தன்னையும், தோழனையும் ஓவியமாக வரைந்த 9 வயது யானை- ரூ. 4 லட்சத்துக்கு விற்பனையான ஓவியம்

யானை

தாய்லாந்தில் யானை ஓவியம் வரையும் வீடியோ இணையத்தில் வைரலாகிவருகிறது.

  • Share this:
    தாய்லாந்து யானைகள் சுற்றுலாவுக்கு தலைமையகமாக இருந்துவருகிறது. அந்த நாட்டில் 70,000-த்துக்கும் மேற்பட்ட யானைகள் இருக்கின்றன. அந்த யானைகள் சுற்றுலாவுக்கு வரும் மக்களை மகிழ்விக்கப் பயன்படுத்துகின்றனர். அங்கிருக்கும் யானைகள் புத்திசாலித்தனமாகவும் சுறுசுறுப்பாகவும் இருப்பதாக கருதப்படுகின்றன. எனவே தான் அந்நாட்டு யானைகளால் ஒரு வித்தியாசமான வழியைக் கடைப்பிடிக்க முடிகிறது. அங்குள்ள யானைகளால் வண்ணம் தீட்டவும், சில மேஜிக்கல் திறனை காட்டவும், மசாஜ் செய்யவும், சவாரி செய்யவும் மற்றும் பிற திறன்களைக் கற்றுக் கொள்ளவும் முடியும்.

    அந்த வகையில் தாய்லாந்தில் ஒரு யானை மிக அழகாக ஓவியம் வரையும் காட்சிகள் பார்வையாளர்களை ரசிக்க வைத்துள்ளது. யானைகள் ஓவியம் வரைவது அல்லது பிற விஷயங்களை செய்வது போன்ற கதைகளை நாம் இணையத்தில் அடிக்கடி பார்த்துள்ளோம். தற்போது இதேபோன்ற மற்றொரு வீடியோ இணையத்தில் நெட்டிசன்களின் கவனத்தை ஈர்த்துள்ளது. ஜூலை 7 ஆம் தேதி, நியூயார்க்கை தளமாகக் கொண்ட நவ் திஸ் என்ற நிறுவனம், தாய்லாந்தின் சியாங் மாயில் உள்ள மைடோங் யானை முகாமில் வசிக்கும் நோங் தன்வா என்ற 9 வயது யானையின் ஓவியத்தை பகிர்ந்துள்ளது.

    அந்த அறிக்கையின்படி, யானை முகாமுக்கான ஆன்லைன் நிதி திரட்டலில் விலங்கின் ஒரு ஓவியம் 5.5k + அமெரிக்க டாலர்களுக்கு (தோராயமாக ரூ. 4,10, 624) க்கு விற்கப்பட்டது என்று குறிப்பிட்டிருந்தது. விற்கப்பட்ட ஓவியம் யானை மற்றும் அவரது நண்பர் டம்போவின் நிழல் கொண்ட ஒரு பசுமை நிலப்பரப்பைக் காட்டுகிறது. அந்த ஓவியத்தில் ‘TW லவ்ஸ் டம்போ’ என்ற உரையைக் யானை எழுதி வைத்திருந்தது. அந்த யானை வண்ணப்பூச்சுப் பிரஷைப் பிடிக்க தனது தும்பிக்கையை பயன்படுத்தியது. பின்னர் நோங் தன்வா யானை தனது பயிற்சியாளரால் வழிநடத்தப்படும்போது ஓவியம் உருவாகிறது. இது தொடர்பான வீடியோவை பின்வருமாறு பார்க்கலாம்.

    https://twitter.com/nowthisnews/status/1412577857432293378

    இந்த வீடியோ பார்ப்பதற்கு மிகவும் அற்புதமாக இருந்தாலும் இதன் பின்னணியில் யானை துன்புறுத்தப்படுவதாக பல்வேறு விமர்சனங்கள் எழுந்தன. வீடியோ பகிரப்பட்டவுடன் இந்த திறன்களுக்குப் பின்னால் உள்ள தவறான வழக்கத்தை விரைவாகச் சுட்டிக் காட்டிய நெட்டிசன்களிடமிருந்து 34,000 க்கும் மேற்பட்ட வியூஸ்களும் மற்றும் டன் கணக்கில் கருத்துக்களும் இந்த வீடியோ கிளிப்பிற்கு கிடைத்தன.

    கிளிப்பில் யானையின் ஒரு கால் உலோகக் கொக்கியால் கட்டப்பட்டிருப்பதை பற்றி ஒன்றும் பேசாமல், ஓவியத்தைப் பற்றி பேசியதற்காக வீடியோவை பகிர்ந்த மீடியா இல்லத்தை அவதூறாகப் பேசினர். மேலும் அதில் ஒரு யூசர் ஓவியங்களுக்குப் பின்னால் இருக்கும் கொடூரமான துஷ்பிரயோகம் குறித்து அவர்களுக்குத் தெரியாதா என்று கேள்வி எழுப்பியிருந்தார். மற்றொரு யூசர், விலங்கு துஷ்பிரயோகம் செய்யப்படுவதைக் காணக்கூடியதாக இருப்பதால் அவற்றின் உள்ளடக்கத்தை சரியாக ஆராயுமாறு மீடியா ஹவுஸிடம் கேட்டுக்கொண்டார். கருத்துப் பிரிவில் பின்னடைவு கமெண்ட்டுகளை நிரப்பிய ஆத்திரமடைந்த சமூக ஊடக யூசர்களால் இந்த வீடியோவுக்கு நல்ல வரவேற்பு கிடைக்கவில்லை.

    https://twitter.com/ur_friend_papu/status/1412582182900666378

    https://twitter.com/Brig_Supernova/status/1412584019590529025

    https://twitter.com/NYCEllieD/status/1412587129134358538

    PETA-வின் கூற்றுப்படி, யானை ஓவியம் வரைவது என்பது ஆயுதங்களை உள்ளடக்கிய ஒரு பயிற்சி முறையை உள்ளடக்கியது. மேலும் யானைகளை அடித்து, பயமுறுத்தி, தந்திரங்களைக் கற்றுக்கொள்ளும்படி துன்புறுத்தப்படுகிறது. நீடித்த மன அழுத்தம் மற்றும் அதிர்ச்சியின் விளைவாக, யானைகளில் பெரும்பாலானவற்றின் இயல்பான ஆயுட்காலம் குறைவாகவே இருப்பதால் அவை விரைவில் இறக்கின்றன.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
    Published by:Karthick S
    First published: