இது அவதார் காலம்..! வாட்ஸ் அப் செயலியில் புதிய அப்டேட்..!

உலகின் தவிர்க்க முடியாத தகவல் தொடர்பு செயலியாகிவிட்டது வாட்ஸ்அப். உலகம் முழுவதும் சுமார் 200 கோடி பயனர்களை கொண்டுள்ளது வாட்ஸ் அப். தனது பயனர்களை தொடர்ந்து தக்கவைத்துக் கொள்ள மெட்டா நிறுவனம் அடிக்கடி மேம்பட்ட, புதிய, நவீன தொழில்நுட்ப அம்சங்களை அறிமுகப்படுத்திக் கொண்டே இருக்கிறது. இதற்கான தனி R&Dகுழுவே செயல்படுகிறது.

அந்த வகையில் வாட்ஸ் மற்றுமொரு புதிய அம்சத்தை அறிமுகப்படுத்தியுள்ளது. இந்த புதிய அம்சம் மிகவும் தனிப்பட்ட விருப்பங்களை வெளிப்படுத்தும் வகையில் இருப்பதால் பயனர்களை வெகுவாக கவர்ந்துள்ளது. அந்த புதிய அம்சம் தான்  ‘அவதார் ஸ்டிக்கர்ஸ்’

இந்த புதிய அவதார் ஸ்டிக்கர்ஸ் மூலம் பயனர்கள தங்கள் உணர்வுகளை மிகத்துல்லியமாக வெளிப்படுத்தி சாட் செய்ய முடியும். வாட்ஸ்அப்-பில் இனி பயனர்களை தங்கள் சொந்த உருவங்களை ஸ்டிக்கர்களாக உருவாக்கி பயன்படுத்திக் கொள்ள முடியும்.

Read More : இனி ஒருமுறை மட்டும்தான் மெசேஜை பார்க்க முடியும்? - வருகிறது வாட்ஸ்அப்பின் அசத்தல் அப்டேட்!

மேலும் இந்த ஸ்டிக்கர்களை தங்கள் பெர்சனல் பயன்பாட்டிற்கும் பயன்படுத்திக் கொள்ள முடியும். இந்த புதிய வசதி மூலம் நாம் உருவாக்கும் நம் சொந்த உருவங்களை கொண்ட அவதார் ஸ்டிக்கர்களில் லைட்டிங், ஷேடிங், ஹேர் ஸ்டைல், தோல் நிறத்தை மாற்றுவது, கண்கள், மூக்கு, காது, வாய் என்று ஒவ்வொன்றையும் உங்களைப் போல நீங்கள் உருவாக்கலாம்.

இந்த அவதார் ஸ்டிக்கர்கள் ஸ்னாப் சாட்டின் பிட்மோஜி மற்றும் ஆப்பிளின் மெமோஜி போன்றே உங்கள் உணர்வுகளை வெளிப்படுத்தும்.இந்த அவதார் அம்சத்தை நீங்களும் உருவாக்கி, பயன்படுத்த வேண்டுமா? எப்படி என்று பார்க்கலாம்…

செய்தியாளர் : ரொசாரியோ ராய்