• HOME
  • »
  • NEWS
  • »
  • tamil-nadu
  • »
  • முதல்வர் ஆட்சி சிறப்பாக உள்ளது- திமுக கூட்டணி குறித்து காலம் பதில் சொல்லும் : விஜய பிரபாகரன்

முதல்வர் ஆட்சி சிறப்பாக உள்ளது- திமுக கூட்டணி குறித்து காலம் பதில் சொல்லும் : விஜய பிரபாகரன்

கோப்புப் படம்

கோப்புப் படம்

தேமுதிக அதே எழுச்சியோடுதான் செயல்படுகிறது. வெற்றி தோல்வி என்பது வந்து போகும். மீண்டும் தேமுதிகவை தூக்கி நிறுத்துவோம் என்று விஜய பிரபாகரன் கூறினார்.

  • Share this:
    திமுகவின் கூட்டணி குறித்து காலம் தான் பதில் சொல்லும்  என்றும் தமிழக முதல்வர் ஸ்டாலின் சிறப்பான ஆட்சி செய்கிறார் என்றும் தேமுதிக தலைவர்  விஜயகாந்த் மகன் விஜயபிரபாகரன் தெரிவித்துள்ளார்.

    விருதுநகர் மாவட்டம் ஸ்ரீவில்லிபுத்தூரில் தேமுதிக சார்பில் நடைபெற்ற நலத்திட்ட உதவிகள் வழங்கும் நிகழ்ச்சியில் தேமுதிக தலைவர் விஜயகாந்தின் மகன் விஜயபிரபாகரன் கலந்துகொண்டு நலத்திட்டங்களை வழங்கினார். பின்னர் செய்தியாளர்களை விஜய பிரபாகரன் சந்த்தார்.

    அப்போது,  தேமுதிக அதே எழுச்சியோடுதான் செயல்படுகிறது. வெற்றி தோல்வி என்பது வந்து போகும். மீண்டும் தேமுதிகவை தூக்கி நிறுத்துவோம். மக்கள் எங்களை தேர்தல் நேரத்தில் அங்கீகரிக்காததால் தேர்தலில் தோல்வியுற்றோம். வாக்கு சதவீதம் அப்படியே உள்ளது என்று தெரிவித்தார்.

    தொண்டர்கள் அப்படியேதான் இருக்கிறார்கள்.வருங்காலத்தில் தேமுதிக ஆரம்பித்ததன் லட்சியம் நோக்கி பயணிப்போம் என்று குறிப்பிட்ட அவர்,  திமுகவின் கூட்டணி குறித்து காலம் தான் பதில் சொல்லும் என்று தெரிவித்தார். மேலும், தமிழக முதல்வர் ஸ்டாலின் நல்ல திட்டங்களை கொண்டு வந்து சிறப்பான ஆட்சி செய்கிறார் என விஜய பிரபாகரன் பாராட்டு தெரிவித்தார்.

    தேமுதிக தலைவர் விஜயகாந்த் உடல்நிலை நலமாக உள்ளது என்றும் பழைய நிலைக்கு திரும்ப இன்னும் கொஞ்ச நாள் ஆகும். தங்களால் முடிந்த முயற்சி செய்து கொண்டிருக்கிறோம் என்றும் கூறிய அவர்,  மக்களை சந்திக்க வேண்டிய நேரத்தில் விஜய்காந்த் சந்திப்பார் என்று கூறினார்.

    இதையும் படிங்க: ஆதிச்சநல்லூரில் 17 ஆண்டுகளுக்கு பின்னர் மீண்டும் தொடங்கிய மத்திய தொல்லியல் பணிகள்!

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Murugesh M
    First published: