பேடிஎம் மூலமாக உங்கள் அக்கவுண்ட் பேலன்ஸ் தெரிந்து கொள்ளலாம்!

பேடிஎம், கூகுள் பே மற்றும் இதர ஆப்-களின் வருகை காரணமாக ஒருவருக்கு பணம் செலுத்துவது, மற்றவர்களிடம் இருந்து பணம் பெற்றுக் கொள்வது போன்ற வங்கிப் பரிமாற்ற நடவடிக்கைகள் மிகவும் எளிமையாகியுள்ளன. பேடிஎம் தளத்தில் பணப் பரிமாற்றத்திற்கு எந்தவித கட்டணமும் வசூலிக்கப்படுவதில்லை. உடனடியாக பணம் சென்று சேர்ந்து விடுகிறது.

நீங்கள் பேடிஎம் ஆப் மூலமாக உங்கள் அக்கவுண்ட் பேலன்ஸ் குறித்து தெரிந்து கொள்ளலாம். குறிப்பாக பேடிஎம் ஆப்-பில் உங்களுடைய பல வங்கி அக்கவுண்ட்களை இணைத்துக் கொள்ளும் வாய்ப்பு இருப்பதன் காரணமாக, அனைத்து அக்கவுண்ட்களின் பேலன்ஸ் தொகையையும் நீங்கள் தெரிந்து கொள்ள முடியும்.

இப்போது, பேடிஎம் தளத்தில் உங்கள் வங்கி பேலன்ஸ் தொகையை சரிபார்ப்பது எப்படி என தெரிந்து கொள்ளலாம். உங்கள் பேடிஎம் ஆப்-பில் உள்ள செட்டிங்ஸ் மெனு மூலமாக உங்களது அக்கவுண்ட் பேலன்ஸ் தெரிந்து கொள்ள முடியும் அல்லது பாஸ்புக் பிரிவுக்கு செல்வதன் மூலமாகவும் நீங்கள் பேலன்ஸ் தெரிந்து கொள்ள இயலும். அக்கவுண்ட் பாதுகாப்பு கருதி உங்கள் யுபிஐ பின் நம்பரை நீங்கள் யாரிடமும் பகிர்ந்து கொள்ளக் கூடாது.



பேடிஎம் பாஸ்புக் வாயிலாக பேலன்ஸ் தெரிந்து கொள்வது எப்படி

• பேடிஎம் மொபைல் அப்ளிகேஷனை திறந்து கொள்ளுங்கள்.


• மை பேடிஎம் பிரிவில், பேலன்ஸ் & ஹிஸ்டரி செக்சன் என்பதன் மீது கிளிக் செய்யவும்.


• அடுத்து திறக்கப்படும் ஸ்கிரீனில் நீங்கள் இணைத்து வைத்துள்ள அனைத்து அக்கவுண்ட்களும் காண்பிக்கப்படும்.


• இதில், உங்களுக்கு விருப்பமான பேங்க் அக்கவுண்ட் எதுவென்று தேர்வு செய்து, அதற்கான பேலன்ஸ் தொகையை நீங்கள் தெரிந்து கொள்ளலாம். அதே இடத்தில் நீங்கள் ஸ்க்ரோல் டவுன் செய்தால், பழைய பரிமாற்ற விவரங்களை தெரிந்து கொள்ள முடியும்.


• இதற்கிடையே, உங்கள் வங்கி அக்கவுண்டுடன் இணைக்கப்பட்ட யூபிஐ பின் நம்பரை நீங்கள் எண்டர் செய்ய வேண்டும்.


• பிறகு சப்மிட் கொடுத்து விட்டால் உங்கள் வங்கி அக்கவுண்ட் இருப்புத் தொகை விவரம் தெரிய வரும்.


Also Read : Google chrome, Mozilla பயனர்களுக்கு ஆபத்து... மத்திய அரசு விடுத்த எச்சரிக்கை! 

பேடிஎம் செட்டிங்ஸ் மூலமாக பேலன்ஸ் தெரிந்து கொள்வது எப்படி



• பேடிஎம் ஆப் திறந்து, இடது மேல்புறம் கார்னரில் உள்ள புரொஃபைல் ஐகான் மீது கிளிக் செய்யவும்.


• இடதுபுறம் உள்ள பேமெண்ட் செட்டிங்ஸ் மீது கிளிக் செய்யவும்.


• இங்குள்ள யுபிஐ & லிங்க்டு பேங்க் அக்கவுண்ட்ஸ் என்பதை தேர்வு செய்யவும்.


• இப்போது வரும் ஸ்கிரீனில் உங்கள் வங்கி அக்கவுண்ட் அனைத்தும் காண்பிக்கப்படும். தொடர்புடைய பேங்க் அக்கவுண்ட் தேர்வு செய்து, செக் பேலன்ஸ் என்பதை கிளிக் செய்யவும்.


• இப்போது நீங்கள் யுபிஐ பின் நம்பர் எண்டர் செய்த பிறகு பேலன்ஸ் விவரம் தெரிய வரும்.