Work from home-க்கு ஏற்ற பட்ஜெட் லேப்டாப்பைத் தேடுகிறீர்களா? அப்போ இத பாத்துட்டு முடிவு பண்ணுங்க..

கொரோனா பரவல் எல்லாரையும் வீட்டிற்குள்ளேயே முடக்கி விட்டது. வேலை பார்ப்பவர்களில் இருந்து பள்ளி மாணவர்கள் என அனைவரும் வீட்டில் இருந்தே தங்கள் வேலைகளையும், பாடங்களையும் செய்ய வேண்டிய சூழல் ஏற்பட்டுள்ளது. கொரோனாவால் லேப்டாப்களுக்கு தேவை அதிகமாக உள்ளது. இந்த சூழலால் ஒர்க் ப்ரம் ஹோமில் (WFH) இருப்பவர்கள் சதா லேப்டாப் முன்பே இருக்க வேண்டிய சூழல் ஏற்பட்டுள்ளது. அதிலும் லேப்டாப் சரியாக ஒர்க் ஆகலனா போச்சு பாஸ் கிட்ட நல்ல டோஸ் கிடைக்கும். இதே நல்ல லேப்டாப் அதுவும் பட்ஜெட் கெடச்ச வேணாம்னு சொல்லுவோமா? 

இந்தியாவில் இப்போதுதான் COVID-19 தடுப்பூசி டிரைவ் தொடங்கியுள்ளது, WFH-இல் உள்ளவர்கள் இன்னும் ஐந்து மாதங்களோ ஆறு மாதங்களோ  வீட்டிலிருந்து வேலை செய்வார்கள். இதற்கு ஸ்கைப் அல்லது கூகுள் மீட் (skype or Google Meet) போன்ற ஆப்ஸ்களை யூஸ் செய்வதற்கும், இண்டர்நெட்டில் பிற தினசரி பணிகளைச் செய்வதற்கும் நீங்கள் ஒரு லேப்டாப்பை தேடுகிறீர்கள் என்றால், நீங்கள் சரியான இடத்தில் தான் இருக்கிறீர்கள். ரூ .40,000 க்கு கீழ் உள்ள லேப்டாப்களை நீங்கள் அமேசான் மற்றும் பிளிப்கார்ட்டில் பார்த்து வாங்கமுடியும்.  சிறந்த லேப்டாப்கள் இதோ..

எம்ஐ நோட்புக் 14 இ-லர்னிங் எடிஷன் (Mi Notebook 14 e-Learning Edition):

சியோமி (Xiaomi) கடந்த ஆண்டு தனது Mi Notebook சிரீஸுடன் இந்தியாவில் லேப்டாப்பை கொண்டுவந்தது. அதிலும் பட்ஜெட் லேப்டாப், Mi Notebook 14 e-Learning Edition தற்போது ரூ.36,999 க்கு விற்பனை செய்யப்படுகிறது. இந்த டிவைஸ் 14 அங்குல முழு HD கண்ணை கவரும் காட்சி மற்றும் உள்ளடிக்கிய HD வெப்கேம் ஆகியவற்றைக் கொண்டுள்ளது. ஹூட்டின் கீழ், இது 10 வது தலைமுறை இன்டெல் கோர் i3-10110U செயலி மற்றும் இன்டெல் UHD கிராபிக்ஸ் 620 GPU மூலம் இயக்கப்படுகிறது, இது 8 ஜிபி ரேம் மற்றும் 256 ஜிபி எஸ்எஸ்டி சேமிப்பகத்துடன் இணைக்கப்பட்டுள்ளது. இலகுரக லேப்டாப்பின் எடை வெறும் 1.5 கிலோ தான்.

ஆசஸ் விவோபுக் (Asus VivoBook):

மல்டிடாஸ்கிங் வேலைகள் மற்றும் CS: GO games விளையாடுவது போன்ற சில heavy task களையும் செய்ய ஒரு மடிக்கணினி வேண்டும் என நீங்கள் தேடினால் அதற்கு Asus VivoBook தான் சிறந்தது. ஆசஸ் விவோபுக் (X413JA-EK267T) ஒரு நேர்த்தியான லேப்டாப். இது சுமார் 1.4 கிலோ எடையைக் கொண்டுள்ளது. 14 அங்குல முழு HD LED டிஸ்ப்ளேவுடன் வரும் இந்த லேப்டாப் அனைத்து பக்கங்களிலும் மெலிதான பெசல்களைக் கொண்டுள்ளது. இது 4 ஜிபி ரேம் மற்றும் 512 ஜிபி SSD சேமிப்பகத்துடன் ஜோடியாக 10 வது தலைமுறை இன்டெல் கோர் ஐ 3-1005 ஜி 1 செயலியைக் கொண்டுள்ளது. Asus லேப்டாப் HD வெப்கேம், பேக்லிட் சிக்லெட் கீபோர்ட் மற்றும் Wi-Fi-6 ஐ சப்போர்ட் செய்கிறது. கஸ்டமர்கள் Asus VivoBook ஐ பிளிப்கார்ட் மூலம் ரூ .36,990 க்கு வாங்கலாம்.

