Home /News /trend /

உலகின் தனிமையான தபால் நிலையத்தை வெளிச்சத்திற்கு கொண்டு வந்த துணிச்சலான பெண் - யார் இவர்?

உலகின் தனிமையான தபால் நிலையத்தை வெளிச்சத்திற்கு கொண்டு வந்த துணிச்சலான பெண் - யார் இவர்?

உலகின் தனிமையான தபால் நிலையத்தை வெளிச்சத்திற்கு கொண்டு வந்த பெண்

உலகின் தனிமையான தபால் நிலையத்தை வெளிச்சத்திற்கு கொண்டு வந்த பெண்

நீண்ட காலமாக தொலைந்து போன தபால் நிலையத்தை மீண்டும் கொண்டு வர, மிஸ் ஜாங்கும் அவரது நண்பரும் அந்த இடத்தை மீண்டும் உருவாக்க உதவுமாறு சிலரை அணுகினார்கள்.

    உலகின் தனிமையான தபால் நிலையம் மங்கோலியா நாட்டில் உள்ள டெங்கர் பாலை வனத்தில் அமைந்துள்ளது. குன்றுகளால் சூழப்பட்ட, இந்த டெங்கர் பாலைவனத்தின் மர தபால் அலுவலகம் 15 சதுர மீட்டரில் மட்டுமே கட்டப்பட்டுள்ளது. எனவே இதற்கு அதிக வாடிக்கையாளர்கள் இருப்பதில்லை. எனினும், 35 ஆண்டுகளுக்கும் மேலாக கைவிடப்பட்ட நிலையில் இருந்து வந்த இந்த தபால் நிலையத்திற்காக ஒரு பெண் போராட வேண்டும் என்று முடிவு செய்தார். அதன்படி சமீபத்தில் ஒரு சில நபர்களால் இந்த அஞ்சல் அலுவலகம் கண்டுபிடிக்கப்பட்டது.

    குறிப்பாக இன்டர்நெட்டின் உதவியால், இப்போது வியக்கத்தக்க வகையில் இந்த தபால் நிலையம் பரபரப்பாக இயங்கி வருகிறது. பல ஆண்டுகளாக எந்த மனித தொடர்பும் இல்லாமல், மங்கோலியாவின் இந்த பாலைவன அஞ்சல் அலுவலகம் ஒரு பணியாளரையோ அல்லது பார்வையாளரையோ கொண்டு இருந்ததில்லை. இருப்பினும், ஆச்சரியப்படும் விதமாக, டிசம்பர் 2021 ஆம் ஆண்டில் இந்த தபால் நிலையத்தில் இருந்து சுமார் 20,000 கடிதங்கள் மற்றும் அஞ்சல் அட்டைகள் அனுப்பப்பட்டன.

    இது பலருக்கும் ஆச்சரியத்தை தரும் விதமாக அமைந்துள்ளது. இது எப்படி சாத்தியம் என்று பலரும் நினைத்து வந்தனர். இந்த தொலைதூர அஞ்சல் அலுவலகத்தை மீண்டும் உயிர்ப்பிக்க செய்ய கூடிய பிரச்சாரத்தை மிஸ் ஜாங்கின் என்கிற பெண் ஒருவர் தான் முன்னெடுத்தார். இவரால் தான் இந்த தபால் நிலையத்திற்கு மீண்டும் உயிர் வந்துள்ளது. மெயின் ரோட்டில் இருந்து தபால் நிலையம் 10 கி.மீ தொலைவில் உள்ளதால் இங்கு ஆள் நடமாட்டம் அதிகமாக இருந்ததில்லை. ஆனால் அதன் இருப்பு மக்களுக்குத் தெரிந்தவுடன், எல்லா தடைகளையும் தாண்டி பலர் இங்கு வரத் தொடங்கினர்.

    Also Read : வாரத்தில் 4 நாட்கள் மட்டுமே வேலை... ரிசல்ட்டை பார்த்து ஷாக்கான உலக நாடுகள்!

    மிஸ் ஜாங் மற்றும் அவரது நண்பர் லுவோ மெங் ஆகியோர் உலகின் தனிமையான தபால் நிலையத்தை உயிர்ப்புடன் வைத்திருக்க அவர்களது முயற்சிகளை தொடங்கினர். இது மற்றொரு வேடிக்கையான விஷயம் என்னவென்றால், இவர்கள் இருவரும் அந்த இடத்திற்குச் செல்லாமலே உலகின் தனிமையான தபால் நிலையத்திலிருந்து கடிதங்கள் மற்றும் அஞ்சல் அட்டைகளை மக்களுக்கு அனுப்பியதால், கோவிட்-19 தொற்றுநோய் காலத்தின் போது தகவல்தொடர்பு அதிகரித்தது. மேலும் மிஸ் ஜாங் மற்றும் அவரது நண்பர்கள் சீனா, சிங்கப்பூர், ஆஸ்திரேலியா போன்ற நாடுகளில் இருந்து வரும் ஆன்லைன் கோரிக்கைகளை சரிவர பார்த்து கொள்ள முடியவில்லை.

    நீண்ட காலமாக தொலைந்து போன தபால் நிலையத்தை மீண்டும் கொண்டு வர, மிஸ் ஜாங்கும் அவரது நண்பரும் அந்த இடத்தை மீண்டும் உருவாக்க உதவுமாறு சிலரை அணுகினார்கள். அதன் பிறகு, 20 நாட்களில் அதற்கான கட்டமைப்பை முடித்தவுடன், இருவரும் சீனாவில் உள்ள 700 தபால் நிலையங்களில் இந்த தனிமையான தபால் நிலையத்தை சேர்க்க சீனாவின் தபால் துறையிடம் விண்ணப்பித்தனர். பல்வேறு மதிப்பாய்வுகளுக்கு பிறகு, இவர்களின் விண்ணப்பம் ஏற்றுக்கொள்ளப்பட்டது. மிஸ் ஜாங் என்கிற பெண்மணியின் போராட்டத்தின் வெளிப்பாடாக, இப்போது கடிதங்கள் மற்றும் அஞ்சல் அட்டைகள் இந்த தபால் நிலையத்தில் இருந்து உலகம் முழுவதும் அனுப்பப்படுகின்றன.
    Published by:Vijay R
    First published:

    Tags: Trends, Viral

    அடுத்த செய்தி