Home /News /tamil-nadu /

திமுக விரைவில் பாஜகவுடன் கூட்டணி வைக்க அதிக வாய்ப்பு உள்ளது.. சீமான்

திமுக விரைவில் பாஜகவுடன் கூட்டணி வைக்க அதிக வாய்ப்பு உள்ளது.. சீமான்

சீமான், ஸ்டாலின்

சீமான், ஸ்டாலின்

பல ஆண்டுகளாக சிறையில் உள்ள இசுலாமியர்களை விடுதலை செய்ய தமிழக மறுப்பது ஏன்? சட்டம்தான் தடை என்றால் சட்டத்தை இயற்றிய உங்களால் அதை திரும்பப்பெற முடியாதா? என நாம் தமிழர் கட்சி தலைவர் சீமான் தெரிவித்துள்ளார்.

    ஆட்சியில் இல்லாத போது அனைத்திற்கும் எதிர்ப்பு குரல் கொடுத்த திமுக, தற்போது ஆட்சி அமைத்த உடன் அவற்றை கண்டுகொள்ளாமல் இருப்பது ஏன் என்று கேள்வி எழுப்பிய சீமான், விரைவில் திமுக பாஜகவுடன் கூட்டணி வைக்க அதிக வாய்ப்பு உள்ளது என்று தெரிவித்தார்.

    இருபது ஆண்டுகளுக்கு மேல் சிறையில் உள்ள இஸ்லாமியர்களை விடுதலை செய்ய வலியுறுத்தி நாம் தமிழர் கட்சி ஒருங்கிணைப்பாளர் சீமான் தலைமையில் சென்னை வள்ளுவர் கோட்டம் அருகே ஆர்ப்பாட்டம் நடைபெற்றது. இதில் 500க்கும் மேற்பட்ட நாம் தமிழர் கட்சியினர் கலந்து கொண்டனர்.

    தொடர்ந்து செய்தியாளர்களை சந்தித்த சீமான், ராஜூவ் காந்தி கொலை மற்றும் இஸ்லாமியர்களை விடுதலை செய்ய மறுப்பது துரோகம் என்றும், 7 தமிழர் விடுதலை மாநில அரசின் கையில் இருப்பதாக உச்ச நீதிமன்றம் தெரிவித்துள்ள நிலையில் விடுதலை செய்ய மறுப்பது ஏன்? என்று கேள்வி எழுப்பினார்.

    மேலும் விடுதலை செய்ய மறுப்பதற்கான காரணம் என்ன என்றும், சட்டம் தடையாக இருக்கிறதென்றால் அதை திரும்பப்பெறவேண்டியதில் என்ன சிக்கல்? என்ற அவர், அதிமுக ஆட்சியில் விடுதலை செய்யப்பட்ட 100 பேரில் இஸ்லாமியர்கள் இல்லை என்று தெரிவித்தார்.

    இஸ்லாமியர்களின் வாக்கு வேண்டும் ஆனால் அவர்களை விடுதலை செய்ய மறுப்பதா இஸ்லாமியர்களின் பாதுகாவளர் என கூறும் திமுக இஸ்லாமியர்களை சிறையில் வைத்து பாதுகாப்பதா? என்று பேசிய அவர், திராவிடம் என்பது பிரமாணர்களும் இஸ்லாமியர்களையும் தவிர்த்து என பெரியார் சொல்லியிருக்கிறார் அங்கிருந்தே பிரச்னை தொடங்கிவிட்டது என்றும் கூறினார்.

    அதிமுக ஆட்சியில் பாஜக-விற்கு அடிமைகளாக இருந்தார்கள், தற்போது திமுக பாஜக-விற்கு கொத்தடிமைகளாக இருக்கிறார்கள் என்று சாடினார்.

    பிஜேபிக்குள் திமுக புகுந்துவிட்டது என்று கூறிய சீமான், ஆட்சியில் இல்லாத போது, நீட் உள்ளிட்டவற்றுக்கு எதிர்ப்பு தெரிவித்த திமுக தற்போது அனைத்திற்கும் மௌனமாக இருபது ஏன் என்றார். அதேபோல் ஒவ்வொரு முறையும் ஆளுநரை பார்த்துவிட்டு வரும் போதெல்லாம் தங்கள் எதிர்ப்பை திமுக மாற்றி வருவதாகவும், தற்போது புதிய கல்வி கொள்கையில் உள்ள நல்லவைகளை எடுத்து கொள்வோம் என்று திமுக கூறுவது எந்த மாதிரியான நடவடிக்கை என்று கேள்வி எழுப்பினார். இந்நிலையில் விரைவில் திமுக பாஜக உடன் கூட்டணி வைக்க அதிக வாய்ப்பு உள்ளது என்று சீமான் தெரிவித்தார்.

    Also Read : நரிக்குறவ தம்பதிக்கு பாத பூஜை செய்த போக்குவரத்து ஊழியர்கள் - வைரலாகும் வீடியோ

    அதேபோல் திமுகவின் கொள்கைக்கு எதிரான நிலைபாட்டை எடுக்கும் காங்ரஸ் கட்சியை ஏன் கூட்டணியில் வைத்திருக்கிறது திமுக என்றும், திமுக-வை காங்கிரஸ் வெற்றிபெற வைக்கிறதா? காங்ரஸ்-யை திமுக வெற்றி பெற வைக்கிறதா என்றார். மேலும் தனித்து நின்றால் பா.சிதம்பரம், கார்த்திக் சிதம்பரம் கூட வெற்றி பெற முடியாது என்று விமர்சித்தார்.

    17 மாநிலங்களில் பாஜக ஆட்சி செய்வதால்தான் நாடு கேவளமாக உள்ளது என்றும், குஜராத் மாடல் என்று தங்களை பாஜக கூறி வருகிறது. ஆனால் இந்தியாவிலேயே கற்பப்பையை வாடகைக்கு விடும் அதிக தாய்மார்கள் கொண்ட மாநிலம் குஜராத் தான் என்றார்.

    பிபின் ராவத் குறித்து மாரிதாஸ் பேசியது தவறுதான். ஆனால் மணிகன்டன் மரணம் குறித்து மாரிதாஸ் பேசியதில் என்ன தவறு என்றும், கருத்து சுதந்திரத்தின் போது கைது நடவடிக்கை தவறானது என்றார். கைது செய்து மாரிதாஸை பெரிய மனிதர் ஆக்கிவிட்டது திமுக என்று தெரிவித்தார். பாஜக-வும் கருத்து சுதந்திரத்தை நெறிக்கிறது, திமுக-வும் நெறிக்கிறது என்று தெரிவித்தார்.
    Published by:Esakki Raja
    First published:

    Tags: Seeman

    அடுத்த செய்தி