அடி தூள்..! இனி ஒரே வாட்ஸ் அப்பை இரண்டு டிவைஸ்களில் பயன்படுத்தலாம்..!

இந்தியாவில் அதிக மக்கள் பயன்படுத்தும் செயலிகளில் முன்னிலையில் இருப்பது வாட்ஸ் அப் செயலியாகும். தகவல்களை பரிமாறக் கொள்ள உதவும் இந்த செயலியில் மெட்டா நிறுவனம் அவ்வபோது புதிய புதிய அப்டேட்டுகளை கொடுத்து வாடிக்கையாளர்களை மகிழ்வித்து வருகிறது. சமீபத்தில் குரூப் வீடியோ கால், வாட்ஸ் அப் கம்யூனிட்டி, குழுவாக கால் பேசும் போது தனிப்பட்ட நபரை மியூட் செய்யும் வசதி போன்ற பல்வேறு புதிய வசதிகளை அறிமுகப்படுத்தி இருந்தது குறிப்பிடத்தக்கது. அது போலவே தற்போதும் புதிய அப்டேட் ஒன்றை வெளியிட்டுள்ளது. அதாவது ஒரே எண்ணில் இயங்கும் வாட்ஸ் அப்பை, இரண்டு அல்லது அதற்கு மேற்பட்ட வெவ்வேறு டிவைஸ்களில் பயன்படுத்த முடியும்.

இது போல ஒரு வசதி ஏற்கனவே வாட்ஸ் அப்பில் இருந்தாலும், அதனை சற்று விரிவுபடுத்தி புதிய அம்சங்களை சேர்த்து ஒரு சரியான பேக்கேஜாக கொடுத்துள்ளது அந்நிறுவனம். ஒரே எண்ணில் இயங்கும் வாட்ஸ் அப்பை தற்போது நம்மால் இரண்டு வெவ்வேறு மொபைல்களில் பயன்படுத்த முடியும். வாட்ஸ் அப்பில் லிங்க் டிவைசஸ் என்ற வசதியின் புதிய விரிவாக்கமாக இது உள்ளது.. மேலும் எத்தனை டிவைஸ்களில் உங்கள் வாட்ஸ் அப் இணைக்கப்பட்டுள்ளது என்பதையும் உங்களால் பார்க்க முடியும்.

இதில் உள்ள இன்னொரு வசதி என்னவெனில் உங்களுக்கு தெரியாமல் உங்களது வாட்ஸ் அப்பை வேறு யாருமே பயன்படுத்த முடியாது. ஒருவேளை யாரேனும் பயன்படுத்தினால் உங்களது டிவைஸில் உள்ள ஆக்டிவ் லிஸ்டில் எந்த மொபைல் அல்லது கணினியில் உங்களது வாட்ஸ் அப் ஆக்டிவாக உள்ளது என்பதை உங்களால் எளிதாக கண்டுபிடிக்க முடியும். இதைத் தவிர எங்கிருந்தாலும் உடனடியாக உங்களது வாட்ஸ் அப்பை மற்ற டிவைஸ்களில் இருந்து லாக் அவுட் செய்யும் வசதியும் உள்ளது.

இந்த புதிய வசதி மூலம் உங்களது மொபைல் போன தவிர மற்ற நான்கு டிவைஸ்களில் வாட்ஸ் அப்பை உங்களால் பயன்படுத்த முடியும். அது லேப்டாப், டேப்லட் அல்லது வேறு ஒரு மொபைல் என எப்படி வேண்டுமானாலும் இருக்கலாம். வாட்ஸ் அப்பை எவ்வாறு இரண்டு வெவ்வேறு மொபைல் போன்களில் பயன்படுத்துவது என்பது பற்றி இப்போது பார்ப்போம்.