கூடுதலாக 27 நகரங்களில் 5ஜி இணைய சேவை- ஜியோ நிறுவனம் அறிவிப்பு

ரிலையன்ஸ் நிறுவனத்துக்கு சொந்தமான ஜியோ இந்தியாவில் இணையப் புரட்சியை ஏற்படுத்திவருகிறது. தரமான 4 ஜி இணைய சேவையை வழங்கியதன் மூலம் இந்தியாவின் முன்னணி தொலைதொடர்பு நிறுவனமாக ஜியோ உருவெடுத்தது. தற்போது, ஜியோ நிறுவனம் அதன் பயனாளர்களுக்கு 5 ஜி சேவையை வழங்கிவருகிறது. இந்தியாவில் கொஞ்சம் கொஞ்சமாக ஜியோ 5 சேவை வழங்கும் எல்லையை அதிகப்படுத்திவருகிறது.

இன்றுமுதல் ஜியோ நிறுவனம் கூடுதலாக 27 நகரங்களுக்கு 5 ஜி சேவையை வழங்கவுள்ளது. அதில், தமிழ்நாட்டில் இரண்டு நகரங்களில் 5 ஜி சேவை வழங்கப்படவுள்ளது. இதன்மூலம் தமிழ்நாட்டில் மொத்தமாக 22 நகரங்களில் 5 ஜி சேவை வழங்கப்படவுள்ளது. அதன்மூலம் இந்தியாவில் மொத்தமாக 331 நகரங்களில் தரமான 5 ஜி சேவையை ஜியோ நிறுவனம் வழங்கப்படவுள்ளது.

தமிழ்நாட்டில் ஏற்கெனவே, சென்னை, கோயம்புத்தூர், மதுரை, திருச்சி, சேலம், வேலூர், ஓசூர், திருப்பூர், ஈரோடு, தருமபுரி, தூத்துகுடி, கடலூர், திண்டுக்கல், காஞ்சிபுரம், கரூர், கும்பகோணம், நாகர்கோவில், தஞ்சாவூர், திருவண்ணாமலை, திருநெல்வேலியில் 5 ஜி சேவை வழங்கப்பட்டு வந்தது. தற்போது, கூடுதலாக கோவில்பட்டி, பொள்ளாச்சி, புதுச்சேரியில் 5 ஜி சேவை வழங்கப்படவுள்ளது.

தமிழ்நாடு தவிர்த்து, ஆந்திரப் பிரதேசம், சத்திஸ்கர், ஜம்மு காஷ்மார், கர்நாடகா, கேரளா, மத்தியப் பிரதேசம், தெலங்கானா, மகாராஷ்டிரா, பஞ்சாப், உத்தரப் பிரதேசம், உத்தரகாண்ட், மேற்குவங்கம் ஆகிய மாநிலங்களின் முக்கிய நகரங்களிலும் ஜியோ 5 ஜி சேவை நீட்டிக்கப்பட்டுள்ளது.

என்னுடைய முதலாளியே என் மனைவியும் மகளும்தான்... அ.ம.மு.க பொதுச்செயலாளர் டி.டி.வி.தினகரன் நெகிழ்ச்சி