நிலவின் பள்ளங்களைத் துல்லியமாக படம் பிடித்த சந்திரயான்2! இஸ்ரோ வெளியிட்ட இரண்டாவது புகைப்படம்

சந்திராயன் 2 விண்கலம் நிலவை 2-வது முறையாக எடுத்த புதிய புகைப்படத்தை இஸ்ரோ அதிகாரப்பூர்வமாக வெளியிட்டுள்ளது.

இஸ்ரோ விண்வெளி ஆய்வு மையம், நிலவு குறித்து ஆய்வு செய்வதற்காக ஜூலை 22-ம் தேதி சந்திரயான் 2 விண்கலத்தை ஏவியது. அந்த விண்கலம், கடந்த 20ஆம் தேதி நிலவின் சுற்றுவட்டப் பாதைக்குள் நுழைந்தது. அடுத்த நாளான ஆகஸ்ட் 21-ம் தேதி சந்திரயான் 2 எடுத்த புகைப்படத்தை இஸ்ரோ வெளியிட்டது.

இந்நிலையில், சந்திரயான் 2 விண்கலம் எடுத்த 2-வது புகைப்படத்தை இஸ்ரோ தனது ட்விட்டர் பக்கத்தில் இன்று வெளியிட்டுள்ளது. ஆகஸ்ட் 23-ம் தேதி எடுக்கப்பட்ட இந்த புகைப்படத்தை, நிலவில் இருந்து சுமார் 4 ஆயிரத்து 375 கிலோ மீட்டர் தூரத்தில் இருந்து சந்திரயான் 2 விண்கலம் எடுத்துள்ளதாக இஸ்ரோ தெரிவித்துள்ளது.

#ISRO
Lunar surface imaged by Terrain Mapping Camera-2(TMC-2) of #Chandrayaan2 on August 23 at an altitude of about 4375 km showing craters such as Jackson, Mach, Korolev and Mitra (In the name of Prof. Sisir Kumar Mitra)

For more images please visit https://t.co/ElNS4qIBvh pic.twitter.com/T31bFh102v

— ISRO (@isro) August 26, 2019

டெரய்ன் மேப்பிங் கேமரா - 2 மூலமாக எடுக்கப்பட்ட இந்த புகைப்படத்தில், ஜாக்சன், மேக், மித்ரா, கொரேலேவ் ஆகிய பள்ளங்கள் தெளிவாக தெரிகின்றன.

Also see: