• HOME
  • »
  • NEWS
  • »
  • technology
  • »
  • ரூ.500க்கும் கீழ் உள்ள சிறந்த ஏர்டெல் ப்ரீபெய்டு ரீசார்ஜ் திட்டங்கள்

ரூ.500க்கும் கீழ் உள்ள சிறந்த ஏர்டெல் ப்ரீபெய்டு ரீசார்ஜ் திட்டங்கள்

ஏர்டெல்

ஏர்டெல்

ஏர்டெல் அதன் ரூ.219 மற்றும் அதற்கு மேற்பட்ட விலையில் உள்ள சில ப்ரீபெய்ட் திட்டங்களுடன் இலவச டேட்டா கூப்பன்களையும் வழங்குகிறது. ஏர்டெல் வாடிக்கையாளர்கள் 6 ஜிபி இலவச தரவைப் பெற விரும்பினால், அவர்கள் ஏர்டெல் தேங்க்ஸ் ஆப்-ல் உள்ள  My Coupons பகுதிக்குச் சென்று ரீசார்ஜ் செய்ய வேண்டும்.

  • Share this:
டெலிகாம் நிறுவனமான ஏர்டெல் சமீபத்தில் அமேசானுடன் கூட்டுசேர்ந்து, Thanksapp செயலியை பயன்படுத்தும் அதன் ப்ரீபெய்ட் வாடிக்கையாளர்களுக்கு பிரைம் வீடியோ மொபைல் எடிசனை வழங்குகிறது. இதுதவிர ஏர்டெல் அதன் ரூ.219 மற்றும் அதற்கு மேற்பட்ட விலையில் உள்ள சில ப்ரீபெய்ட் திட்டங்களுடன் இலவச டேட்டா கூப்பன்களையும் வழங்குகிறது. ஏர்டெல் வாடிக்கையாளர்கள் 6 ஜிபி இலவச டேட்டாவைப் பெற விரும்பினால், அவர்கள் ஏர்டெல் தேங்க்ஸ் ஆப்-ல் உள்ள  My Coupons பகுதிக்குச் சென்று ரீசார்ஜ் செய்ய வேண்டும்.

மேலும், வாடிக்கையாளர்கள் ஏர்டெல் தேங்க்ஸ் ஆப் மூலம் ரூ.298 ப்ரீபெய்ட் திட்டத்தை ரீசார்ஜ் செய்தால் ரூ.50 தள்ளுபடியை பெறலாம் என தெரிவிக்கப்பட்டுள்ளது. தற்போது, ரூ.298 மற்றும் ரூ.398 ஆகிய இரண்டு அன்லிமிடெட் ப்ரீபெய்ட் திட்டங்களும் ஏர்டெல் தேங்க்ஸ் ஆப்-ல் தள்ளுபடி கூப்பன்களுக்கு தகுதியானவை என்பதை தெரிவித்துள்ளது. ஆகவே, ஏர்டெல் வாடிக்கையாளர்கள் மாதந்தோறும் ரூ.50 தள்ளுபடிக்கு அதே சலுகைகளைப் பெறலாம். நீங்கள் ஏர்டெல் யூசராக இருந்து தேங்க்ஸ் ஆப்பை பதிவிறக்கம் செய்யவில்லை என்றால், இப்போதே டவுன்லோடு செய்வதன் மூலம் மேற்கண்ட நன்மைகளைப் பெறலாம்.

டேட்டா, அன்லிமிடெட் கால்ஸ் மற்றும் இலவச SMS போன்ற ஏராளமான நன்மைகளை வழங்கும் பிரபலமான ஏர்டெல் ரீசார்ஜ் திட்டங்கள் குறித்து இங்கு காண்போம். இந்த ரீசார்ஜ் திட்டங்களின் மூலம் எல்லா மொபைல் வாடிக்கையாளர்களும் பிரைம் வீடியோவை அணுகலாம். மேலும் சில ரீசார்ஜ் பிளான்கள் ஸ்ட்ரீமிங் நன்மைகளையும் வாடிக்கையாளர்களுக்கு தருகின்றன. இந்த டெல்கோ ப்ரீபெய்ட் திட்டங்களை முறையே ரூ.300, ரூ.400 மற்றும் ரூ.500 க்கும் குறைவான விலையில் ஏர்டெல் வழங்குகிறது. அந்த வகையில் 28 நாட்கள் வாலிடிட்டி கொண்ட ரூ.500க்கு கீழ் உள்ள ரீசார்ஜ் திட்டங்களில் வழங்கப்படும் நன்மைகள் குறித்து பார்ப்போம்.

ரூ.219 ப்ரீபெய்ட் திட்டம்: இந்த ரீசார்ஜ் பிளானில் ஒரு நாளைக்கு 1 ஜிபி டேட்டா, அன்லிமிடெட் கால்ஸ் மற்றும் ஒரு நாளைக்கு 100 இலவச எஸ்எம்எஸ் ஆகியவை கிடக்கிறது. இந்த திட்டத்தின் கூடுதல் நன்மைகளில் ஏர்டெல் Xstream சந்தா மற்றும் Wynk Music ஆகியவையும் அடங்கும். இந்தியாவில் மொபைல் எடிசன் திட்டங்களை ரூ.89 என்ற ஆரம்ப விலையில் இருந்து வழங்க Amazon ஏர்டெல் நிறுவனத்துடன் கூட்டு சேர்ந்துள்ளது. தற்போது, மொபைல்-ஒன்லி அமேசான் பிரைம் வீடியோ திட்டம் ஏர்டெல் வாடிக்கையாளர்களுக்கு பிரத்யேகமாக வழங்கப்பட்டு வருகிறது. மேலும் அமேசான் நிறுவனம் தனது மொபைல்-ஒன்லி எடிசன் பிளான்களை அறிமுகப்படுத்திய முதல் நாடும் இந்தியா தான். இப்போது, ஏர்டெல் தேங்க்ஸ் ஆப் வைத்திருக்கும் ​​வாடிக்கையாளர்கள் அமேசான் பிரைம் வீடியோ மொபைல் எடிசனை 30 நாள் இலவச ட்ரையல் பேக் மூலம் அணுகலாம். உண்மையிலேயே ஏர்டெல் வழங்கும் அன்லிமிடெட் திட்டங்கள் அனைத்தும் பிரைம் வீடியோவின் மொபைல் நன்மையைக் கொண்டுள்ளது என கூறப்படுகிறது

ரூ.289 ப்ரீபெய்ட் திட்டம்: ஏர்டெல் ப்ரீபெய்ட் ரூ .249, ரூ. 279, ரூ. 289 மற்றும் ரூ.299 என அனைத்து ரீசார்ஜ் திட்டங்களிலும் தனது வாடிக்கையாளர்களுக்கு 28 நாட்கள் வாலிடிட்டியுடன் அன்லிமிடெட் கால்ஸ், ஒரு நாளைக்கு 100 எஸ்எம்எஸ் மற்றும் அமேசான் பிரைம் வீடியோ மொபைல் பதிப்பிற்கான அணுகல் போன்றவற்றை வழங்குகின்றன. குறிப்பாக ரூ.289 ரீசார்ஜ் திட்டம் ஒரு மாதத்திற்கு zee5 பிரீமியத்திற்கான அணுகலை வழங்குகிறது. அதேபோல கூடுதல் நன்மைகளாக Airtel Xstream, Hello Tunes மற்றும் Wynk Music ஆகியவற்றிற்கான இலவச சந்தாக்களை சிறிய வித்தியாசத்துடன் வழங்குகின்றன.

ரூ.298 ப்ரீபெய்ட் திட்டம்: இதன் வாலிடிட்டி 28 நாட்கள் ஆகும். இந்தத் திட்டம் ஒரு நாளைக்கு 2 ஜிபி டேட்டாவுடன் அன்லிமிடெட் கால்ஸ் மற்றும் ஒரு நாளைக்கு 100 இலவச எஸ்எம்எஸ் ஆகிய நன்மைகளை வழங்குகிறது. இந்த திட்டத்தின் கூடுதல் நன்மைகளில் Airtel Xstream சந்தா மற்றும் இலவச ஆன்லைன் படிப்புகளுக்கான அணுகலுடன் கூடிய Wynk Music மற்றும் Fastag பரிவர்த்தனைக்கு ரூ.150 கேஷ்பேக் ஆகியவையும் அடங்கும். மேலும், இந்த திட்டம் பாரதி ஆக்சா ஆயுள் (Bharti Axa life) காப்பீட்டுக்கான அணுகலை வழங்குகிறது.

ரூ.398 ப்ரீபெய்ட் திட்டம்: இதன் வாலிடிட்டி 28 நாட்கள் ஆகும். இதில் ஒரு நாளைக்கு 3 ஜிபி டேட்டா, அன்லிமிடெட் கால்ஸ் மற்றும் ஒரு நாளைக்கு 100 இலவச எஸ்எம்எஸ் ஆகியவற்றை பெறலாம். கூடுதல் நன்மைகளாக Airtel Xstream பிரீமியத்திற்கான சந்தா, Wynk Music மற்றும் ஷா அகாடமியின் சந்தா ஆகியவை கூடுதலாக சேர்க்கப்பட்டுள்ளன. அதேபோல, வாடிக்கையாளர்களுக்கு இலவச ஹலோ டியூன்ஸ் மற்றும் ஃபாஸ்டாக் பரிவர்த்தனைகளில் ரூ.150 கேஷ்பேக் ஆகியவையும் கிடைக்கும். இந்த திட்டத்துடன் ஸ்ட்ரீமிங் நன்மைகள் எதுவும் இல்லை.

ரூ.448 ப்ரீபெய்ட் திட்டம்: ரூ.500 க்கு கீழ் உள்ள சிறந்த ப்ரீபெய்ட் திட்டங்களில் ஒன்றாக இது பார்க்கப்படுகிறது. ஏனெனில் இந்த திட்டம் ஒரு நாளைக்கு 3 ஜிபி டேட்டா வழங்குகிறது. இதன் வாலிடிட்டி 28 நாட்கள் ஆகும். மேலும் ஓராண்டுக்கான டிஸ்னி + ஹாட்ஸ்டார் விஐபி சந்தாவையும் இந்த  ரீசார்ஜ் பிளான் வழங்குகிறது. மேலும் ஒரு நாளைக்கு 100 எஸ்எம்எஸ் மற்றும் Airtel Xstream பிரீமியத்தின் சந்தாவுடன் கூடுதல் நன்மைகளை பெறலாம். அதேபோல, Wynk Music மற்றும் ஷா அகாடமியின் சந்தாக்களும் கூடுதலாக சேர்க்கப்பட்டுள்ளன. வாடிக்கையாளர்களுக்கு இலவச ஹலோ டியூன்ஸ் மற்றும் ஃபாஸ்டாக் பரிவர்த்தனைகளில் ரூ .150 கேஷ்பேக் கிடைக்கும்.


உடனடி செய்திகளுக்கு இணைந்திருங்கள்

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Ram Sankar
First published: