ஹோம் /நியூஸ் /திருவள்ளூர் /

வீடுபுகுந்து மாமியாரை குத்திக்கொலை செய்த மருமகன்..! கும்மிடிப்பூண்டியில் பரபரப்பு சம்பவம்..!

வீடுபுகுந்து மாமியாரை குத்திக்கொலை செய்த மருமகன்..! கும்மிடிப்பூண்டியில் பரபரப்பு சம்பவம்..!

கல்யாணி, குப்பன்

கல்யாணி, குப்பன்

Gummidipoondi : திருவள்ளூர் கும்மிடிப்பூண்டி பெத்திக்குப்பத்தில் குடும்ப பிரச்சனையில் ஆத்திரமடைந்து கத்தியால் குத்தி மாமியாரை கொலை செய்த மருமகன் போலீசாரிடம் சரணடைந்த சம்பவம் பரபரப்பை ஏற்படுத்தியது.

  • News18 Tamil
  • 1 minute read
  • Last Updated :
  • Thiruvallur, India

திருவள்ளூர் மாவட்டம் கும்மிடிப்பூண்டி அடுத்த பெத்திக்குப்பத்தை சேர்ந்தவர் கல்யாணி(60). கணவனை இழந்தவர். இவரது இளைய மகள் கஸ்தூரியின் கணவன் குப்பன் (எ) குப்புசாமி(47). இவர் குடிப்பழக்கத்திற்கு அடிமையானதால் கஸ்தூரிக்கும் அவரது கணவருக்கும்  அடிக்கடி தகராறு ஏற்பட்டு வந்ததாக கூறப்படுகிறது. தொடர்ந்து நேற்று முன்தினம் கணவன், மனைவி இருவருக்கும் ஏற்பட்ட தகராறு ஏற்பட்டது. இதன் காரணமாக கஸ்தூரி வழக்கம்போல் தனது தாய் வீட்டிற்கு வந்ததாக கூறப்படுகிறது. இதனால் மனைவியை அழைத்துச் செல்வதற்காக குப்பன் மாமியார் வீட்டிற்கு வந்தார்.

அப்போது குப்பனுக்கும், கல்யாணிக்கும் இடையே வாக்குவாதம் ஏற்பட்டது. இதனால் ஆத்திரமடைந்த குப்பன் கல்யாணியை வீட்டில்  சமையலறையில் இருந்த  கத்தியால் முதுகு மற்றும்  கையில் குத்தியுள்ளார்.  இதில் கல்யாணி  ரத்தவெள்ளத்தில் சம்பவ இடத்திலேயே பரிதாபமாக உயிரிழந்தார். தகவலறிந்த கும்மிடிப்பூண்டி போலீசார்  அவரது உடலை மீட்டு பிரேத பரிசோதனைக்காக பொன்னேரி அரசு மருத்துவமனைக்கு அனுப்பி வைத்தனர்.

இந்நிலையில், கும்மிடிப்பூண்டி காவல் நிலையத்தில்  மாமியாரை கொலை செய்த குப்பன் சரணடைந்தார்.  இதுகுறித்து போலீசார் அவரிடம் தீவிர விசாரணை மேற்கொண்டு வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தியது.

செய்தியாளர் : பார்த்தசாரதி - திருவள்ளூர்

First published:

Tags: Crime News, Local News, Thiruvallur