Home /News /tamil-nadu /

சிஏஏ-வுக்கு ஆதரவு அளித்ததால்தான் 11 மருத்துவக் கல்லூரிகள் கிடைத்தது - திண்டுக்கல் சீனிவாசன்.

சிஏஏ-வுக்கு ஆதரவு அளித்ததால்தான் 11 மருத்துவக் கல்லூரிகள் கிடைத்தது - திண்டுக்கல் சீனிவாசன்.

அமைச்சர் திண்டுக்கல் சீனிவாசன்.

அமைச்சர் திண்டுக்கல் சீனிவாசன்.

கற்பழிச்சான் போனன் வந்தான்னா அது காலங்காலமாக நடக்கிறது. 5 லட்சத்தை 10 கோடியாக மாற்றுவது ரெகுலரா நடக்குது.

  • News18 Tamil
  • 1 minute read
  • Last Updated :
    குடியுரிமை சட்டத்தை ஆதரித்து வாக்களித்ததால்தான் தமிழகத்திற்கு 11 கல்லூரிகள் வந்தது என்றும், பெண்களை கற்பழிப்பது காலம் காலமாக நடக்கிறது. 5 லட்சத்தை 10 கோடியாக மாற்றுவதும் தமிழகத்தில் தொடர்ந்து நடக்கிறது என்று வனத்துறை அமைச்சர் சீனிவாசன் சர்ச்சை ஏற்படுத்தும் விதத்தில் பேசினார்.

    சட்டமன்றத்தில் நிறைவேற்றப்பட்ட நிதிநிலை அறிக்கை குறித்த விளக்கக் கூட்டம் திண்டுக்கல்லில் வியாழனன்று நடைபெற்றது. இந்த கூட்டத்தில் கலந்து கொண்டு அவர் பேசுகையில் மு.க ஸ்டாலின் பேச்சுகளுக்கு பதிலளிக்கும் விதமாகப் பேசினார்.

    ”மரியாதைக்குரிய மோடி அவர்கள், இவர்கள் தான் அசாமுக்கு வந்திருக்கிறார்கள் என்பதை அடையாளம் காண்பித்து அடையாளச் சீட்டு கொடுப்பதற்காகவும், ரேசன் கார்டு கொடுப்பதற்காகவும்  குடியுரிமை சட்டத்தை கொண்டு வந்தார். இதில் யாருக்கு என்ன பாதிப்பு? நாங்கள் பாஜகவை ஆதரித்ததால் 11 மருத்துவக் கல்லூரிகள்  எடப்பாடி பழனிச்சாமி அவர்கள் பெற்றுள்ளார். அதில் ஒன்று திண்டுக்கல்லுக்கு வந்திருக்கிறது என்றால் அதற்கு மாண்புமிகு நரேந்திர மோடியோடு நாங்கள் இணக்கமாக செல்வது தான் காரணம். நாங்க அப்படி சொன்னால் பத்திரிக்கையில் ஜால்ரா அடித்ததனால் தான் கிடைத்தது என்கிறார்கள்.

    தமிழகத்திற்கு சீன அதிபர், பிரதமர் மோடி வந்தபோது இரண்டு பேரும் எங்கள் ஆட்சியைப் பார்த்து  மக்களை அன்பாக பார்த்துக்கொள்கிறார்கள். தமிழகத்தை போல ஒரு மாநிலத்தை பார்க்கவில்லை. சட்டம் ஒழுங்கு சிறப்பாக இருக்கிறது என்கிறார்கள். நரேந்திர மோடி நமது முதலமைச்சருக்கும் துணை முதலமைச்சருக்கும் பாராட்டு தெரிவிக்கிறார்கள். இப்பவும் பிரச்சனை நடக்குது. எங்காவது குண்டு காயம் ஏற்பட்டு, செத்தாங்க போனாங்கன்னு ஏதாவது வருதா போகுதா? எங்காவது கற்பழிச்சான் போனன் வந்தான்னா அது காலங்காலமாக நடக்கிறது. 5 லட்சத்தை 10 கோடியாக மாற்றுவது ரெகுலரா நடக்குது” என்று சீனிவாசன் பேசினார்.
    Published by:Sivaranjani E
    First published:

    Tags: Dindugal

    அடுத்த செய்தி