Home /News /trend /

மாற்று திறனாளிக்கு உதவிய போக்குவரத்து காவல் அதிகாரி - வைரலான நெகிழ்ச்சி வீடியோ!

மாற்று திறனாளிக்கு உதவிய போக்குவரத்து காவல் அதிகாரி - வைரலான நெகிழ்ச்சி வீடியோ!

வைரல் வீடியோ

வைரல் வீடியோ

கீழே விழுந்த பொருளை எடுத்து தருவது முதல் பண உதவி செய்வது வரை, எந்த ஒரு அளவிலான உதவிகளும் பிறருக்கு நன்மையே ஏற்படுத்துகிறது. இது போன்ற ஒரு நெகிழ்ச்சி சம்பவம் தான் மும்பையில் நடந்துள்ளது.

சில தருணங்களில் நாம் எந்த வித எதிர்பார்ப்பும் இல்லாமல் பிறருக்கு செய்கின்ற உதவி பெரிய அளவில் அவர்களுக்கு உதவியாக இருந்திருக்கும். உதவும் மனப்பான்மை உள்ளவர்கள் இந்த உலகில் இருப்பதால் தான் பல நன்மைகள் நடக்கிறது. கீழே விழுந்த பொருளை எடுத்து தருவது முதல் பண உதவி செய்வது வரை, எந்த ஒரு அளவிலான உதவிகளும் பிறருக்கு நன்மையே ஏற்படுத்துகிறது. இது போன்ற ஒரு நெகிழ்ச்சி சம்பவம் தான் மும்பையில் நடந்துள்ளது.

மும்பையை சேர்ந்த போக்குவரத்து தலைமை காவலர் அதிகாரியான ராஜேந்திர சோனாவானே என்பவர் போக்குவரத்து நெரிசல் அதிகம் உள்ள இடங்களில் எப்போதும் போல பணிசெய்து வந்துள்ளார். சில நாட்களுக்கு முன்னர் மும்பையில் உள்ள சத்திரபதி சிவாஜி மஹாராஜ் டெர்மினஸ் சாலையில் இவர் போக்குவரத்து நெரிசலை சரிசெய்யும் பணியில் ஈடுபட்டு கொண்டிருந்தார். அப்போது திடீரென்று மாற்று திறனாளி ஒருவர் போக்குவரத்து நெரிசல் அதிகம் உள்ள அந்த சாலையை கடக்க முயற்சித்துள்ளார்.

இதை பார்த்த தலைமை காவலரான ராஜேந்திர சோனாவானே உடனே அந்த மாற்று திறனாளிக்கு ஓடிச்சென்று உதவியுள்ளார். அந்த நபரின் கையை பிடித்து மெதுவாக சாலையை கடக்க அவர் உதவி செய்துள்ளார். இந்த நெகிழ்ச்சி சம்பவத்தை அந்த சிக்னலில் நின்று கொண்டிருந்தவர்கள் வீடியோவாக எடுத்துள்ளனர். பிறகு இந்த வீடியோ சமூக வலைத்தளங்களில் பகிரப்பட்டு வைரலாக தொடங்கியது.

 



 

இந்த வீடியோவை டுவிட்டரில் மும்பை போலீஸின் அதிகாரப்பூர்வ பக்கத்திலும் பதிவிட்டுள்ளனர். அதில், "எங்களது மும்பை போலீஸ் அதிகாரி, உலகில் உள்ளவர்களின் மனதை வென்றுள்ளார்! தலைமை காவலர் அதிகாரியான ராஜேந்திர சோனாவானே சாலையை கடப்பதற்கு மாற்று திறனாளி ஒருவருக்கு உதவி உள்ளார், இது மிக சிறந்த உதவி" என்று பதிவிட்டுள்ளார். இந்த வீடியோவை பல ஆயிரம் பார்த்து வருகின்றனர். மேலும் பலர் ஷேர் செய்தும், ரீட்வீட் செய்தும் வருகின்றனர்.

மேலும் இந்த வீடியோவை படம் பிடித்த நபர் அதில் இந்த காவல் அதிகாரிக்கு 'ஹேட்ஸ் ஆப்' என்று கூறி உள்ளார். இந்த வீடியோவை பார்த்த பலர் மும்பை காவல் துறையினரை பாராட்டி வருகின்றனர். மேலும் இந்த நெகிழ்ச்சியான வீடியோ பதிவிற்கு ஏராளமானோர் கமெண்ட் செய்தும் வருகின்றனர். பலர் தலைமை காவலரான ராஜேந்திர சோனாவானேவை புகழ்ந்து வருகின்றனர். அவரின் மனிதாபிமான செயலை கண்டு அவருக்கு சல்யூட் வைக்க வேண்டும் என்று சிலர் கமெண்ட் செய்துள்ளனர்.

 

 



 

மேலும் ஒருவர், "இந்த உலகில் இவரை போல நல்ல உள்ளங்கள் சிலர் இன்னும் உள்ளார்கள்' என்று பதிவிட்டுள்ளார். 'இவரை பார்த்து மற்ற காவல் அதிகாரிகள் கற்றுக்கொள்ள வேண்டும், மும்மை போலீசிற்கு எனது சல்யூட்' என்று கமெண்ட் செய்துள்ளார். இந்த ட்வீட்டை 21,000-க்கும் மேற்பட்டோர் பார்த்துள்ளனர். இந்த நிகழ்வு பல ஊடகங்களில் தலைப்பு செய்தியாகவும் வந்துள்ளது என்பது குறிப்பிடத்தக்கது.
Published by:Sankaravadivoo G
First published:

Tags: Viral Video

அடுத்த செய்தி