Home /News /virudhunagar /

கோவில் யாருக்கு சொந்தம் என்பதில் தகராறு.. நிர்வாகி மீது சரமாரி தாக்குதல்.. அருப்புக்கோட்டை பாலவநத்தத்தில் தொடரும் சர்ச்சை..

கோவில் யாருக்கு சொந்தம் என்பதில் தகராறு.. நிர்வாகி மீது சரமாரி தாக்குதல்.. அருப்புக்கோட்டை பாலவநத்தத்தில் தொடரும் சர்ச்சை..

அருப்புக்கோட்டையில் கோவில் நிர்வாகியை தாக்கிய கும்பல்... வைரலாகும் வீடியோவால் பரபரப்பு...

அருப்புக்கோட்டையில் கோவில் நிர்வாகியை தாக்கிய கும்பல்... வைரலாகும் வீடியோவால் பரபரப்பு...

Aruppukkottai | விருதுநகர் மாவட்டம் அருப்புக்கோட்டை அருகே பாலவநத்தம் கிராமத்தில் ராமநாதபுரம் சமஸ்தானத்திற்கு பாத்தியப்பட்ட கோவில் நிர்வாகியை தாக்கிய கும்பலின் வீடியோ சமூக வலைத்தளங்களில் வெளியாகை பரபரப்பை ஏற்படுத்தியுள்ளது. 

  • News18 Tamil
  • 1 minute read
  • Last Updated :
  • Aruppukkottai, India
    விருதுநகர் மாவட்டம் அருப்புக்கோட்டை அருகே பாலவநத்தம் கிராமத்தில் ராமநாதபுரம் சமஸ்தானத்திற்கு பாத்தியப்பட்ட இந்து சமய அறநிலை துறை கட்டுப்பாட்டில் உள்ள ஸ்ரீ பத்திரகாளி அம்மன் திருக்கோவில் அமைந்துள்ளது. இக்கோவில் பராமரிப்பு நிர்வாகியாக அதே ஊரைச் சேர்ந்த ஓய்வு பெற்ற ஆசிரியர் பெருமாள் (66) என்பவர் இருந்து வருகிறார். இக்கோவிலை தனிப்பட்ட சமுதாயத்தைச் சேர்ந்த சிலர் சொந்தம் கொண்டாடி வருவதாக கூறப்படுகிறது.

    இந்நிலையில் கோயிலில் மடப்பள்ளி கட்டுவதற்காக நன்கொடையாளர் மூலம் மணல் மற்றும் செங்கல் போன்றவை கோவில் முன்பு கொட்டப்பட்டது. இதற்கு எதிர்ப்பு தெரிவித்து அந்த சமுதாயத்தைச் சேர்ந்த சிலர் பெருமாளிடம் வாக்குவாதத்தில் ஈடுபட்டுள்ளனர். ஒரு கட்டத்தில் வாக்குவாதம் முற்றி பெண்கள் உள்ளிட்ட நூற்றுக்கும் மேற்பட்டோர் சேர்ந்து கோவில் நிர்வாகி பெருமாளை சரமாரியாக தாக்கியுள்ளனர்.

    இதில் காயமடைந்த பெருமாள் அருப்புக்கோட்டை அரசு மருத்துவமனையில் சிகிச்சை பெற்று வருகிறார். தற்போது இந்த வீடியோ சமூக வலைதளங்களில் வைரலாகி வருகிறது.
    இது குறித்து காயம்பட்ட பெருமாளிடம் கேட்டபோது
    ராமநாதபுரம் சமஸ்தானத்திற்கு பாத்தியப்பட்ட கோவிலை தனிப்பட்ட சமுதாயத்தைச் சேர்ந்த ஒரு கும்பல் சொந்தம் கொண்டாடி வருகிறது. கோவில் நிர்வாகிகளை மிரட்டி தனிப்பட்ட முறையில் திருவிழா நடத்தி உள்ளனர்.

    மேலும் இந்த கோவில் தங்களுக்கு சொந்தமானது என அறிவிப்பு பலகையும் வைத்துள்ளனர். இது குறித்து நடைபெற்ற சமாதானக் கூட்டத்தில் அறிவிப்பு பலகையை அகற்ற வேண்டும் என முடிவெடுத்தபோது வருவாய்த்துறை அமைச்சர் கேகேஎஸ்எஸ்ஆர் ராமச்சந்திரன் தலையிட்டு இந்த நடவடிக்கையை மேற்கொள்ள வேண்டாம் என கூறியதால் அதிகாரிகள் எந்த நடவடிக்கையும் எடுக்கவில்லை.

    Also see... திருச்செங்கோடு கைலாசநாதர் கோவிலில் சிறப்பு வழிபாடு

    அப்போது அறிவிப்பு பலகையை அகற்றியிருந்தால் இவ்வளவு பிரச்னை வந்திருக்காது. இன்று கோவில் மடப்பள்ளி கட்டுவதற்காக நன்கொடையாளர் ஒருவர் மணல் மற்றும் செங்கலை கோவில் முன்பு கொட்டி வைத்திருந்தார். இதனை அடுத்து அங்கு வந்த அந்த கும்பல் இந்த கோவில் எங்களுக்கு சொந்தமானது என கூறி என்னை சரமாரியாக தாக்கினர் நான் அங்கிருந்து தப்பினால் போதும் என ஓடி வந்துவிட்டேன் என கூறினார்.
    Published by:Vaijayanthi S
    First published:

    Tags: Crime News, Viral Video, Virudhunagar

    அடுத்த செய்தி