அவிடா லிபர் வி 14 (Avita Liber V14):

அமெரிக்காவை தளமாகக் கொண்ட Avita லேப்டாப்கள் கடந்த சில மாதங்களில் இந்தியாவில் மிகவும் பிரபலமாகிவிட்டன, ஏனெனில் வீட்டிலிருந்து வேலை (WFH) மற்றும் இணைய வழி கல்வி (e-education adoption) காரணமாக பட்ஜெட் லேப்டாப்களின் தேவை இந்தியாவில் உயர்ந்தது. அதுமட்டுமல்லாமல் 8GB DDR4 ரேம் மற்றும் 512 ஜிபி எஸ்எஸ்டி சேமிப்பகத்துடன் 10வது தலைமுறை இன்டெல் கோர் ஐ 5-10210 யூ செயலியுடன் வரும் இந்த லேப்டாப் 1.25 கிலோ எடையுள்ளதாக இருக்கிறது மேலும் ஒருமுறை சார்ஜ் செய்தால் 10 மணிநேர பேட்டரி ஆயுளை வழங்கும். இது 14 அங்குல முழு HD டிஸ்ப்ளே மற்றும் பேக்லைட் கீபோர்ட்டையும் கொண்டுள்ளது. Avita லிபர் வி 14 அமேசானில் 

ரூ .38,990 க்கு கிடைக்கிறது.

டெல் இன்ஸ்பிரான் 3493 (Dell Inspiron 3493):

உறுதியான கட்டமைப்புக்கு எப்போதும் பெயர்போனது Dell லேப்டாப்கள். நீங்கள் சற்று முரட்டுதனமான லேப்டாப் யூசராக இருப்பதாக நீங்கள் உணர்ந்தால் உங்களுக்காகவே வடிவமைக்கப்பட்டது தான் இந்த Dell லேப்டாப்கள். அடுத்ததாக டெல் இன்ஸ்பிரான் 3493 உள்ளது, இது ஒரு சிறிய கட்டமைப்பைக் கொண்டுள்ள சூப்பரான லேப்டாப். கிட்டத்தட்ட 2 கிலோ எடையைக் இது கொண்டுள்ளது. 14 அங்குல ஆன்டி-க்ளேர் ஃபுல்-HD டிஸ்ப்ளேவுடன் இந்த லேப்டாப் வருகிறது. இந்த லேப்டாப் 10 வது தலைமுறை இன்டெல் கோர் ஐ 3-1005 ஜி 1 சிபியு மற்றும் 4 ஜிபி ரேம் உடன் 1 டிபி HDD சேமிப்பகத்துடன் இயக்கப்படுகிறது. டெல் இன்ஸ்பிரான் 3493 உடன் 1 HDMI போர்ட் மற்றும் 1 எஸ்டி மீடியா கார்டு ரீடர் போர்ட்களுடன் வருகிறது. இது அமேசானில் 

ரூ .33,990 க்கும், பிளிப்கார்ட்டில் ரூ .36,990 க்கும் கிடைக்கிறது.

லெனோவா ஐடியாபேட் எஸ் 145 (Lenovo IdeaPad S145):

இந்த லிஸ்டில் கடைசியாக Lenovo IdeaPad S145 உள்ளது, இது 15.6 இன்ச் முழு HD டிஸ்ப்ளே மற்றும் 1.85 கிலோ எடையுடன் வருகிறது. டிஸ்ப்ளே பேனலில் சிறந்த பார்வை அனுபவத்திற்காக குறுகிய பெசல்கள் உள்ளன. கூடுதலாக, இது 7வது தலைமுறை இன்டெல் கோர் i3-7020U CPU உடன் 4 ஜிபி ரேம் மற்றும் 1 டிபி HDD சேமிப்பகத்துடன் வருகிறது. இந்த நோ-ஃப்ரில் லேப்டாப்பில் (no-frill laptop) வீடியோ காலிங்கிற்கான வெப்கேம் உள்ளது, மேலும் இந்த டிவைஸின் விலை அமேசானில் ரூ .28,990 க்கு உங்களால் வாங்க முடியும். இதில் ஏற்கனவே நிறுவப்பட்ட genuine Windows 10 Home operating system மற்றும் Microsoft Office ஆகியவற்றுடன் இந்த மாடல் கிடைக்கிறது.