முக்கோணத்தின் மதிப்பை 30 விநாடிகளில் கண்டுபிடித்து விட்டால் நீங்கள் ’கணக்கில் புலிதான்’!

கணக்கு என்பது வெறும் லாஜிக்தான். லாஜிக் புரிந்துவிட்டால் கணக்கீல் புகுந்து விளையாடி வித்தையைக் காட்டலாம். குழந்தைகள் முதல் பெரியவர்கள் வரை எல்லாருக்குமே இந்த லாஜிக் புரிந்துகொள்வதில்தான் சிரமம் இருக்கும். அதை சரி செய்து எப்படி என்று பார்ப்போம்.

எளிமையான புதிர்களை வைத்து உங்கள் லாஜிக் கற்கும் திறனை தூண்டுகிறோம். அப்படி இன்றைக்கும் ஒரு பட புதிரை தீர்வு காண்பது எப்படி என்பதை இங்கு ஸ்டெப் பை ஸ்டெப்பாக பார்க்கலாம்.

இந்த படத்தில் வட்டம் , சதுரம், முக்கோணம் என்ற மூன்று வடிவங்களை வந்து புதிர் போடப்பட்டுள்ளது. இதில் உள்ள ஒவ்வொரு வடிவத்திற்கும்  உள்ள மதிப்புகளை கணக்கிட்டு இறுதியாக முக்கோணத்தின் மதிப்பு என்ன என்பதை சொல்ல வேண்டும். இதற்கு உங்களுக்கு அதிகபட்சம் 30 வினாடிகள்தான் ஆகும். கண்டுபிடியுங்கள் பார்க்கலாம்.

தீர்வு காண முடியவில்லையா? அல்லது தீர்வு கண்டது சரியா என்பது இங்கு சரி பார்க்கலாம். மிக எளிமையான கணக்குதான்இது. இது போன்ற புதிர்களில் 'ஒரு கோல்டன் ஹிண்ட்' என்பதை கண்டிப்பாக கொடுத்திருப்பார்கள். அது கணக்கின் முதலிலும் வரலாம். இடையிலும் வரலாம். ஆனால் அதை தான் முதலில் எடுத்து கணக்கை ஆரம்பிக்க வேண்டும்.

அந்த ஹிண்ட் என்னவென்று யோசிக்கிறீர்களா? ஒரே மாதிரியான படங்களை ஒரே வரிசையில் கொடுத்திருப்பார்கள். அதான் அந்த புதிரின் மையப்புள்ளி. அதில் இருந்ததான் முழு புதிரை வரைந்திருப்பார்கள். அதை மட்டும் பிடித்தால் மொத்த கணக்கும் நம் வசம்தான்.

இப்போது இந்த கணக்கின் புதிரை அவிழ்போமா? இந்த கணக்கில் அந்த ஹிண்ட் முதல் வரிசையிலேயே இருக்கிறது.

வட்டம் + வட்டம் =10

கூட்டினால், 2 x வட்டம் = 10

வட்டம் =10/2 =5

இப்போது வட்டத்தின் மதிப்பு 5 என்று தெரிந்து விட்டது

அடுத்து வட்டம் x சதுரம் + சதுரம் = 12 என்று கொடுத்திருக்கிறார்கள்.

இப்போது ஒரு குழப்பம் வரும். கூட்டல், பெருக்கல் என்று இரண்டையும் கொடுத்து விட்டார்கள். இதில் எதை முதலில் பண்ண வேண்டும் என்று அதற்குதான் கணக்கில் BIDMAS என்ற விதி இருக்கிறது.

அதாவது ,

B - BRACKETS  - அடைப்புக்குறி

I - INDICES - குறியீடுகள்

D - DIVISION - வகுத்தல்

M - MULTIPLICATION - பெருக்கல்

A - ADDITION - கூட்டல்

S - SUBTRACTION - கழித்தல்   என்ற வரிசை உள்ளது. எல்லா குறிகளும் ஒரு கணக்கில் கலந்து வந்தால் இந்த வரிசையில்தான் கையாள வேண்டும்.

இப்போது நம் கணக்கில் பெருக்கலும் கூட்டலும் இருக்கிறது.  BIDMAS வீதியின் படி முதலில் பெருக்க வேண்டும்.

அப்போது வட்டம் x சதுரம் + சதுரம் = 12 என்பதில் வட்டம் x சதுரம் என்ற பகுதியை முதலில் எடுத்துக் கொள்வோம். வட்டத்தின் மதிப்பு 5 என்று தெரியும்.

5 X  சதுரம் +சதுரம் =12

இன்னும் எளிமைப்படுத்தினால்,

5 சதுரம் +சதுரம் =12

கூட்டுங்கள், 6 சதுரம் =12 

சதுரம் = 12/6 = 2

இப்போது சதுரத்தின் மதிப்பும் கிடைத்துவிட்டது.

இப்போது மூன்றாவது வரிக்கு வருவோம்,

வட்டம் X சதுரம் - முக்கோணம் X வட்டம் = வட்டம் 

இதில் வட்டம் மற்றும் சதுரத்தின் மதிப்புகளை போடுங்கள்,

5 X 2- முக்கோணம் X 5 = 5 

மீண்டும்  BIDMAS விதியின்படி முதலில் பெருக்க வேண்டும்.

10 - 5 முக்கோணம் = 5 

மாற்றி எழுதினால் , 10- 5 = 5 முக்கோணம் 

முக்கோணம் = 5/5 =1 

முக்கோணத்தின் மதிப்பு 1 என்று கண்டுபிடித்துவிட்டோம். அவ்வளவுதான் கணக்கே. இப்போது மீண்டும் நீங்களே முயற்சி செய்து பாருங்கள். எல்லோருக்கும் கணக்கு எளிதாக வரும்.