விழாக்கால கார் ஆஃபர்... பட்ஜெட் விலைக்கு ஏற்ற டாப்-5 கார்கள்..!

விழாக்கால சலுகையாக பல கார் உற்பத்தி நிறுவனங்களும் சலுகைகளையும் தள்ளுபடிகளையும் அறிவித்து வருகின்றனர். 5 லட்சம் ரூபாய்க்கு உள்ளாக பட்ஜெட் ரக கார்கள் வாங்க விரும்புவோருக்கு ஏற்ற டாப் ரக காராக மாருது சுசூகி ஆல்டோ 800 உள்ளது. பாரத் ஸ்டேஜ் 6 -க்கு ஏற்ற அப்டேட் உடன் 2.99 லட்சம் ரூபாய்க்கு அறிமுகம் ஆகியுள்ளது.

சமீபத்திய வெளியீடான மாருதி சுசூகி S-Presso என்னும் மினி ரக எஸ்யூவி கார் குறைந்த காலத்தில் அதிகப்பட்ச முன்பதிவுகளைப் பெற்றுள்ளது. ஆப்பிள் கார்ப்ளே, ஆண்ட்ராய்டு ஆட்டோ என அப்டேட் உடன் 3.69 லட்சம் ரூபாய்க்கு வெளியாகி உள்ளது.

விசாலமான உட்புறத் தோற்றம், நியூ ஜென் தொழில்நுட்பத்துடன் இரண்டு ரக என்ஜின்களுடன் மாருதி சுசூகி வேகன் ஆர் அப்டேட் செய்யப்பட்டு வெளியாகி உள்ளது. இதனது விலை 4.39 லட்சம் ரூபாய் ஆகும்.

6.94 இன்ச் உடனான டச்ஸ்கிரீன் ஆடியோ- வீடியோ சிஸ்டம் உடன் ஆண்ட்ராய்டு ஆட்டோ, ஆப்பிள் கார்ப்ளே, வாய்ஸ் கன்ட்ரோல், ரியர் பார்க்கிங் கேமிரா என அசத்தும் ஹூண்டாய் சான்ட்ரோ விலை 4.15 லட்சம் ரூபாய் ஆகும்.

8.0 இன்ச் டச் ஸ்கிரீன் உடன் அதிகப்பட்ச தொழில்நுட்ப அம்சங்களுடன் இணைந்த ரெனால்ட் க்விட் காரின் விலை 2.93 லட்சம் ரூபாய்.