ஹோம் /நியூஸ் /ட்ரெண்டிங் /

தடுமாறிய ட்ரைவர்.. கால்வாயில் பேருந்து கவிழ்ந்து 21 பேர் பலி!

தடுமாறிய ட்ரைவர்.. கால்வாயில் பேருந்து கவிழ்ந்து 21 பேர் பலி!

எகிப்து விபத்து

எகிப்து விபத்து

வாகனத்தை ஓட்டி வந்த ஓட்டுநர் ஸ்டேரிங் கட்டுப்பாட்டை இழந்ததால் விபத்து நேர்ந்திருக்கலாம் என்று முதற்கட்ட விசாரணையில் தெரியவந்துள்ளது. மேலும் விசாரணை நடைபெற்று வருகிறது.

  • News18 Tamil
  • 1 minute read
  • Last Updated :
  • chennai |

    எகிப்தின் நைல் நதி டெல்டா பகுதியில் பேருந்து ஒன்று கால்வாயில் விழுந்து விபத்துக்குள்ளாகியுள்ளது.

    மோசமான போக்குவரத்து அமைப்புகளைக் கொண்ட எகிப்தில், கொடிய விபத்துகள் ஒவ்வொரு ஆண்டும் ஆயிரக்கணக்கான உயிர்களைக் கொல்கின்றன. விபத்துக்கள் மற்றும் வாகன மோதல்கள் பெரும்பாலும் வேகம், மோசமான சாலைகள் அல்லது போக்குவரத்துச் சட்டங்களின் மோசமான அமலாக்கத்தால் ஏற்படுகிறது.

    தற்போது நைல் நதி டெல்டா பகுதியில் பேருந்து ஒன்று கால்வாயில் விழுந்து விபத்துக்குள்ளாகியுள்ளது. விபத்தில் குறைந்தது 21 பேர் கொல்லப்பட்டதாக நாட்டின் சுகாதார அமைச்சகம் தெரிவித்துள்ளது. இறந்தவர்களில் மூன்று குழந்தைகளும் உள்ளடங்குவதாக சுகாதார அமைச்சகத்தின் அதிகாரியான டாக்டர் ஷெரிப் மக்கீன் தெரிவித்தார்.

    இதையும் படிங்க:முதன்முறையாக தனியார் ஏவுகணை நிறுவனத்திற்கு ராக்கெட் அமைப்பு பாகங்களை வழங்கும் இஸ்ரோ!

    எகிப்து, கெய்ரோவின் தலைநகரில் இருந்து வடகிழக்கில் 100 கிலோமீட்டர் (62 மைல்) தொலைவில் உள்ள டகாலியா மாகாணத்தில் விபத்து நடந்ததாக அமைச்சகம் தெரிவித்துள்ளது. காயமடைந்த மற்ற பயணிகள் உள்ளூர் மருத்துவமனைக்கு கொண்டு செல்லப்பட்டனர்.

    வாகனத்தை ஓட்டி வந்த ஓட்டுநர் ஸ்டேரிங் கட்டுப்பாட்டை இழந்ததால் விபத்து நேர்ந்திருக்கலாம் என்று முதற்கட்ட விசாரணையில் தெரியவந்துள்ளது. மேலும் விசாரணை நடைபெற்று வருகிறது.

    இதேபோன்று ஜூலை மாதம், தெற்கு மாகாணமான மின்யாவில் நெடுஞ்சாலையில் நிறுத்தப்பட்டிருந்த டிரெய்லர் டிரக் மீது பயணிகள் பேருந்து மோதியதில் 23 பேர் கொல்லப்பட்டனர் மற்றும் 30 பேர் காயமடைந்தனர். அக்டோபரில், டகாலியாவில் ஒரு டிரக் மினிபஸ் மீது மோதியதில் குறைந்தது 10 பேர் கொல்லப்பட்டதாக அதிகாரிகள் தெரிவித்தனர்.

    Published by:Ilakkiya GP
    First published:

    Tags: Bus accident, Egypt