Math riddle | இந்த கணக்கில் என்ன லாஜிக் ஒளிந்திருக்கும் என்று கண்டுபிடிங்க பார்ப்போம்..!

கணக்கு என்று சொன்னதுமே நம்மில் பலருக்கு பாகற்காயைக் கொடுத்தது போலவே இருக்கும். இதை எப்படித்தான் கடந்து போவதோ என்று சலித்துக்கொள்வோம். ஆனால், உண்மை என்னவென்றால் மாற்ற எல்லா பாடங்களை விடவும் கணக்கு தான் எளிதானது. அதில் எதையும் மனனம் செய்யத் தேவை இல்லை. கணக்கை புரிந்து கொண்டால் விடை தானாக வந்துவிடும்.

அந்த புரிதலையும் கணக்கில் உள்ள லாஜிக்கையும் மக்கள் அனைவரும் புரிந்துகொள்ள பழக்கத் தான் தினமும் ஒரு எளிமையான கணக்கு புதிரை உங்களுக்கு கொடுக்கிறோம். பள்ளி மாணவர்கள் தரத்தில் இருந்து இன்றைய புதிரை தயாரித்து கொடுக்கிறோம். இதை முயற்சி செய்து பாருங்கள்….

ஒரு கணக்கின் அடிப்படை சாரம் புரிந்துவிட்டால், அதை நிமிடத்திற்குள் முடித்துவிடலாம். அதில் உள்ள எண்களின் நேரடி கூட்டல், கழித்தல், பெருக்கல் மட்டும் இல்லாமல் அந்த எண்களை வைத்து சிறிய அளவிலான உட்கணக்குகள் போடப்பட்டு அதை சேர்த்து ஒரு விடையாக கொடுத்திருப்பார்கள். மூளையை கொஞ்சம் கூடுதலாக கசக்க வேண்டும்.கசக்கி பாருங்கள். விடை கிடைத்துவிடும்.

அதேபோல் கண்ணால் பார்த்தால் மட்டும் கணக்கு வந்துவிடாது. காகிதத்தை வைத்து கொஞ்சம் கிறுக்கி பாருங்கள். கொடுக்கப்பட்டுள்ள 2 எண்களை என்ன செய்தால் விடையில் உள்ள எண் கிடைக்கும் என்று போட்டு பாருங்கள். பள்ளி அளவு கணக்கு என்று சொல்லிவிட்டோம். அதனால் கூட்டல், கழித்தல் பெருக்கல் தான் இருக்கப்போகிறது. எதை கூட்ட வேண்டும் எதை பெருக்க வேண்டும் என்று சிந்தியுங்கள்.

இந்நேரம் விடையை கண்டுபிடித்திருப்பீர்கள் என்று நம்புகிறோம். அப்படி கிடைக்கவில்லை என்றாலும் வருத்தப்பட வேண்டாம். கொஞ்சம் முயற்சி செய்தால் கிடைத்துவிடும். சரி இப்போது விடைக்கு வருவோம். விடை கிடைக்கவில்லை என்றாலும் இந்த லாஜிக்கை புரிந்துகொள்ள முயற்சி செய்து பாருங்கள் நிச்சயம் விடை கிடைக்கும்.

இதில் முதல் வரிசையை பார்த்ததும் நேரடி கூட்டல் தானே என்று தோன்றும். ஆனால் அடுத்த வரிசையை பார்க்கும்போது அது வராது என்று தெரிந்துவிடும். ஆனால் விடை எப்படி வந்தது? என்ன அடிப்படையில் அந்த வரிசையில் உள்ள கணக்குகளை போட்டிருக்கிறார்கள்?

A + (A * B ) என்பதுதான் அடிப்படை லாஜிக். இதை வைத்து இப்போது கணக்கில் உள்ள எண்களை போட்டு பாருங்கள் விடை சரியாக வருகிறதா என்று சரிபார்ப்போம்.

முதல் வரிசையில்,

1 + (1 * 4 ) = 1 + 4 = 5

இந்த வரிசை சரியாக வந்துவிட்டது. அடுத்த வரிசையில் பார்ப்போம்,

2 + (2* 5) =2 + 10 = 12

மூன்றாவது வரிசையையும் சரிபார்ப்போம்,

3 + ( 3 * 6 ) = 3 * 18 = 21

இதையும் முயற்சி செய்து பாருங்க; கட்டத்திற்குள் விடுபட்ட எண் என்னவா இருக்கும்னு உங்களுக்கு தெரியுமா?

இறுதியாக கணக்கிற்கு வருவோம்.

8 + 11 என்பது தான் கேள்வி. முன்னர் போட்ட அதே லாஜிக்கை இங்கே உள்ளிடுவோம்.

8 + ( 8 * 11 ) = 8 + 88 = 96

96 என்பது தான் சரியான விடை. உங்களுக்கும் 96 வந்திருந்தால், பெரிய பாராட்டுக்கள். உங்களுக்கு லாஜிக் நன்றாக புரிந்திருக்கிறது. மற்றவர்கள் கவலைப்பட வேண்டாம். லாஜிக் தெரிந்து விட்டது தானே. அதை வைத்து மீண்டும் முயற்சி செய்து பாருங்க. கணக்கு என்பது போடப் போடத் தான் வரும். போட்டுக்கொண்டே இருங்க.