ஹோம் /நியூஸ் /விருதுநகர் /

கள்ளக்காதலியை செங்கல்சூளையில் வைத்து அடித்துக்கொன்ற நபர் கைது- விருதுநகரில் அதிர்ச்சி சம்பவம்

கள்ளக்காதலியை செங்கல்சூளையில் வைத்து அடித்துக்கொன்ற நபர் கைது- விருதுநகரில் அதிர்ச்சி சம்பவம்

கொலை

கொலை

Crime News: ராஜபாளையத்தில் கள்ளக்காதலியை கொலை செய்துவிட்டு தப்பியோடிய நபரை பிடித்து போலீஸார் விசாரணை செய்து வருகின்றனர்.

  • News18 Tamil
  • 1 minute read
  • Last Updated :
  • Rajapalayam, India

    ராஜபாளையம் அருகே அயன் கொல்லங் கொண்டான் கிராமத்தில் கள்ளக்காதலியை அடித்து கொலை செய்து விட்டு தப்பி ஓடிய கள்ளக்காதலனை பிடித்து காவல் துறையினர் விசாரணை நடத்தி வருகின்றனர்.

    விருதுநகர் மாவட்டம் ராஜபாளையம் அருகே உள்ள அயன் கொல்லங் கொண்டானை சேர்ந்த முத்துசாமி என்பவருக்கு திருமணமாகி இரண்டு ஆண் குழந்தைகள் உள்ளனர். இரண்டு பேரில் ஒருவர் காவல் துறையிலும் மற்றொருவர் வெளிநாட்டில் பணியாற்றி வருகிறார். இவரது மனைவி குடும்ப பிரச்சனை காரணமாக கணவரை பிரிந்து தாய் வீட்டில் உள்ளார்.

    இதே பகுதியை சேர்ந்த பாப்பையன் என்பவரது மனைவி காளீஸ்வரி, கூலி தொழிலாளியாக உள்ளார். இவருக்கு கல்லூரியில் பயிலும் வயதில் மகளும், பள்ளி இறுதி ஆண்டு படிக்கும் மகனும் உள்ளனர்.

    இந்த நிலையில் முத்துசாமிக்கும், காளீஸ்வரிக்கும்  இடையே கள்ளக்காதல்  இருந்துள்ளது. இரவில் முத்துசாமிக்கு சொந்தமான செங்கல் சூளையில், இருவரும் தங்குவது வழக்கம் என கூறப்படுகிறது.

    நேற்று இரவு முத்துசாமிக்கும், காளீஸ்வரிக்கும் தகராறு ஏற்பட்டதாக தெரிகிறது. வாய் தகராறு முற்றிய நிலையில், சூளையில் கிடந்த கம்பு மற்றும் கட்டைகளை கொண்டு முத்துசாமி, காளீஸ்வரியை சரமாரியாக தாக்கி உள்ளார். இவரிடம் இருந்து தப்பிக்க முயன்ற போதும், அவரை இழுத்து சென்று தாக்கியதில் காளீஸ்வரி சம்பவ இடத்திலேயே பரிதாபமாக உயிரிழந்தார். இதனை அடுத்து முத்துசாமி அங்கிருந்து தப்பி விட்டார்.

    Also Read: அமெரிக்காவில் புடவை அணிந்த பெண்கள் மீது குறிவைத்து தாக்குதல்..14 பெண்களை தாக்கிய நபர் கைது

     காலையில் வேலைக்கு வந்த செங்கல் சூளை தொழிலாளர்கள் பார்த்த போது, காளீஸ்வரி சடலமாக கிடந்துள்ளார். அவர்களது தகவலின் பேரில் சம்பவ இடத்திற்கு சென்ற சேத்தூர் ஊரக காவல் துறையினர், சடலத்தை கைப்பற்றி பிரேத பரிசோதனைக்காக அரசு மருத்துவ மனைக்கு அனுப்பி வைத்தனர்.மேலும் சம்பவ இடத்திற்கு வந்த டிஎஸ்பி ப்ரீத்தி கொலை குறித்து அக்கம் பக்கத்தினர் மற்றும் தொழிலாளர்களிடம் விசாரணை நடத்தினார். மேலும் தப்பி ஓடிய முத்துசாமியை பிடித்த காவல் துறையினர் அவரிடம் மேல் விசாரணை நடத்தி வருகின்றனர்.

    செய்தியாளர்: செந்தில்

    Published by:Ramprasath H
    First published:

    Tags: Crime News, Illegal relationship, Murder, Virudhunagar