ஹோம் /நியூஸ் /ட்ரெண்டிங் /

சிரிக்கும் சூரியன்... கிரகணத்திற்கு பின் நடந்த அதிசயம் - நாசா வெளியிட்ட போட்டோ வைரல்

சிரிக்கும் சூரியன்... கிரகணத்திற்கு பின் நடந்த அதிசயம் - நாசா வெளியிட்ட போட்டோ வைரல்

சிரிக்கும் சூரியன்

சிரிக்கும் சூரியன்

சூரியனின் "ஸ்மைலி ஃபேஸ்" காரணமாக, தீவிர சூரிய புயல் அக்டோபர் 28 அல்லது 29 அன்று பூமியைத் தாக்கும் என்று எதிர்பார்க்கப்படுகிறது.

  • News18 Tamil
  • 2 minute read
  • Last Updated :
  • Tamil Nadu, India

    தீபாவளிக்கு மறுநாள் (செவ்வாய் கிழமை) பகுதி சூரிய கிரகணத்தைத் தொடர்ந்து, சூரியன் அதன் வளிமண்டலத்தில் ஸ்மைலி ஃபேஸ் மாதிரி தோற்றம் உருவாகி இருந்தது. ட்விட்டரில், நாசா சூரியன் சிரிப்பது போன்ற படத்தைப் பகிர்ந்துள்ளது. இது சூரியனின் உமிழும் அம்சங்களுக்கு எதிராக கருப்பு திட்டுகளால் செய்யப்பட்ட முகம் போன்ற வடிவத்தைக் காட்டுகிறது.

    நாசா இந்த புகைப்படத்தை தனது ட்விட்டரில் பதிவிட்டு சே சீஸ்! என்று பதிவிட்டுள்ளது. மேலும் அந்த பதிவில், நாசாவின் சோலார் டைனமிக்ஸ் அப்சர்வேட்டரியில் இன்று சிரிக்கும் சூரியன் புகைப்படம் சிக்கி உள்ளது. புறா ஊதா ஓளியின் படி பார்த்தால், சூரியனின் இந்த இருண்ட திட்டுகள் கரோனல் துளைகள் என்று அழைக்கப்படுகின்றன, மேலும் அவை வேகமாக சூரியக் காற்று விண்வெளியில் வெளியேறும் பகுதிகளாகும் என்று அமெரிக்க விண்வெளி நிறுவனம் தெரிவித்துள்ளது.

    இந்த புகைப்படம் 11,000-க்கும் மேற்பட்ட லைக்ஸ்களை பெற்றுள்ளது. மேலும் பலர் சிரிக்கும் சூரியன் புகைப்படம் குறித்து பல்வேறு கருத்துகளை பதிவிட்டு வருகின்றனர். அழகான குளிர் ஆனால் அதே நேரத்தில், திகிலூட்டும் என்று ஒரு பயனர் எழுதினார்.

    இதனிடையே சூரியன் நம்மைப் பார்த்து சிரிப்பது போல் தோன்றினாலும், அது இன்னும் நமது பிரபஞ்சத்தில் பயங்கரமான விளைவுகளை ஏற்படுத்தக்கூடும். சூரியனின் வளிமண்டலத்தில் உள்ள திறந்த காந்தப்புலங்களின் பகுதிகளான கரோனல் துளைகள் என அழைக்கப்படும் தற்செயலான நிலைப்பாட்டின் விளைவாக முகம் போன்ற அமைப்பு உண்மையில் குளிர்ச்சியாகவும் சுற்றியுள்ள பிளாஸ்மாவை விட குறைவான அடர்த்தியாகவும் இருக்கும்.

    Also Read : ஃபோன்பே கூட வேண்டாம்.. கையை நீட்டினாலே பணம் டெபிட்.. டிஜிட்டல் எதிர்காலம்!

    இந்த கரோனல் துளைகள் பூமியை நோக்கி சூரியக் காற்றின் சிக்கலான நீரோட்டத்தை வெளியிடுவதால் அவை நமது கிரகத்தில் உடல்ரீதியான விளைவுகளை ஏற்படுத்தக்கூடும், இது தீவிர சூரிய புயலை ஏற்படுத்தும். SpaceWeather.com கருத்துப்படி , சூரியனின் "புன்னகை முகம்" காரணமாக, தீவிர சூரியப் புயல் அக்டோபர் 28 அல்லது 29 அன்று பூமியைத் தாக்கும் என்று எதிர்பார்க்கப்படுகிறது.

    சூரிய புயல்கள் என்பது சூரியனின் மேற்பரப்பில் காந்த ஆற்றலின் வெளியீடுகளிலிருந்து வரும் கதிர்வீச்சின் தீவிர வெடிப்புகள் ஆகும். இந்த எரிப்பு மற்றும் சூரிய வெடிப்புகள் மனிதர்களை எதிர்மறையாக பாதிக்காது. காந்த ஆற்றலை வெளியிடுவதால், ரேடியோ தகவல்தொடர்புகள், மின்சார மின் கட்டங்கள், ஜிபிஎஸ் உள்ளிட்ட தொழில்நுட்பத்திற்கு அவை அழிவை மட்டுமே ஏற்படுத்தும். அவை விண்கலம் மற்றும் விண்வெளி வீரர்களுக்கும் ஆபத்துக்களை ஏற்படுத்தலாம்.

    Published by:Vijay R
    First published:

    Tags: NASA, Trends, Viral