ஒரே ஒரு பட்டனை அழுத்தினால் கூகுள் போட்டோஸ் ஐபோனில் கிடைக்கும்!

ஒரே ஒரு பட்டனை அழுத்தினால் கூகுள் போட்டோஸ் ஐபோனில் கிடைக்கும்!

கூகுள் போட்டோஸ்

கூகுள் போட்டோக்கள் ஆப்ஸ் பல ஆண்ட்ராய்டு ஸ்மார்ட்போன்களில் முன்பே நிறுவப்பட்டிருப்பதைக் கவனத்தில் கொள்ள வேண்டும், இது பதிவிறக்க எண்களை கணக்கில் கொள்ளாது. கடந்த மாதம், கூகுள் போட்டோக்கள் வரம்பற்ற கிளவுட் சேமிப்பிடம் முடிவுக்கு வரும் என்று கூகுள் கூறியது.

  • News18
  • Last Updated :
  • Share this:
கூகுள் போட்டோஸானது (Google Photos) 16 MB HD வரையில் வரம்பற்ற போட்டோக்களையும், வீடியோக்களையும் இலவசமாகக் காப்புப்பிரதி எடுக்க நம்மை அனுமதிக்கிறது. அவற்றை மொபைல், டேப்லெட் அல்லது கணினியிலிருந்தும் photos.google.com என்ற இணையதளத்தில் இருந்தும் அணுகலாம். நம் போட்டோக்கள் பாதுகாப்பாக, உங்களுக்கென தனிப்பட்டதாகவும் இருக்க கூகுள் இந்த கூகுள் போட்டோஸ் (Google Photos) ஐ நமக்கு அளிக்கிறது. 

இந்த நிலையில் கூகுள் போட்டோஸ் (Google Photos) இப்போது ஒரு புதிய அப்டேட்டை பெறுகின்றன, இது ஆப்பிள் ஐபோன் மற்றும் ஐபாட் (Apple iPhone and iPad) பயனர்கள் சாதனத்தில் சேமிக்கப்பட்ட போட்டோக்களை ஆப்ஸுடன் தடையின்றி ஒத்திசைக்க (sync) அனுமதிக்கும். கூகுளின் கூற்றுப்படி, பயனர்கள் இப்போது குறுக்கு-தள அனுபவத்தை (cross-platform experience) மேம்படுத்த, ஆப்பிள் போட்டோஸ் மற்றும் கூகுள் போட்டோஸ் ( Apple Photos and Google Photos) ஆப்ஸ்களுக்கு இடையில் 'பிடித்த' ('favourite') போட்டோக்களை தானாக ஒத்திசைக்க முடியும். இப்போது வரை, ஆப்பிள் விதித்த கட்டுப்பாடுகள் காரணமாக, பயனர்கள் சாதனத்திலிருந்து போட்டோக்களை நேரம் செலவழித்து கூகுள் போட்டோக்களுக்கு மாற்ற வேண்டியிருந்தது. 

இந்த அப்டேட்டை கூகுளின் ஆப்ஸ்கள் மற்றும் கிளவுட் ஸ்டோரேஜ்ஜின் (Cloud storage) ரசிகர்களான பல ஐபோன் மற்றும் ஐபாட் பயனர்கள் (iPhone and iPad users) வரவேற்கிறார்கள். இதற்கிடையில், கூகுள் போட்டோஸ் ஆப்ஸ் (Google Photos app) கூகுள் பிளே ஸ்டோரில் 5 பில்லியன் பதிவிறக்கங்களை எட்டியுள்ளது,

எனவே பல கூகுள் ஆப்ஸ்களின் கிளப்பில் சேர்ந்து பல ஆண்டுகளாக இந்த அடையாளத்தை எட்டியுள்ளது. ஆப்பிள் போட்டோக்கள் மற்றும் கூகுள் போட்டோக்களில் (Apple Photos and Google Photos) உள்ள போட்டோக்கள் பயனர் நட்சத்திரங்கள் அல்லது பிடித்தவை இரண்டிலும் தானாக ஒத்திசைக்கப்படும் என்று கூகுள் விளக்குகிறது. "ஆப்பிள் போட்டோக்களில் உங்களுக்கு பிடித்த (ஹார்ட்) போட்டோக்கள் இனி கூகுள் போட்டோக்களில் பிடித்தவை லிஸ்டில் சேர்ந்துவிடும்.

