மஹிந்திரா தயாரிப்பு கார்களை வாங்க உடனே முந்துங்கள்.. ரூ.2.2 லட்சம் வரை டிஸ்கவுண்ட்

ஹோலி பண்டிகை கொண்டாட்டத்தின் ஒரு பகுதியாக, மஹிந்திரா அண்ட் மஹிந்திரா தயாரிப்பு கார்களுக்கு டிஸ்கவுண்ட் அறிவிக்கப்பட்டுள்ளது. நீங்கள் எஸ்யூவி மற்றும் எம்பிவி ஆகிய வகைகளில் புதிய கார் வாங்குவதற்கு திட்டமிடுகிறீர்கள் என்றால், இந்த டிஸ்கவுண்ட் உங்களுக்கு உதவிகரமாக இருக்கும்.

KUV100, XUV300 மற்றும் இதர மாடல்களுக்கு டிஸ்கவுண்ட் வழங்கப்படுகிறது. நீங்கள் தேர்வு செய்யும் கார்களுக்கு தகுந்தாற்போல கேஷ் டிஸ்கவுண்ட், எக்ஸ்சேஞ்ச் ஆஃபர் மற்றும் கார்ப்பரேட் டிஸ்கவுண்ட்ஸ் போன்றவற்றை பெற்றுக் கொள்ளலாம்.

KUV100 NXT: இந்த காரில் நீங்கள் தேர்வு செய்யும் வேரியண்ட்களை பொறுத்து ரூ.38,055 வரை டிஸ்கவுண்ட் வழங்கப்படுகிறது. இதுமட்டுமல்லாமல் இந்த மாதத்தில் எக்ஸ்சேஞ்ச் போனசாக ரூ.20,000 மற்றும் கார்ப்பரேட் டிஸ்கவுண்ட் ஆக ரூ.3,000 பெற்றுக் கொள்ளலாம்.

XUV300: XUV300 கார்களுக்கு ரூ.30,000 வரையிலான கேஷ் டிஸ்கவுண்ட் வழங்கப்படுகிறது. இது மட்டுமல்லாமல் ரூ.10,000 வரையிலான இலவச அக்ஸசரீஸ் பெற்றுக் கொள்ளலாம். இது மட்டுமல்லாமல், இந்த காருக்கு ரூ.25,000 எக்ஸ்சேஞ்ச் போனஸ் மற்றும் ரூ.4,000 கார்பரேட் டிஸ்கவுண்ட் ஆகியவை வாடிக்கையாளர்களுக்கு வழங்கப்படுகிறது.

பொலிரோ: மஹிந்திரா பொலிரோ காருக்கு கேஷ் டிஸ்கவுண்ட் கிடையாது. எனினும், நீங்கள் ரூ.15,000 எக்சேஞ்ச் போனஸ் மற்றும் ரூ.3,000 கார்ப்பரேட் போனஸ் ஆகியவற்றை பெற்றுக் கொள்ளலாம். இந்தக் காருக்கு ரூ.6,000 மதிப்புள்ள இலவச அக்சஸரீஸ் வழங்கப்படும். அதுவே பொலிரோ நியோ கார்களை வாங்கினால் எக்ஸ்சேஞ்ச் மற்றும் கார்ப்பரேட் போனஸ் என்பது முறையே ரூ.20,000 மற்றும் ரூ.4,000 ஆக இருக்கும்.

ஸ்கார்பியோ: இந்தக் காருக்கும் கேஷ் டிஸ்கவுண்ட் கிடையாது என்றாலும், ரூ.15,000 வரையிலான இலவச அக்ஸசரீஸ் கிடைக்கும். இந்தக் காருக்கு கார்ப்பரேட் போனஸாக ரூ.4,000 மற்றும் எக்சேஞ்ச் போனஸாக ரூ.15,000 வழங்கப்படுகிறது.

மேரஸோ: மேரஸோ எம்2 டிரிம் காருக்கு ரூ.20,000 வரை மஹிந்திரா நிறுவனம் டிஸ்கவுண்ட் வழங்குகிறது. மற்ற டிரிம் கார்களுக்கான டிஸ்கவுண்ட் தொகை ரூ.15,000 ஆகும். இதில், எக்சேஞ்ச் போனஸ் மற்றும் கார்ப்பரேட் டிஸ்கவுண்ட் ஆக ரூ.5,200 ஆகியவற்றை மஹிந்திரா நிறுவனம் தனது வாடிக்கையாளர்களுக்கு வழங்குகிறது.

அல்ட்ராஸ் ஜி4: இருப்பதிலேயே மிக அதிகமான கேஷ் டிஸ்கவுண்ட் இந்த காருக்கு தான் அள்ளி வழங்குகிறது மஹிந்திரா நிறுவனம். மிக அதிகப்படியாக இந்தக் காரின் விலை குறைக்கப்பட்டுள்ளது. அதன் பிரத்யேக சிறப்புமிக்க தயாரிப்பாக மஹிந்திரா இதை கருதுகிறது. இந்தக் காருக்கு ரூ.2.2 லட்சம் வரையில் வாடிக்கையாளர்கள் டிஸ்கவுண்ட் பெறலாம்.
எக்ஸ்சேஞ்ச் போனஸாக ரூ.50,000 மற்றும் கூடுதல் கார்ப்பரேட் டிஸ்கவுண்ட் ஆக ரூ.11,500 ஆகியவற்றை பெற்றுக் கொள்ளலாம். இது மட்டுமின்றி ரூ.20,000 மதிப்புள்ள இலவச அக்ஸசரீஸ் கிடைக்கும்.