• HOME
  • »
  • NEWS
  • »
  • trend
  • »
  • 2030-ல் ஏற்படப்போகும் பேராபத்து - நாசா எச்சரிக்கை

2030-ல் ஏற்படப்போகும் பேராபத்து - நாசா எச்சரிக்கை

 2030ல் ஏற்படப்போகும் பேராபத்து

2030ல் ஏற்படப்போகும் பேராபத்து

சந்திரனின் சுற்றுவட்டப்பாதையில் ஏற்படும் மாற்றம், கடல் நீர் மட்டம் உயர்வால் அமெரிக்காவின் கடற்கரையோரப் பகுதிகள் அதிகப்படியான வெள்ளபெருக்கால் பாதிக்கப்படும் என நாசா எச்சரித்துள்ளது.

  • Share this:
    காலநிலை மாற்றம் அனைத்து நாடுகளையும் அச்சுறுத்தி வருகிறது. இது குறித்து விண்வெளி ஆய்வு மையமான நாசா கூர்ந்து கவனித்து வருகிறது. அமெரிக்க கடற்கரையோர நீர் மட்டம் குறித்து ஆய்வு ஒன்றை மேற்கொண்ட நாசா ஆய்வாளர்கள், அதனை வெளியிட்டுள்ளனர். அதில், 2030 ஆம் ஆண்டுகளில் அமெரிக்க கடற்கரையோர பகுதிகள் கடுமையான வெள்ளப்பெருக்கை சந்திக்கும் என எச்சரித்துள்ளனர். இதற்கு முன் இல்லாத வகையில் கடற்கரையோர பகுதிகளில் வெள்ளப்பெருக்கு இருக்கும் என தெரிவித்துள்ள ஆய்வாளர்கள், இதற்கு சந்திரனின் சுற்றுவட்டப்பாதையில் ஏற்படும் மாற்றமும் காரணமாக இருக்கும் என கூறியுள்ளனர்.

    தற்போது நிலவின் சுற்றுவட்டப்பாதையில் தள்ளாட்டம் இருப்பதை கண்டுபிடித்துள்ள நாசா விஞ்ஞானிகள், இதனால் பூமி மீதான சந்திரனின் ஈர்ப்பு விசை அதிகரிக்கும் எனக் கூறியுள்ளனர். இந்த ஈர்ப்பு விசை அதிகரிக்கும்போது கடலில் அலைகளின் வேகமும், உயருமும் அதிகரிக்கும் எனத் தெரிவித்துள்ளனர். ஏற்கனவே கடற்கரையோர பகுதிகளில் கரைகள் அரிப்பு ஏற்பட்டு கடல்நீர் உட்புகும் நிகழ்வுகள் அதிகரித்து வருகின்றனர். வரும் காலங்களில் இந்த தன்மை மேலும் அதிகரித்து, கடுமையான வெள்ளப்பெருக்கு ஏற்படும் என எச்சரித்துள்ளனர்.

    Also Read : விஷால் பட பாணியில் காரில் வந்த மணப்பெண்... அடுத்து நடந்த ட்விஸ்ட்?

    குறிப்பாக, அமெரிக்க கடற்கரையோர பகுதிகளில் கடல் நீரின் மட்டம் அதிகரித்து, நீர் உட்புகுவதும் அதிகரிக்கும் என கூறியுள்ளனர். 2019 ஆம் ஆண்டில் மட்டும் அமெரிக்கா, அட்லாண்டிக் மற்றும் வளைகுடா பகுதிகளில் இருக்கும் கடற்கரையோரங்களில் 600 முறை வெள்ளப்பெருக்கு ஏற்பட்டிருப்பதாக தகவல்கள் பதிவாகியுள்ளன. இந்த வெள்ளப் பெருக்கிற்கு முக்கிய காரணமாக அதிக அலைகள் மற்றும் அலைகளின் உயரம் அதிகரிப்பு ஆகியவை என கூறப்பட்டுள்ளது.

    காலநிலை மாற்றத்தால் உலகின் அனைத்துப் பகுதிகளிலும் கடல் அலைகளின் உயரமும், ஆக்ரோஷமும் அதிகரித்திருப்பதாகவும் கூறப்படுகிறது. இதனால், கடல்அரிப்பும் அதிகரிப்பதாக கூறும் ஆய்வாளர்கள், இதுவே வெள்ளப்பெருக்கையும் ஏற்படுத்துவதாக கூறுகின்றனர். தற்போது சந்திரனின் சுற்றுவட்டப்பாதையில் ஏற்பட்டுள்ள தள்ளாட்டமும் கால நிலை மாற்றத்துக்கான வாய்ப்புகளை உருவாக்கியிருப்பதால், உலக நாடுகள் கடற்கரையோர பாதுகாப்பு குறித்து உரிய நடவடிக்கை எடுக்க வேண்டும் என ஆய்வாளர்கள் வலியுறுத்தியுள்ளனர்.

    also read : மனைவியின் செயலால் அதிர்ச்சியடைந்த கணவன் - வைரல் வீடியோ

    இது தொடர்பாக நாசாவின் கடல் மட்ட உயர்வை கண்காணித்து வரும் குழு, என்னென்ன நடவடிக்கைகள் எடுக்க வணேடும் என்பதற்கான வழிகாட்டு நெறிமுறைகளையும் முன்வைத்துள்ளனர். இந்த ஆய்வை தலைமையேற்று நடத்திய ஆய்வாளர் பில் தாம்சன் பேசும்போது, அலைகளின் வேகம் அதிகரிப்பு புயல்களை உருவாக்குவதில்லை என விளக்கமளித்துள்ளார். ஆனால், அலைகளின் வேகம் அதிகரிப்பு தொடர்ந்து கொண்டே இருந்தால், புயல்கள் உருவாவதில் அதன் பங்களிப்பும் இருக்கும் என கூறியுள்ளார். நாசா ஆய்வாளர்கள் மேற்கொண்ட இந்த ஆய்வு முடிவுகள் நேச்சர் கிளைமேட் சேஞ்ச் இதழில் வெளியாகியுள்ளது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Vijay R
    First published: