ஹோம் /நியூஸ் /தமிழ்நாடு /

பனை என்றுமே துணை! தமிழக வரலாற்றில் தவிர்க்க முடியாத பனைமரம்!

பனை என்றுமே துணை! தமிழக வரலாற்றில் தவிர்க்க முடியாத பனைமரம்!

20-ம் நூற்றாண்டின் நடுப்பகுதி வரை தமிழ்நாட்டின் கிராமப்புற ஏழ்மையான மக்களில் கணிசமான சதவிகித மக்களின் வாழ்வாதாரத்தில் பனை மரங்கள் முக்கிய பங்கு வகித்தன என்கிறது வரலாறு.

20-ம் நூற்றாண்டின் நடுப்பகுதி வரை தமிழ்நாட்டின் கிராமப்புற ஏழ்மையான மக்களில் கணிசமான சதவிகித மக்களின் வாழ்வாதாரத்தில் பனை மரங்கள் முக்கிய பங்கு வகித்தன என்கிறது வரலாறு.

20-ம் நூற்றாண்டின் நடுப்பகுதி வரை தமிழ்நாட்டின் கிராமப்புற ஏழ்மையான மக்களில் கணிசமான சதவிகித மக்களின் வாழ்வாதாரத்தில் பனை மரங்கள் முக்கிய பங்கு வகித்தன என்கிறது வரலாறு.

  • News18 Tamil
  • 5 minute read
  • Last Updated :
  • Chennai, India

ஒரு சமூகத்தின் வரலாற்றை அறிய, அவர்களின் உணவுப் பழக்கம், சடங்கு முறைகள், ஆடை, இலக்கியம் ஆகியவற்றில் முதன்மையாக கவனம் செலுத்தலாம். அந்த வகையில், தமிழர்களின் வரலாற்றைப் பார்க்கும் போதெல்லாம், தமிழகம் தனது மாநில மரமான பனை மரத்தை தாங்கிப்பிடிப்பதால், பனை மரங்கள் தமிழ் சமூகத்திலும் மாநிலத்திலும் பெருமளவு பங்கு வகிக்கின்றன.

வெப்பமண்டல காடுகளின் சுற்றுச்சூழல் அமைப்பில் பனை மரங்களும் அடங்கும். அதே நேரத்தில், பனை குடும்பத்தில் பொருளாதார ரீதியாக குறிப்பிடத்தக்க பல இனங்கள் உள்ளன. 200 வெவ்வேறு இனங்களில் இருந்து சுமார் 2,600 வெவ்வேறு வகையான பனைகள் உலகம் முழுவதும் காணப்படுகின்றன. இந்தியாவில், 22 இனங்களில் சுமார் 105 வகையான பனைகள் உள்ளன. அதே சமயம், அனைத்து இந்திய பனை மரங்களில் 50 சதவிகிதம் தமிழ்நாட்டில்தான் உள்ளன. வாழை மரங்களைப் போலவே, உச்சி முதல் அடி வரை, பனை மரங்கள் மனித குலத்திற்கு நன்மை பயக்குகின்றன. பனை மரங்கள் பொதுவாக அவற்றின் பல்நோக்கு பயன்பாட்டிற்காக மதிக்கப்படுகின்றன- பழங்கள், கள், இனிப்பு, கிழங்கு வகை மற்றும் அவற்றின் இலைகளில் இருந்து தயாரிக்கப்படும் அலங்காரப் பொருட்கள். இதனால் அவை ‘மரங்களின் இளவரசி’ என அழைக்கப்படுகின்றன. பனைமரங்களின் நேர்த்தியும் கம்பீரமும் வனத்துறையினர், தோட்டக்கலை வல்லுநர்கள் மற்றும் பல சுற்றுச்சூழல் ஆர்வலர்களின் கவனத்தை ஈர்க்கின்றன.

ஆய்வாளர்களின் கூற்றுப்படி, தமிழ்நாட்டில் முன்பு இருந்த 50 கோடி பனை மரங்களுக்குப் பதிலாக தற்போது 4 முதல் 5 கோடி பனை மரங்கள் மட்டுமே உள்ளன. தூத்துக்குடி, திருநெல்வேலி மற்றும் ராமநாதபுரம் போன்ற தமிழகத்தின் தெற்கே உள்ள மாவட்டங்களில் 50 சதவிகிதம் உள்ளன. ஆகவே, அவை பனை மரத்தின் மையமாக திகழ்கின்றன. அதே நேரத்தில் சென்னை, செங்கல்பட்டு, சேலம் மற்றும் நாமக்கல் மாவட்டங்களில் சுமார் 20 சதவிகித மரங்கள் உள்ளன.

பனைத்தொழில்:

பனை விவசாயம் ஒரு தனி வணிக தொழிலாக கருதப்படுகிறது. ஏப்ரல் முதல் ஆகஸ்ட் வரை, ராமநாதபுரம், திருநெல்வேலி மற்றும் தூத்துக்குடி; ஆகஸ்ட் முதல் மார்ச் வரை, கன்னியாகுமரி; ஏப்ரல் முதல் அக்டோபர் வரை, சேலம் மற்றும் தர்மபுரியில், கள்ளெடுப்பு நடக்கிறது. பனை மரங்கள் பல நபர்களுக்கு ஆரோக்கிய நன்மைகளையும் வாழ்வாதாரத்திற்கான வழிமுறைகளையும் வழங்குகின்றன. தென் தமிழகத்தில் உள்ள மக்கள் தங்கள் வாழ்வாதாரத்திற்காக பனை பொருட்களை திறம்பட தயாரிக்கும் தொழிலையே நம்பியுள்ளனர். அவர்கள் பனை ஓலைகளில் இருந்து கலைப்பொருட்கள், தொப்பிகள், பாய்கள், சிலம்புகள் மற்றும் பிற கூடைகளை உற்பத்தி செய்கிறார்கள்.

சமீபத்திய தரவுகளின்படி, 108 நாடுகளில் பனை மரங்கள் வளர்கின்றன. தமிழகத்தில், 50 ஆண்டுகளுக்கு முன், 50 கோடி பனை மரங்கள் இருந்தன. ஒரு பனை 15 மீட்டர் உயரத்தை அடைய 10 ஆண்டுகள் ஆகும். முதிர்ச்சியடைந்த பின்னரே, ஒரு பனை மரம் ஆண் மற்றும் பெண் என வேறுபடுத்தப்படும். பனை மரத்தின் அதிகபட்ச உயரம் சுமார் 30 மீட்டர் ஆகும். பனை ஒரு ஆச்சர்ய மரம் என்று கூறலாம். ஏனென்றால், தண்ணீர் இல்லாமல், பனை மரங்களால் தங்களை நிலைநிறுத்திக்கொள்ள முடியும். இதனால் அதை ‘உயிர்ப்பு மரம்’ என்று அழைக்கின்றனர். மனிதனின் அதிகபட்ச ஆயுட்காலத்தையும் தாண்டி வலுவாக நிற்கும் மரங்கள் ஆகும். கூடுதலாக, நிலத்தடி நீரை தக்கவைப்பதில் பனை மரங்கள் முக்கிய பங்கு வகிக்கின்றன. இதனால், தமிழக சட்டசபையில் தீர்மானம் நிறைவேற்றி, பனை மரங்களை வேருடன் அகற்ற தமிழக அரசு தடை விதித்துள்ளது.

அதேபோல, ஏப்ரல் 2022 இல், செம்மணல் தேரி மணல் திட்டுகளில் மணல் கொள்ளையடிக்கும் மணல் மாபியா கும்பலைக் கண்டித்து, தமிழகத்தின் தூத்துக்குடி மாவட்டம் திருச்செந்தூர் அருகே ஏக்கர் கணக்கில் வளர்ந்திருந்த 300 பனைமரங்களை அழித்து, சுற்றுச்சூழலுக்கு அச்சுறுத்தலை ஏற்படுத்தியதாக அப்பகுதி மக்கள் போராட்டம் நடத்தினர். திருச்செந்தூர் சுற்றுவட்டார மக்களின் நிலத்தடி நீர் ஆதாரமாக விளங்கும் மணல் திட்டுகள் அழிந்து வருவதால், அப்பகுதியில் நிலத்தடி நீர்மட்டம் வேகமாக குறைந்து, நிலத்தடி நீர் பாதிக்கப்படுவதாக மக்கள் கவலை தெரிவித்தனர்.

தமிழகத்தில், பனை மரங்களில் இருந்து கள் எடுக்க அனுமதிக்க வேண்டும் என்றும், அதன் மீதான தடையை நீக்க வேண்டும் என்றும், தமிழக அரசுக்கு பனை ஏறுவோர் மற்றும் விவசாயிகள் தொடர்ந்து கோரிக்கை விடுத்து வருகின்றனர். Palm wine என்று அழைக்கப்படும் கள் என்பது பனை மரத்தின் புளித்த சாறில் இருந்து தயாரிக்கப்படும் ஒரு பானமாகும். சங்க இலக்கிய காலத்திலிருந்தே தமிழர்களின் அன்றாட வாழ்க்கை, செயல்பாடுகள், சமயச் சடங்குகள் மற்றும் போர்களில் கள் பானம் ஒரு அங்கமாக இருந்ததாகக் கூறப்படுகிறது. தமிழகத்தில் கடந்த 34 ஆண்டுகளாக கள் தடை சட்டம் கொண்டு வந்த அழிவுகள் பன்முகத்தன்மை வாய்ந்தவை என விவசாயிகள் வேதனை தெரிவிக்கின்றனர். ஊரகப் பொருளாதாரம், சித்த மருத்துவம், தொல்லியல், ஊட்டச்சத்து குறைபாடு என பல துறைகள் இந்த தடை காரணமாக பெரிதும் பாதிக்கப்பட்டுள்ளன.

இதற்கிடையில், சுற்றுச்சூழல் ஆர்வலர்கள் மற்றும் விவசாயிகளின் கூற்றுப்படி, மாநிலத்தில் விற்கப்படும் டாஸ்மாக் மதுபானத்தில் 42 சதவிகித ஆல்கஹால் உள்ளது, அதே நேரத்தில் ஆல்கஹால் உள்ளடக்கத்தில் பத்தில் ஒரு பங்கு மட்டுமே கள்ளில் உள்ளது. டாஸ்மாக்கில் விற்கப்படும் மதுவுக்கு மாற்றாக கள்ளைப் பயன்படுத்துவது குறித்து அரசியல் கட்சிகள் கொள்கை முடிவுகளை எடுக்க வேண்டும் என்ற கோரிக்கை வலுத்து வருகிறது. மேலும், தமிழக அரசியல் கட்சிகளின் தேர்தல் வாக்குறுதிகளிலும் அது எதிரொலித்தது. பனைத் தொழிலாளர்கள், சித்த மருத்துவர்கள், பனை உணவு ஆர்வலர்கள், சூழலியல் ஆர்வலர்கள் மற்றும் நுகர்வோர் ஆகியோர் தொடர்ந்து கள்லுக்கு ஆதரவாக தங்கள் கருத்துக்களை முன்வைத்து வருகின்றனர்.

பிரான்சில் ஷாம்பெயின், ரஷ்யாவில் வோட்கா, ஒயின், ரம், விஸ்கி மற்றும் பிராந்தி போன்றவற்றை ஐரோப்பிய நாடுகளில் அடிக்கடி உட்கொள்ளும் Palm wine பானம் தமிழகத்தில் மட்டுமல்ல, தெற்காசியாவிலும் பயன்படுத்தப்பட்டு வருகிறது. இதன் காரணமாக, ஒவ்வொரு நாடுகளும் தங்கள் வாழ்க்கை முறை மற்றும் சூழ்நிலைகளுக்கு ஏற்ப ‘கலிபானம்’ உருவாக்கி பயன்படுத்தியது. வெள்ளையர்களின் மேலாதிக்கமும் காலனித்துவமும் வெளிநாட்டு பூர்வீக மதுபானங்களை திணித்தன. விவசாயத்தில் ஏற்பட்ட பின்னடைவு காரணமாக பெரும்பாலான விவசாயிகள் இப்போது போதுமான வருமானம் ஈட்டுவதில்லை. இந்த நிலையில் கள் தடை நீக்கப்பட்டால் தென்னை மற்றும் பனை தொழில்கள் விரிவடையும் வாய்ப்புகள் அதிகம். பனை ஏறுபவர்களுக்கும் அதிக வேலை வாய்ப்புகள் கிடைக்கும் என்று அவர்கள் கூறுகிறார்கள்.

தமிழ்நாட்டில் 30 வகையான பனை மரங்கள் இருந்ததாக ஆய்வுகள் கூறுகின்றன. அதில் தற்போது மூன்று வகைகள் மட்டுமே உள்ளன-- நாட்டுப்பனை, கூந்தப்பனை மற்றும் தாலிபனை. தமிழ்நாட்டில் காகிதம் அறிமுகமாகும் வரை பனை ஓலையே முதன்மைப் பொருளாக இருந்தது. இந்த பனை ஓலைகள் நூறு ஆண்டுகள் வரை அழியாமல் தக்கவைத்துக்கொள்ளும் என்று கூறப்படுகிறது. பனை மரங்களை செங்கல் சூளை எரிபொருளாகப் பயன்படுத்துதல், பனைமரம் வளரும் இடங்களை வீட்டு மனைகளாக மாற்றுதல் மற்றும் பனை விதைகளை பரப்பும் விலங்குகளின் அழிவு போன்றவற்றின் விளைவாக பனை மரங்களின் வளர்ச்சி வெகுவாகக் குறைந்துள்ளது.

20-ம் நூற்றாண்டின் நடுப்பகுதி வரை தமிழ்நாட்டின் கிராமப்புற ஏழ்மையான மக்களில் கணிசமான சதவிகித மக்களின் வாழ்வாதாரத்தில் பனை மரங்கள் முக்கிய பங்கு வகித்தன என்கிறது வரலாறு.

பனை வளர்ச்சி இயக்ககத்தின் கீழ் வெளியிடப்பட்ட அறிக்கையில், தோட்டக்கலைத் துறை மூலம் 10 லட்சம் பனை விதைகளை விநியோகம் செய்யவும், பனை மரம் ஏறும் சிறந்த இயந்திரத்தை கண்டுபிடித்தவருக்கு வெகுமதி அளிக்கவும், உற்பத்திக்கான தொழிற்சாலை அமைக்கவும் வேளாண்மை உற்பத்தி ஆணையர் செய்திக்குறிப்பில் கூறப்பட்டுள்ளது. மதிப்பு கூட்டப்பட்ட பனை பொருட்கள் 50 சதவிகித மானியத்துடன், உற்பத்திக்கான உபகரணங்களை வழங்குவதற்கான ஏற்பாடுகளையும் செய்துள்ளது. மேலும், 75 சதவிகித மானியத்தில் பனை மரம் ஏறுபவர்களுக்கு கருவிகள் வழங்கவும், தமிழ்நாடு பனை உற்பத்தி மேம்பாட்டு வாரியம் மூலம் 250 பனை விவசாயிகளுக்கு தரமான பனை வெல்லம் மற்றும் பனை சர்க்கரை உற்பத்தி குறித்த பயிற்சி அளிக்கவும், 100 பெண்களுக்கு பனை எண்ணெய் மற்றும் உற்பத்தி குறித்த பயிற்சி அளிக்கவும் மாநில அரசு ரூ. 2.02 கோடி ஒதுக்கீடு செய்துள்ளது.

இதைத்தொடர்ந்து, பனைமரத்தில் எளிதாக ஏற உதவும் சிறந்த கருவியை கண்டுபிடிப்பவருக்கு ரூ.1 லட்சம் பரிசு வழங்கப்படும் என அரசு அறிவித்துள்ளது. பல்கலைக்கழகங்கள், தனியார் நிறுவனங்கள், விவசாயிகள் மற்றும் தொழிலாளர்கள் போட்டியில் பங்கேற்குமாறு அத்துறையால் கேட்டுக் கொள்ளப்பட்டுள்ளனர். ஆகவே, பனைமரம் ஏறுவதற்கான சிறந்த கருவியை கண்டுபிடித்தவரை தேர்வு செய்ய அரசு தேர்வுக் குழுவை அமைத்துள்ளது. அத்தகைய உபகரணங்களை கண்டுபிடிப்பதற்கான மொத்த செலவு, செயல்திறன், உபகரணங்களின் செலவு-செயல்திறன் மற்றும் ஒட்டுமொத்த பயன்பாட்டினை அடிப்படையாகக் கொண்டு விருது பெறுபவர் தேர்ந்தெடுக்கப்படுவார். அத்துடன், இத்துறை ஒரு இணையதளத்தையும் வழங்கியுள்ளது-- www.tnhorticulture.gov.in என்ற தளத்தில் தனிநபர்கள் மற்றும் நிறுவனங்கள் பதிவு செய்ய ஊக்குவிக்கப்படுகிறது.

Published by:Archana R
First published:

Tags: Tamil Nadu, Tamil Nadu government