OnePlus, Realme மாடல்களுக்கு போட்டியாக களமிறங்கிய Samsung Galaxy A52: விலை விவரம் உள்ளே!

சாம்சங் கேலக்ஸி ஏ52

இந்தியாவில் சாம்சங் கேலக்ஸி ஏ52 வேரியண்ட்டுகளின் விற்பனையானது, நிறுவனத்தின் ஆன்லைன், ஆஃப்லைன் ஸ்டோர், அமேசான் இந்தியா மற்றும் பிற சேனல்கள் மூலம் தொடங்கியுள்ளது.

  • Share this:
இந்தியாவில் சாம்சங் கேலக்ஸி ஏ52 (Samsung Galaxy A52) 5G ஸ்மார்ட்போனின் விலை குறித்த விவரங்கள் தற்போது அறிவிக்கப்பட்டுள்ளது. மேலும் இதன் விலை ரூ.40,000-த்திற்கு கீழ் இருக்கும் என்றும் நிறுவனம் அறிவித்துள்ளது. இதன் மூலம், Mi 11X Pro, iQOO 7 Legend, OnePlus 9R, Realme GT 5G மற்றும் ரூ. 40,000-க்கும் குறைவான விலையில் விற்பனை செய்யப்படும் பிற ஸ்மார்ட்போன்களுக்கு போட்டியாக புதிய சாம்சங் ஸ்மார்ட்போன் இருக்கும் என்று நிறுவனம் தெரிவித்துள்ளது.

இந்தியாவில் சாம்சங் கேலக்ஸி ஏ52 வேரியண்ட்டுகளின் விலை விவரம்:

இந்தியாவில் சாம்சங் கேலக்ஸி ஏ 52 5G ஸ்மார்ட்போனின் விலையானது, பேஸிக் 6 GB ரேம் வேரியண்டிற்கு ரூ.35,999 என நிர்ணயிக்கப்பட்டுள்ளது. இதையடுத்து 8 GB ரேம் வேரியண்ட் ரூ.37,499 என்ற விலையில் விற்கப்படும். இந்த இரண்டு ஸ்டோரேஜ் விருப்பங்களும் 128 GB தரநிலையுடன் வருகின்றன. மேலும் கேலக்ஸி ஏ52 மொபைல் வயலட், வெள்ளை மற்றும் கருப்பு என மூன்று வண்ண விருப்பங்களில் கிடைக்கும்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

இந்தியாவில் சாம்சங் கேலக்ஸி ஏ52 வேரியண்ட்டுகளின் விற்பனையானது, நிறுவனத்தின் ஆன்லைன், ஆஃப்லைன் ஸ்டோர், அமேசான் இந்தியா மற்றும் பிற சேனல்கள் மூலம் தொடங்கியுள்ளது. மேலும் இதன் அறிமுக சலுகைகளின் ஒரு பகுதியாக, வாடிக்கையாளர்கள் எச்டிஎஃப்சி வங்கியின் கிரெடிட் கார்டு, டெபிட் கார்டு மற்றும் இஎம்ஐ பரிவர்த்தனைகளில் ரூ.3000 கேஷ்பேக் ஆகியவற்றை பெறலாம். இதுதவிர, வாடிக்கையாளர்கள் தங்கள் பழைய ஸ்மார்ட்போனை எக்ஸ்சேன்ஞ் செய்வதன் மூலம் ரூ.3,000 பரிமாற்ற போனஸையும் பெறலாம்.

சாம்சங் கேலக்ஸி A52s 5G-யின் அம்சங்கள்

சாம்சங் கேலக்ஸி ஏ 52 5G ஸ்மார்ட்போன்கள் குவால்காம் ஸ்னாப்டிராகன் 778G SoC ப்ராசசர் மூலம் இயக்கப்படுகிறது. இதன் ஸ்டோரேஜ் ஆப்ஷன் 8 ஜிபி ரேம் வரை விரிவாக்கப்பட்டுள்ளது. இந்த ஸ்மார்ட்போனில் 6.5 இன்ச் FHD+ சூப்பர் AMOLED 120Hz புதுப்பிப்பு வீதம் உள்ளது. ஆப்டிக் ஆப்ஷனுக்காக கேலக்ஸி ஏ 52 5G போன், OIS உடன் 64MP முதன்மை சென்சார் கொண்ட ஒரு குவாட்-கேமரா அமைப்பு, 12MP அல்ட்ராவைடு ஷூட்டர், 5MP மேக்ரோ லென்ஸ் மற்றும் 5MP டீப் யூனிட் ஆகியவற்றைப் பெற்றுள்ளது.

Also read... இந்தியர்களிடம் இருந்து கூகுளுக்கு சென்ற சரமாரி புகார் - 95,000 சர்ச்சைக் கன்டென்டுகள் நீக்கம்!

முன்புறத்தில் உள்ள ஹோல்-பஞ்ச் கேமரா கட்அவுட்டில் 32 MP செல்ஃபி ஷூட்டர் உள்ளது. கேலக்ஸி ஏ 52 போன், 4,500 எம்ஏஎச் பேட்டரியைக் கொண்டுள்ளது மற்றும் 25W வேகமான சார்ஜிங்கை ஆதரிக்கிறது. இது டால்பி அட்மோஸ் ஆதரவுடன் ஸ்டீரியோ ஸ்பீக்கர்களையும் கொண்டுள்ளது. சாம்சங் போன் IP67 மதிப்பீட்டைக் கொண்டுள்ளது மற்றும் இன்-டிஸ்ப்ளே பிங்கர்ப்ரிண்ட் ரீடருடன் வரும் என எதிர்பார்க்கப்படுகிறது. இது ஆன்ட்ராய்டு 11 இல் ஒரு UI 3 உடன் இயங்குகிறது.
Published by:Vinothini Aandisamy
First published: