ஹோம் /நியூஸ் /திருவண்ணாமலை /

டிசம்பர் 6: கார்த்திகை தீபம்.. போலீஸ் கட்டுப்பாட்டில் திருவண்ணாமலை!

டிசம்பர் 6: கார்த்திகை தீபம்.. போலீஸ் கட்டுப்பாட்டில் திருவண்ணாமலை!

Karthigai deepam 2022 | திருவண்ணாமலை மகா தீபத்தையொட்டி திருவண்ணாமலை நகரம் போலீசாரின் முழு கட்டுப்பாட்டிற்குள் கொண்டு வரப்பட்டது

Karthigai deepam 2022 | திருவண்ணாமலை மகா தீபத்தையொட்டி திருவண்ணாமலை நகரம் போலீசாரின் முழு கட்டுப்பாட்டிற்குள் கொண்டு வரப்பட்டது

Karthigai deepam 2022 | திருவண்ணாமலை மகா தீபத்தையொட்டி திருவண்ணாமலை நகரம் போலீசாரின் முழு கட்டுப்பாட்டிற்குள் கொண்டு வரப்பட்டது

  • News18 Tamil
  • 2 minute read
  • Last Updated :
  • Tiruvannamalai, India

திருவண்ணாமலை அருணாசேலேஸ்வரர் கோவிலில் நடைபெற்று வரும் கார்த்திகை தீபத் திருவிழாவின் மகா தீபம் இன்று கோவில் பின்புறம் உள்ள 2,668 அடி உயர மலை உச்சியில் ஏற்றப்படுகிறது. கடந்த 2 ஆண்டுகளுக்கு பிறகு கொரோனா கட்டுப்பாடுகள் தளர்வு செய்யப்பட்டுள்ளதால் மகாதீபத்தை காண லட்சக்கணக்கான பக்தர்கள் சிறப்பு பஸ்கள் மற்றும் ரெயில்கள் மூலம் திருவண்ணாமலைக்கு வந்து குவிந்து வருகின்றனர்.

மேலும் நூற்றுக்கணக்கான சிறப்பு பஸ்கள் மாநிலத்தின் பல்வேறு பகுதிகளிலிருந்து இயக்கப்படுவதால் அந்த பஸ்களும் நிரம்பியவாறு திருவண்ணாமலைக்கு வந்து கொண்டிருக்கின்றன. இதனையொட்டி திருவண்ணாமலை நகரம் மற்றும் கிரிவலப்பாதையில் நகராட்சித்துறை, ஊரக வளர்ச்சித் துறை, நெடுஞ்சாலைத் துறையால் தூய்மை பணிகள் மேற்கொள்ளப்பட்டு சாலையின் இரு புறங்களிலும் கிருமிநாசினி தெளிக்கப்பட்டு வருகிறது.

அத்துடன்  கிரிவலப்பாதை தூய்மை பணியாளர்களால் தூய்மை செய்யப்பட்டும் வருகின்றது. மாவட்ட நிர்வாகம் சார்பில் குடிநீர், கழிப்பறை வசதி உள்ளிட்ட அனைத்து வசதிகளும் செய்யப்பட்டுள்ளன. 12,000 போலீசார் திருவண்ணாமலை நகருக்கு வரும் 9 இணைப்பு சாலைகளிலும் பாதுகாப்பு பணியில் ஈடுபடுத்தப்பட்டுள்ளனர்.

மேலும் சோதனை சாவடிகள் அமைத்து உரிய சோதனைக்கு பின்னரே வாகனங்களை போலீசார் நகருக்குள் அனுமதித்து வருகின்றனர். தீபத் திருவிழாவை முன்னிட்டு திருவண்ணாமலை நகரம் மற்றும் கோவிலை சுற்றி வடக்கு மண்டல ஐ.ஜி. கண்ணன் தலைமையில் 4 டிஐஜி, 27 போலீஸ் சூப்பிரண்டுகள் என 12,000 போலீசார் பாதுகாப்பு பணியில் ஈடுபட்டு வருகின்றனர்.

இதனால் நேற்று முதல் திருவண்ணாமலை அருணாசலேஸ்வரர் கோவில் மற்றும் திருவண்ணாமலை நகரமே போலீசாரின் முழு கட்டுபாட்டிற்குள் வந்துள்ளது. மேலும்  தீபத் திருவிழாவின் போது பொதுமக்களுக்கு இடையூறாக போலீஸ் வாகனங்கள் அடிக்கடி சென்று வருவதை தவிர்க்க வேண்டும் என்று தீபத் திருவிழா ஆலோசனை கூட்டத்தின் போது காவல் துறையினருக்கு பொதுப்பணித்துறை அமைச்சர் எவ வேலு, கலெக்டர் முருகேஷ் ஆகியோர் தெரிவித்து இருந்தனர்.

Also see... திருவண்ணாமலையில் இன்று மாலை மகாதீபம் - முதலில் வரும் 2500 பேருக்கு மட்டுமே மலையேற அனுமதி!

மேலும் இன்று டிசம்பர் 6-ந் தேதி பாபர் மசூதி இடிக்கப்பட்ட தினம் என்பதால் பாதுகாப்பு மேலும் அதிகரிக்கப்பட்டுள்ளது. கண்காணிப்பு பணிகளும் தீவிரப்படுத்தப்பட்டுள்ளது குறிப்பிடத்தக்கது.

First published:

Tags: Police, Security guards, Thiruvannamalai