Home /News /technology /

100 MP கேமிரா உடனான ஸ்மார்ட்ஃபோன்..! அறிமுகப்படுத்துகிறது ஜியோமி

100 MP கேமிரா உடனான ஸ்மார்ட்ஃபோன்..! அறிமுகப்படுத்துகிறது ஜியோமி

ஜியோமி (மாதிரிப்படம்)

ஜியோமி (மாதிரிப்படம்)

ரியல்மி நிறுவனமும் தனது 64 மெகாபிக்சல் கேமிரா உடனான ஸ்மார்ட்ஃபோனை வெளியிடுகிறது. இப்புதிய ஃபோன் ரியல்மி 5 எனப் பெயரிடப்பட்டுள்ளது.

  • News18
  • 1 minute read
  • Last Updated :
100 மெகாபிக்சல் கேமிரா உடனான ஸ்மார்ட்ஃபோன் ஒன்றை அறிமுகப்படுத்த உள்ளதாக ஜியோமி நிறுவனம் அறிவித்துள்ளது.

ஜியோமி அடுத்த வெளியீடாக 64 மெகாபிக்சல் கேமிரா கொண்ட ஸ்மார்ட்ஃபோனை வெளியிடுகிறது. ரெட்மி ப்ராண்ட்-ன் கீழ் இந்தப் புதிய ஸ்மார்ட்ஃபோன் வெளியாக உள்ளது. 2019-ம் ஆண்டின் இறுதியில் இப்புதிய ஃபோன் வெளியாகும் என்றும் ஜியோமி அறிவித்துள்ளது.

அடுத்ததாக 100 மெகாபிக்சல் கேமிரா உடனான ஸ்மார்ட்ஃபோனை எம்.ஐ ப்ராண்ட்-ன் கீழ் வெளியிடுகிறது ஜியோமி. இதனுடன் 108 மெகாபிக்சல் உடனான சாம்சங் ISOCELL சென்சார் பயன்படுத்தி இந்த ஸ்மார்ட்ஃபோன் வெளியாக உள்ளது. இந்த ஃபோன் குறித்த விரிவான தகவல்கள் எதையும் தற்போதைய சூழலில் ஜியோமி வெளியிடவில்லை.

ஆனால், அடுத்த வெளியீடாக வர உள்ள 64 மெகாபிக்சல் கேமிரா உடனான ஃபோன் சாம்சங் சென்சார் பயன்படுத்துகிறதா என்பது குறித்தத் தகவல்கள் ஏதும் வெளியாகவில்லை. சாம்சங் சார்பில் இந்த ISOCELL ப்ரைட் GW1 சென்சார் கடந்த மே மாதம் அறிமுகப்படுத்தப்பட்டது.

ரெட்மியைத் தொடர்ந்து ரியல்மி நிறுவனமும் தனது 64 மெகாபிக்சல் கேமிரா உடனான ஸ்மார்ட்ஃபோனை வெளியிடுகிறது. இப்புதிய ஃபோன் ரியல்மி 5 எனப் பெயரிடப்பட்டுள்ளது.
Published by:Rahini M
First published:

Tags: Camera, Xiaomi

அடுத்த செய்தி