவி ரக கார் வரை 2.89 லட்சம் ரூபாய்- 11.47 லட்சம் ரூபாய் வரையிலான பட்ஜெட்டில் விற்பனை செய்து வருகிறது.

புதிய BS VI ரக மாருதி ஆல்டோ-வின் தொடக்க விலை 4.32 லட்சம் ரூபாய் ஆக விற்பனைக்கு அறிமுகமாகியுள்ளது.

அரசின் எண்ணெய் இறக்குமதிக் குறைப்பு மற்றும் இயற்கை எரிவாயு பயன்படுத்த ஊக்குவிக்கும் நடைமுறைகள் ஆகியவற்றின் அடிப்படையில் மாருதி CNG வாகனங்களை தொடர்ந்து அறிமுகம் செய்வதாக உறுதி தெரிவித்துள்ளது.