விவாகரத்து கேட்ட மனைவி.. மாமியாரை குத்திக்கொன்ற மருமகன் - சாத்தூரில் நடந்த அதிர்ச்சி சம்பவம்

கைதான ராம்குமார்

மனைவி விவாகரத்து கேட்டு நிலையில் ராம்குமார் வந்து தகராறு செய்துள்ளார்.

  • Share this:
    விருதுநகர் மாவட்டம் சாத்தூரில் கணவன் மனைவி இடையே ஏற்பட்ட சண்டையை சமாதானம் செய்ய வந்த மாமியாரை குத்திக்கொன்ற மருமகனை போலீசார் கைது செய்து விசாரணை நடத்தி வருகின்றனர்.

    விருதுநகர் மாவட்டம் சாத்தூர் அண்ணாநகரில் வசித்து வருபவர் சங்கரநாரயணன் இவர் மகள் முனீஸ்வரி (25). இவர் வெம்பக்கோட்டை அருகே கட்டணச்செவல் கிராமத்தை சேர்ந்த ராம்குமாரை (27) என்பவரை 7 ஆண்டுகளுக்கு முன்பு  காதலித்து திருமணம் செய்துள்ளார்.

    Also Read: ‘விடுங்க சார்..ஐயோ அடிக்காதீங்க’ - சோதனை சாவடியில் வியாபாரி முருகேசனை போலீஸ் தாக்கும் அதிர்ச்சி வீடியோ

    ராம்குமார் அடிக்கடி குடித்து விட்டு வீட்டுக்கு வருவதால் கணவன் மனைவிக்கு இடையே  அடிக்கடி சண்டை  வந்ததுள்ளது. இதனால் முனீஸ்வரி கடந்த 6 மாதங்களாக ராம்குமாரை பிரிந்து வாழ்ந்து வந்துள்ளார். இந்த நிலையில் முனீஸ்வரி சிலநாட்களுக்கு முன்பு ராம்குமாருக்கு விவகாரத்து கேட்டு வக்கீல் நோட்டீஸ் அனுப்பியுள்ளார். அதில் கோபமடைந்த ராம்குமார் நேற்று இரவு சாத்தூர் அண்ணாநகரில் உள்ள முனீஸ்வரியின் வீட்டுக்கு வந்து தகராறு செய்துள்ளார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    கணவன் மனைவிக்கு இடையே ஏற்பட்ட சண்டையை அருகில் இருந்த முனீஸ்வரியின் சித்தி  மாரியம்மாள் (55)  விலக்கியுள்ளார். அப்போது தான் வைத்திருந்த கத்தியால் ராம்குமார் மாரியம்மாளை  குத்தியுள்ளார். இதில் மாரியம்மாள்  இரத்தம் வெள்ளத்தில்  சம்பவ இடத்தில் பலியாகியுள்ளார். தகவல் அறிந்து சம்பவ இடத்திற்கு வந்த சாத்தூர் நகர் காவல் துறையினர் உயிரிழந்த மாரியம்மாளின் உடலை மீட்டு சாத்தூர் அரசு மருத்துவமனைக்கு பிரேத பரிசோதனைக்கு அனுப்பி வைத்தனர்.

    மேலும் இந்த சம்பவத்தில்  காயமடைந்த முனீஸ்வரி (25) அவருடைய அம்மா சந்திரா (58)   சாத்தூர் அரசு மருத்துவமனையில் சிகிச்சை பெற்று மேல் சிகிச்சைக்காக விருதுநகர் அரசு மருத்துவ கல்லூரி மருத்துவமனையில் சிகிச்சைக்கு அனுமதித்தனர். இந்த கொலை சம்பவம் குறித்து சாத்தூர் நகர் காவல் துறையினர் வழக்குப்பதிவு செய்த போலீசார்  கொலையாளி ராம்குமாரை கைது செய்து விசாரணை மேற்கொண்டு வருகின்றனர்.

    செய்தியாளர்: M.செந்தில்குமார்



    உடனடி செய்திகளுக்கு இணைந்திருங்கள்.
    Published by:Ramprasath H
    First published: