Home » News » Technology » NEED A VACATION NEW WHATSAPP FEATURE WILL HELP YOU AVOID WORK MESSAGES WHEN ON LEAVE VIN GHTA

வாட்ஸ்அப்பின் புதிய அப்டேட் - விடுமுறை நாட்களில் வேலை தொடர்பான செய்திகளை தவிர்க்கலாம்!

இந்த அம்சம் மிக எளிது என்றாலும், துரதிர்ஷ்டவசமாக இது Android க்கான வாட்ஸ்அப்களில் பீட்டா சோதனை கட்டத்தில் மட்டுமே உள்ளது. குழு அரட்டையை நிரந்தரமாக முடக்குவது அல்லது செய்திகளை மறைப்பது போன்ற அம்சங்களை வாட்ஸ்அப் சமீபத்தில் அறிமுகப்படுத்தியது. விடுமுறைப் பயன்முறை செயலிக்கு ஒரு புதிய சாத்தியமான கூடுதல் அம்சமாக இருக்கும்.

வாட்ஸ்அப்பின் புதிய அப்டேட் - விடுமுறை நாட்களில் வேலை தொடர்பான செய்திகளை தவிர்க்கலாம்!
கோப்பு படம்
  • News18
  • Last Updated: November 5, 2020, 8:26 PM IST
  • Share this:
தனிப்பட்ட மற்றும் பணி செய்திகளுக்கு வாட்ஸ்அப் என்பது நம் வாழ்வின் பெரும்பகுதியில் ஒருங்கிணைந்த ஒன்றாகும். இருப்பினும், விஷயங்கள் கொஞ்சம் குழப்பமானவையாக இருக்கும். உதாரணத்திற்கு, பணிபுரியும் இடத்தில் நீங்கள் பல மாதங்களுக்குப் பிறகு மிகவும் தகுதியான விடுமுறையை எடுத்து கொள்கிறீர்கள். அவ்வாறான சந்தர்ப்பங்களில் விடுப்பில் இருக்கும் போது, பணியிடங்களிலிருந்து செய்திகளைத் தவிர்ப்பது பெரும்பாலும் கடினமாகிவிடும். இதனை நிவர்த்தி செய்ய, வாட்ஸ்அப் "vacation mode" அதாவது விடுமுறை பயன்முறை என்ற புதிய அம்சத்தை சோதனை செய்து வருகிறது. 

இந்த வாட்ஸ்அப் விடுமுறை பயன்முறையில், நீங்கள் குறிப்பாக சில உரையாடல்களை செயலிழக்கச் செய்யலாம். மேலும் ஒரு குறிப்பிட்ட காலத்திற்கு அவர்களிடமிருந்து எந்த அறிவிப்புகளையும் நீங்கள் பெறவில்லை என்பதையும் உறுதிப்படுத்திக் கொள்ளலாம். வாட்ஸ்அப் விடுமுறை பயன்முறையைப் பெறுவதற்கு, பயனர்கள் முதலில் அறிவிப்புகளைப் பெற விரும்பாத அரட்டைகளை காப்பகப்படுத்த(archive) வேண்டும். அதேபோல பிளாக் செய்ய விரும்பாத அரட்டைகளையும் இதில் சேர்க்கலாம். 

காப்பகப்படுத்தப்பட்ட அரட்டைகள் பட்டியலில் சேர்க்கப்பட்டதும், பயனர்கள் அமைப்புகளை அணுகி ‘vacation mode"-ல் செட் செய்யலாம். இதுவரை, காப்பகப்படுத்தப்பட்ட தொடர்புகள் மீண்டும் ஒரு செய்தியை அனுப்பாத வரை, அந்த அரட்டைகள் முடக்கப்பட்டன மற்றும் முக்கிய வாட்ஸ்அப் இன்பாக்ஸிலிருந்து விலக்கி வைக்கப்பட்டிருந்தன. இருப்பினும் பயனர்கள் அரட்டைக்கான அறிவிப்பைப் பெறுவார்கள். 


Also read... உங்கள் வாட்ஸ்-அப் சாட்களை பாதுகாப்பாக வைத்துக்கொள்ளும் முறைகள் என்னென்ன?



ஆனால் விடுமுறை பயன்முறையை டர்ன் ஆன் செய்யும் போது, காப்பகப்படுத்தப்பட்ட அரட்டைக்கான அறிவிப்பை பயனர்கள் இனி பெற மாட்டார்கள். மேலும் செய்தி பெறப்பட்டாலும் பிந்தைய சாதாரண செய்திகளின் இன்பாக்ஸில் மீண்டும் பாப் ஆகாது. உரையாடலை காப்பகப்படுத்தப்பட்ட பட்டியலில் சேர்ப்பதன் மூலமும், வாட்ஸ்அப் விடுமுறை பயன்முறையை இயக்குவதன் மூலமும் ஒரு உரையாடலை தற்காலிகமாக முடக்க முடியும் என்பதை நிறுவனம் உறுதிப்படுத்தியுள்ளது. நீங்கள் மீண்டும் அரட்டைகளை தொடர்புக்கு ஏற்க விரும்பினால், உங்கள் காப்பகப்படுத்தப்பட்ட அரட்டையிலிருந்து உரையாடலை அகற்றிவிட்டு, வழக்கம் போல அந்த நபருடன் மீண்டும் தொடர்புக் கொள்ளலாம். 

இந்த அம்சம் மிக எளிது என்றாலும், துரதிர்ஷ்டவசமாக இது Android க்கான வாட்ஸ்அப்களில் பீட்டா சோதனை கட்டத்தில் மட்டுமே உள்ளது. குழு அரட்டையை நிரந்தரமாக முடக்குவது அல்லது செய்திகளை மறைப்பது போன்ற அம்சங்களை வாட்ஸ்அப் சமீபத்தில் அறிமுகப்படுத்தியது. விடுமுறைப் பயன்முறை செயலிக்கு ஒரு புதிய சாத்தியமான கூடுதல் அம்சமாக இருக்கும். பேஸ்புக்கிற்குச் சொந்தமான சேவைகள் பயனர்களின் ஒட்டுமொத்த அனுபவத்தின் அடிப்படையில் ஒழுங்கீனத்தைக் குறைக்க உதவும் நடவடிக்கைகளை மேற்கொள்ளவதை பார்ப்பது சுவாரஸ்யமான ஒன்று.
First published: November 5, 2020
மேலும் பார்க்க
அடுத்து செய்திகள்

Top Stories