Sasikala | ஆயிரம் சசிகலா வந்தாலும் அதிமுகவை ஒன்றும் செய்ய முடியாது: முன்னாள் அமைச்சர் சி.வி.சண்முகம்

அரசியலில் இருந்து ஒதுங்கியிருப்பதாக அறிவித்த சசிகலா, சட்டமன்ற தேர்தலில் அதிமுக தோல்வி அடைந்துள்ள நிலையில் தொண்டர்களிடம் தொலைபேசியில் பேசி வருகிறார்.

மதுரை மாநகர் மாவட்ட அதிமுகவின், எம்ஜிஆர் மன்ற துணை செயலாளர் ஆரோக்கியராஜூடன் சசிலாக பேசியுள்ள ஆடியோ சமூக வலைதளங்களில் வைரலாகி வருகிறது. தொண்டர்களை வைத்துதான் தலைவர் என்றும், தலைவரை வைத்து தொண்டர்கள் இல்லை எனவும் சசிகலா கூறியுள்ளார். விரைவில் எம்ஜிஆர், ஜெயலலிதாவை போல கட்சியை சீரமைப்பேன் என்றும் தெரிவித்துள்ளார்.

இந்நிலையில், சட்டமன்ற தேர்தலின் போது அதிமுகவுக்கு சாதகமாக சசிகலா செயல்படவில்லை என முன்னாள் அமைச்சர் கடம்பூர் ராஜூ தெரிவித்துள்ளார். கோவில்பட்டியில் செய்தியாளர்களிடம் பேசிய அவர், அதிமுகவில் சசிகலா இல்லை எனவும் தெரிவித்தார்.

விழுப்புரத்தில் செய்தியாளர்களிடம் பேசிய முன்னாள் சட்டத்துறை அமைச்சர் சி.வி.சண்முகம், சசிகலா எந்த நாடகம் போட்டாலும் எடுபடாது என்றும், தொண்டர்களால் உருவான அதிமுகவை யாராலும் அசைக்க முடியாது எனவும் குறிப்பிட்டார். எடப்பாடி பழனிசாமி, ஓ.பன்னீர்செல்வம் தலைமையிலான அதிமுகதான் உண்மையான கட்சி என தேர்தல் ஆணையம் அங்கீகரித்துள்ளதாக, சி.வி.சண்முகம் தெரிவித்தார்.

மேலும் படிக்க... Coronavirus | தமிழ்நாட்டு மக்களிடையே கொரோனா எதிர்ப்பு சக்தி குறைந்துள்ளது: அரசு நடத்திய ஆய்வில் தகவல்





உடனடி செய்திகளுக்கு இணைந்திருங்கள்