Home /News /trend /

கனடாவின் தெருவிற்கு ஏர்.ஆர்.ரஹ்மான் பெயர்... அது என்னுடைய பெயர் இல்லை என இசைப்புயல் நெகிழ்ச்சியான பதிவு

கனடாவின் தெருவிற்கு ஏர்.ஆர்.ரஹ்மான் பெயர்... அது என்னுடைய பெயர் இல்லை என இசைப்புயல் நெகிழ்ச்சியான பதிவு

ரஹ்மான் வீதி

ரஹ்மான் வீதி

என் வாழ்நாளில் இதை நான் நினைத்துக்கூட பார்க்கவில்லை. மார்க்கம் மேயர், கனடா மக்கள் அனைவருக்கும் நான் மிகவும் நன்றி தெரிவித்துக் கொள்கிறேன்

  • News18 Tamil
  • 2 minute read
  • Last Updated :
  • Chennai, India
கிராமி விருது பெற்ற இசையமைப்பாளர் ஏ.ஆர்.ரஹ்மான் நினைவாக கனடாவின் மார்க்கம் நகரத்தின் ஒரு தெருவுக்கு அவரது பெயரிடப்பட்டுள்ளது.

இதற்கு ரஹ்மான் அவர்கள் தனது ட்விட்டர் பக்கத்தில் நன்றி தெரிவித்து பதிவிட்டுள்ளார். “என் வாழ்நாளில் இதை நான் நினைத்துக்கூட பார்க்கவில்லை. மார்க்கம் மேயர், கனடா (ஃபிராங்க் ஸ்கார்பிட்டி) மற்றும் ஆலோசகர்கள், இந்திய தூதரக ஜெனரல் (அபூர்வா ஸ்ரீவஸ்தவா) மற்றும் கனடா மக்கள் அனைவருக்கும் நான் மிகவும் நன்றி தெரிவித்துக் கொள்கிறேன். 2013 ஆம் ஆண்டு எடுத்த, 'அல்லாஹ் ரக்கா ரஹ்மான் ஸ்ட்ரீட்' என்று எழுதப்பட்ட பலகையை வைத்திருக்கும் படத்தைப் பகிர்ந்துள்ளார்.



மேலும் ஏ.ஆர். ரஹ்மான் எனும் பெயர் என்னுடையதல்ல. அந்த பெயருக்கு இரக்கமுள்ளவர் என்று பொருள். கருணையாளர் என்பது நம் அனைவருக்கும் இருக்கும் பொதுவான கடவுளின் குணம் மற்றும் ஒருவர் இரக்கமுள்ளவரின் ஊழியராக மட்டுமே இருக்க முடியும். எனவே, அந்த பெயர் கனடாவில் வாழும் அனைத்து மக்களுக்கும் அமைதி, செழிப்பு, மகிழ்ச்சி மற்றும் ஆரோக்கியத்தை கொண்டு வரட்டும். கடவுள் உங்களை ஆசிர்வதிப்பாராக.

அனைத்து அன்பு ரசிகர்களுக்கும், இந்தியாவின் சகோதர சகோதரிகளுக்கு நன்றி சொல்ல விரும்புகிறேன். என்னுடன் பணியாற்றிய அனைத்து படைப்பாளிகளும், சினிமாவின் நூற்றாண்டுகளைக் கொண்டாடவும், எழுச்சி பெறவும் எனக்கு உத்வேகத்தை அளித்தனர்; இது அனைத்து புனைவுகளையும் உள்ளடக்கியது. நான் கடலில் ஒரு சிறிய துளி என்று பதிவிட்டுள்ளார் .



“இந்த நிகழ்வு இன்னும் பலவற்றைச் செய்வதற்கு எனக்கு ஊக்கமளிக்கும். இது ஒரு மகத்தான பொறுப்பைக் கொடுப்பதாக உணர்கிறேன்; சோர்வடைய வேண்டாம். இன்னும் ஓய்வு பெறவில்லை ... நான் சோர்வடைந்தாலும், நான் இன்னும் நிறைய விஷயங்களைச் செய்ய வேண்டும், அதிக மக்கள் இணைக்க வேண்டும், கடக்க இன்னும் பல பாலங்கள் உள்ளன என்பதை நினைவில் கொள்வேன் என்று நெகிழ்ச்சியாக எழுதியுள்ளார்
Published by:Ilakkiya GP
First published:

Tags: A.R.Rahman, Canada

அடுத்த செய்தி