கூகுள் போட்டோக்களில் உங்களுக்கு பிடித்த (ஸ்டார்) போட்டோக்கள் ஆப்பிள் போட்டோக்களில் பிடித்தவை லிஸ்டில் சேர்ந்துவிடும்" என்று நிறுவனம் விளக்கியுள்ளது. 

தானியங்கி ஒத்திசைவு அம்சத்தை (automatic syncing feature) இயக்க அல்லது முடக்க, ஐபோன் அல்லது ஐபாடில் மேல் வலதுபுறத்தில் உள்ள, கூகுள் போட்டோக்களைத் திறக்கவும்>  உங்கள் கணக்கு சுயவிவர புகைப்படத்தைத் தட்டவும்> போட்டோக்கள் அமைப்புகளைத் தட்டவும்> ஆப்பிள் போட்டோக்களைத் தட்டவும்> ஒத்திசைவு பிடித்தவைகளைத் தட்டவும் (iPhone or iPad > At the top right, tap your account profile photo > Tap Photos Settings > Tap Apple Photos > Tap Sync favorites). இதன்மூலம் கூகிள் போட்டோஸ் ஆப்ஸ் பயனர்கள் எளிதாக தங்களது போட்டோஸ்ஸை  பார்க்கக்கூடும் என்று நிறுவனம் கூறுகிறது, இதை பலரும் விரும்புவார்கள். இதேபோல், பயனர் ஒரு போட்டோவை அன்-ஸ்டார்ஸ் அல்லது அன்-பேவரட் (Un-stars or Un-favourites) செய்யும்போதெல்லாம், அது தானாகவே மற்ற தளத்திலிருந்தும் மறைந்துவிடும் என்றும் நிறுவனம் கூறுகிறது. 

Also read... கூகுள் பே பயனர்கள் இனி இ- கிப்ட் கார்டுகள் வாங்கலாம்- இந்தியாவில் புதிய அம்சம் அறிமுகம்!



 ஆண்ட்ராய்டு போலீஸ் (Android Police) குறிப்பிட்டுள்ளபடி, கூகுள் போட்டோக்களுக்குள் பயனர் ஒரு படத்தை நட்சத்திரமிடும்போதெல்லாம் ஆப்பிள் போட்டோஸ் ஆப்ஸ் அதை  உடனடியாக ஒத்திசைக்கிறது. இருப்பினும், இதை ஆப்போஸிட்டாக செய்யும்போது செயல்முறை ஒப்பீட்டளவில் மெதுவாக இருக்கும் என்று அறிக்கை கூறுகிறது. இதற்கிடையில், கூகுள் போட்டோக்கள் 5 பில்லியன் நிறுவல்களை (5 billion installs mark) எட்டியுள்ளது, இந்த ஆண்டு அதிகம் இன்ஸ்டால் செய்யப்பட்ட ஆப்ஸ்களில் இது இரண்டாவது ஆண்ட்ராய்டு (வாட்ஸ்அப்) ஆப்ஸாக உள்ளது.

இருப்பினும், கூகுள் போட்டோக்கள் ஆப்ஸ் பல ஆண்ட்ராய்டு ஸ்மார்ட்போன்களில் முன்பே நிறுவப்பட்டிருப்பதைக் கவனத்தில் கொள்ள வேண்டும், இது பதிவிறக்க எண்களை கணக்கில் கொள்ளாது. கடந்த மாதம், கூகுள் போட்டோக்கள் வரம்பற்ற கிளவுட் சேமிப்பிடம் முடிவுக்கு வரும் என்று கூகுள் கூறியது, மேலும் பயனர்கள் கூடுதல் இடத்தை அனுபவிக்க வேண்டுமென்றால் கூகுள் ஒன் சந்தாவைப் (Google One subscription) பெற வேண்டும். கூகுள் போட்டோஸ் (Google Photos) தினசரி அடிப்படையில் பயன்படுத்தக்கூடிய ஏராளமான அம்சங்கள் கொண்ட கூகுளின் சிறந்த ஆப்ஸாகும். தற்பொழுது கூகுள் நிறுவனம் கூகுள் போட்டோஸ் ஆப்ஸை ஆப்பிள் பயனர்களுக்கு எளிதாக்கியுள்ளது.
Published by:Vinothini Aandisamy
First published: